KPT+
សណ្ឋាគារថ្លៃបំផុតលើលោក ឆ្នាំ២០២១ គេងមួយយប់ បុគ្គលធម្មតាចាយកន្លះជីវិត
ខាងក្រោមជាបញ្ជីរឈ្មោះសណ្ឋាគារថ្លៃបំផុតទាំង ១០ នៅលើពិភពលោក ក្នុងឆ្នាំ២០២១ ដែល កម្ពុជាថ្មី នឹងបង្ហាញជូន!
១០. សណ្ឋាគារ Burj Al Arab ទីក្រុងឌូបៃ ប្រទេសអារ៉ាប់រួម
វាជាសណ្ឋាគារលំដាប់ផ្កាយ៧ និងជាអគារខ្ពស់ជាងគេលំដាប់ទី៤ នៅលើពិភពលោក។ រូបរាងរបស់សណ្ឋាគារនេះត្រូវបានរចនាដោយវិស្វករ Tom Wright ក្នុងទម្រង់ជាសំពៅក្ដោង និងអាចចតឧទ្ធម្ភាគចក្របាន។ សម្រាប់ការស្នាក់មួយយប់នៃសណ្ឋាគាដ៏ប្រណីតនេះ ភ្ញៀវត្រូវចំណាយជាង ២៤០០០ដុល្លារអាមេរិក។
៩. សណ្ឋាគារ Plaza Athenèe ទីក្រុងប៉ារីស ប្រទេសបារាំង
Plaza Athenèe ជាសណ្ឋាគារលំដាប់កំពូលជាងគេ នៅទីក្រុងប៉ារីស។ ចំពោះភ្ញៀវដែលស្នាក់នៅជាន់ទី៥ អ្នកអាចទស្សនាទេសភាពនៃប៉ម Eiffel ពីសណ្ឋាគារនេះបាន។ ជាមួយនឹងបន្ទប់ធំទូលាយ និងគ្រឿងសង្ហារឹមប្រណីតៗ ភ្ញៀវត្រូវបង់ថ្លៃបន្ទប់ ២៧០០០ដុល្លារអាមេរិក សម្រាប់មួយយប់។
៨. រីសត Palms Casino ទីក្រុង Las Vegas រដ្ឋ Nevada សហរដ្ឋអាមេរិក
វាជាសណ្ឋាគារ និងកាស៊ីណូមាន ៦៥៣បន្ទប់ ដ៏ប្រណីត និងគ្របដណ្តប់លើផ្ទៃដីជាង ៨០០ ម៉ែត្រការ៉េ។ អ្នកចង់ស្នាក់នៅទីនេះ មួយយប់ត្រូវចំណាយប្រាក់ជាង ៣៥០០០ដុល្លារអាមេរិក។ រចនាបថរចនារបស់រីសតមួយនេះ ជាការលាយបញ្ចូលគ្នារវាងសម័យទំនើប និងបុរាណ។ គ្រឿងបរិក្ខាររួមមាន តុបៀរ ស្នាដៃសិល្បៈ អាងទឹក សុទ្ធសឹងលំដាប់ថ្នាក់ពិភពលោក ដែលវាបានក្លាយជាជម្រើសដ៏ពេញនិយមរបស់អ្នកមានៗ។
៧. សណ្ឋាគារ Martinez ទីក្រុង Cannes ប្រទេសបារាំង
លក្ខណៈលេចធ្លោនៃសណ្ឋាគារដ៏ប្រណីតនេះ គឺការរចនាតាមបែបរស់នៅរបស់ជនជាតិបារាំងបុរាណ។ វាបានបង្កើតឡើងក្នុងឆ្នាំ ១៩២៩ ដោយជនជាតិអ៊ីតាលី។ ភ្ញៀវដែលស្នាក់នៅទីនេះ អាចមើលឃើញទេសភាពនៃទីក្រុងភាគខាងត្បូងប្រទេសបារាំង និងឈូងសមុទ្រ Cannes ផងដែរ។ តម្លៃក្នុងមួយយប់ពី ២៧០០០-៣៦០០០ដុល្លារអាមេរិក។
៦. រមណីយដ្ឋានកោះ Laucala ប្រទេសហ្វីជី
វាជាវីឡាដ៏ប្រណីតមួយដែលមានទីតាំងនៅលើកោះ នៃប្រទេសហ្វីជី។ គ្រប់គ្នាដែលអាចទៅស្នាក់នៅទីនេះបាន លើកលែងតែមានការអនុញ្ញាតឬអញ្ជើញពីម្ចាស់កោះលោក Dietrick Mateschitz ។ មិនអ៊ីចឹងទេ អ្នកជាមនុស្សដែលស្គាល់គ្នាជាមួយដៃគូស្ថាបនារមណីយដ្ឋាននេះ គឺក្រុមហ៊ុន Red Bull ទើបមានឱកាសទទួលបានវិស្សមកាលនៅលើកោះនេះបាន។ តម្លៃរបស់វាចន្លោះពី ៧០០០-៣៦០០០ដុល្លារអាមេរិក។
៥. រីសត Lagonissi Royal Villa នៅទីក្រុង Athens ប្រទេសក្រិក
សណ្ឋាគារដ៏អស្ចារ្យមួយនេះដែលមានទីតាំងនៅតំបន់ Athenian Rivera មានភោជនីយដ្ឋានចំនួន ១០ បន្ទប់គេង ១៩៧ និងបន្ទប់ពិសេសចំនួន ៧៦។ ខាងក្នុងរីសតបំពាក់នូវគ្រឿងបរិក្ខារទំនើបៗ មានកន្លែងសម្រាប់ចតឧទ្ធម្ភាគចក្រ កន្លែងជួលកប៉ាល់ និងឡាន Limousine។ ការចំណាយនៅទីនេះមួយយប់ថ្លៃ ៤ម៉ឺនដុល្លារអាមេរិក។
៤. សណ្ឋាគារ Raj Palace ទីក្រុង Jaipur ប្រទេសឥណ្ឌា
Raj Palace ជាសណ្ឋាគារថ្លៃបំផុតនៅអាស៊ី ដែលភ្ញៀវនឹងចំណាយជាង ៤៣០០០ដុល្លារអាមេរិកសម្រាប់ការស្នាក់នៅមួយថ្ងៃ។ វាសាងសង់ឡើងក្នុងឆ្នាំ ១៧២៧ ហើយវាជាប់ឈ្មោះជាសណ្ឋាគារបេតិកភណ្ឌដ៏ចំណាស់របស់ឥណ្ឌាផងដែរ។
៣. សណ្ឋាគារ Four Seasons រដ្ឋ New York សហរដ្ឋអាមេរិក
អាគារមួយនេះបានចាប់ផ្តើមនៅឆ្នាំ ១៩៨៩ ដោយចំណាយពេល ៧ឆ្នាំក្នុងការសាងសង់និងទឹកប្រាក់ចំនួន ៥០លានដុល្លារអាមេរិក។ វាជាប់ឈ្មោះជាសណ្ឋាគារថ្លៃបំផុត នៅអាមេរិក ព្រោះបន្ទប់គេងអាចទស្សនាទេសភាព ៣៦០ដឺក្រេ គ្រឿងបរិក្ខារបំពាក់ដោយក្រណាត់តម្បាញ ទាំងមានស្រោបមាស និងផ្លាទីនផង។ ចំពោះអ្នកចង់ស្នាក់នៅទីនេះត្រូវចំណាយ ៥ម៉ឺនដុល្លារ ក្នុងមួយយប់។
២. សណ្ឋាគារ Wilson Royal Penthouse Suite ទីក្រុងហ្សឺណែវ ប្រទេសស្វីស
ឈ្មោះរបស់វាត្រូវបានយកតាមឈ្មោះប្រធានាធិបតីទី ២៨ របស់សហរដ្ឋអាមេរិក ដែលវាមានទីតាំងនៅជិតអគារអង្គការសហប្រជាជាតិ ទីក្រុងហ្សឺណែវ។ សាងសង់ក្នុងទំហំ ១៨០០ម៉ែត្រការ៉េ ជាមួយនឹងបង្អួចការពារគ្រាប់កាំភ្លើង ជណ្តើរយន្តឯកជន និងលម្អដោយវត្ថុប្រណីតផ្សេងៗទៀត។ មួយយប់នៃការស្នាក់នៅសណ្ឋាគារនេះថ្លៃ ៨ម៉ឺនដុល្លារអាមេរិក។
១. សណ្ឋាគារ Lover’s Deep Luxury Submarine សហរដ្ឋអាមេរិក
វាជាសណ្ឋាគារថ្លៃបំផុតលើលោក ក្នុងមួយយប់អាចចំណាយពី ១៥០០០០-២៩២០០០ដុល្លារអាមេរិក។ សណ្ឋាគារនេះ មិនមែនជាអគារនៅលើគោកទូទៅ ឬសង់លើផ្ទៃទឹកឡើយ តែវាជាបន្ទប់របស់នាវាមុជទឹកដ៏ប្រណីតបំផុតមានទីតាំងស្ថិតនៅក្នុងមហាសមុទ្រការ៉ាប៊ីន។ ភ្ញៀវភាគច្រើនដែលទៅជួលកន្លែងនេះ ជាគូស្នេហ៍ទើបរៀបការរួច ឬគូស្នេហ៍អភិជន មានទ្រព្យវាល់លានក្នុងដៃ៕
ប្រែសម្រួល៖ សន្យា
ចុចអាន៖ អគារខ្ពស់ជាងគេទាំង ១០ នៅឌូប៉ៃ និងលេចធ្លោទូទាំងពិភពលោក
ចុចអាន៖ ស្គាល់ឬនៅ ធនាគារដែលមានវ័យចំណាស់ជាងគេលើពិភពលោក បច្ចុប្បន្ននៅតែដំណើរការដូចដើម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ