Connect with us

KPT+

អ្នកចូលចិត្តសាច់អាំងខ្ចប់សន្លឹកមាសរបស់ Salt Bae ដឹងទេស្ដេចរោយអំបិលរូបនេះ មានប្រវត្តិបែបណា

បានផុស

នៅ

អ្នកចូលចិត្តសាច់អាំងនិងនិយមលេងអ៉ិនធើណេត ប្រាកដជាស្គាល់ Salt Bae ច្បាស់ ដោយសារហាងសាច់អាំងរោយអំបិលដ៏ល្បីល្បាញរបស់លោក ដែលមានទីតាំងនៅ New York, Dubai, Istanbul និងទីតាំងផ្សេងទៀត នៅជុំវិញពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មាន​ឈ្មោះ​ពិត​ថា Nusret Gökç ​ បាន​ក្លាយ​ជា​អ្នក​និយម​អ៊ីនធឺណិត ហើយ​មនុស្ស​ជុំវិញ​ពិភពលោក​បាន​សម្រុក​ចូល​ភោជនីយដ្ឋាន​របស់​លោក ​ដោយសារ​តែ​ស្នាដៃ​អំបិល​លើ​អាហារ​ដ៏​ចំណាន។

Salt Bae បាន​បម្រើ​អាហារ​ដល់​តារា​ល្បីៗ និង​អ្នក​នយោបាយ​មក​ពី​ជុំវិញ​ពិភពលោក​ ឲ្យ​បាន​ស្គាល់​ពី​ស្នាដៃ​អាំង​សាច់​រោយ​អំបិល​។ ដូច្នេះ​វា​មិនមែន​ជា​រឿង​ចម្លែក​ទេ ​ដែល Nusret មាន​ទ្រព្យសម្បត្តិ​ច្រើន​ និង​ទទួល​បានការ​ចាប់​អារម្មណ៍​ពី​ភាព​ជោគជ័យ​ទាំងអស់​របស់​លោក​ នៅ​ក្នុង​ជាជីព​ជាចុងភៅ។

កើតនៅថ្ងៃទី ៩ ខែសីហា ឆ្នាំ ១៩៨៣ ក្នុង​គ្រួសារ​ជនជាតិ​ Kurdish នៃ​ក្រុង Erzurum ប្រទេស​តួកគី លោកបាន​ឈប់​រៀន​នៅ​អាយុ ១១ ឆ្នាំ​ ហើយ​ក្លាយ​ជា​កូន​ជាង​កាត់​សាច់ និង​ជួយ​ផ្នែក​ហិរញ្ញវត្ថុ​របស់​គ្រួសារ​។​ ពេល​នោះ​ហើយ​ គឺ​ជា​អំឡុង​ពេល​ដែល​លោក​ត្រូវ​បាន​បំផុស​គំនិត ​ឲ្យ​ក្លាយ​ជា​ចុងភៅ។

ក្នុង​ឆ្នាំ ២០០៩ Gokce បាន​ផ្លាស់​ទៅ Buenos Aires ជា​កន្លែង​ដែល​លោក​ធ្វើការ​នៅ​ភោជនីយដ្ឋាន​មួយ ហើយ​បាន​ស្វែងយល់​បន្ថែម​អំពី​ឧស្សាហកម្ម​សាច់។

បន្ទាប់មក​នៅឆ្នាំ ២០១០ នៅអាយុ ២៧ ឆ្នាំ​ លោកបាន​បើក​ហាង​សាច់អាំង Nusr-Et ដំបូង​ នៅ​ក្នុង​សង្កាត់​នៃ​ទីក្រុង​អ៊ីស្តង់ប៊ុល។

មិន​យូរ​ប៉ុន្មាន​ ពាណិជ្ជករ​ទួកគី​ម្នាក់​ បាន​ញ៉ាំ​អាហារ​នៅ​ភោជនីយដ្ឋានរបស់លោក ហើយ​មាន​ការ​ចាប់​អារម្មណ៍​យ៉ាង​ខ្លាំង និង​បាន​បណ្ដាក់ទុន ​បើក​ទីតាំង​បន្ថែមទៀតជាមួយលោក។

ក្នុង​ឆ្នាំ ២០១៧ កេរ្តិ៍ឈ្មោះ​របស់​លោក ​បាន​កើន​ឡើង បន្ទាប់​ពី​វីដេអូ​របស់​ Salt Bae ​កំពុង​រៀបចំ​អាហារ​ត្រូវ​បាន​បង្ហោះ​នៅ​លើ Instagram និង Twitter នៅក្នុងភោជនីយដ្ឋានរបស់លោក។

អាកប្បកិរិយា​ប្រកប​ដោយ​ទំនុកចិត្ត និង​វិធី​ដែលលោកប្រោះអំបិលលើអាហារ បានធ្វើ​ឲ្យ​វីដេអូ​នេះ ​រីករាល​ដាល ហើយ​ឈ្មោះ Salt Bae ត្រូវ​បាន​គេដាក់​រហស្សនាមនិងស្គាល់​យ៉ាង​ច្បាស់ ​ដោយសារ​ភាព​ល្បីល្បាញ​តាម​អ៊ីនធឺណិត និង​​ទីតាំង​ដែលលោកបានបើក កាន់​តែ​ច្រើន​នៅ​ជុំវិញ​ពិភពលោក។

គិត​ត្រឹម​ឆ្នាំ ២០២១ ទ្រព្យសម្បត្តិ​សុទ្ធ​របស់​បុរស​វ័យ ៣៨ ឆ្នាំនេះ គឺ​ប្រហែល ៦០ លាន​ដុល្លារ (៤៤ លាន​ផោន) ​ ​៕

ប្រែសម្រួល៖ សាង ស្រីល័ក្ខ

ចុចអាន៖ចង់ស្គាល់ភោជនីយដ្ឋានរបស់​Salt Bae បុរសម្នាក់ស្លុតចិត្ត ពេលគិតលុយ

ចុចអាន៖មុនឆ្នាំ ២០៥០ រឿងដ៏អស្ចារ្យទាំងនេះ នឹងកើតឡើងលើពិភពលោក

ចុចអាន៖ខណៈជោគជ័យក្នុងបច្ចុប្បន្ន តែក្រុមហ៊ុនល្បីៗទាំងនេះ ធ្លាប់ជួបបញ្ហាធំក្នុងអំឡុងឆ្នាំ ២០១៧

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤៣ នាទី មុន

ចូលរោងការស្អែក កូនក្រមុំ Weir បញ្ចេញរូប Pre-Wedding បន្ថែម

ព័ត៌មានជាតិ២ ម៉ោង មុន

អង្គការទេសចរណ៍ពិភពលោក កោតសរសើរចំពោះការសម្រេចចិត្តរបស់រដ្ឋាភិបាលកម្ពុជា

សេចក្ដីជូនដំណឹង៣ ម៉ោង មុន

ប្រជាពលរដ្ឋ​នៅ​ខណ្ឌដង្កោ បាត់​លិខិត​ផ្ទេរសិទ្ធិ​កាន់កាប់​ប្រើប្រាស់​ដីធ្លី និង​ផ្ទះសម្បែង​ច្បាប់ដើម​១ និង​មិន​ទទួលខុសត្រូវ​ចំពោះ​អ្នក​ដែល​រើស​បាន ហើយ​យកទៅ​ប្រើប្រាស់​ខុសច្បាប់

ព័ត៌មានអន្ដរជាតិ៤ ម៉ោង មុន

ម៉ិកស៊ិក ចាប់ស្ដេចគ្រឿងញៀនដ៏ល្បីឈ្មោះ ដែលធ្លាប់សម្លាប់ភ្នាក់ងារ អាមេរិក កាលជិត ៤០ ឆ្នាំមុន

ព័ត៌មានអន្ដរជាតិ៤ ម៉ោង មុន

អឺរ៉ុប “កំពុងបាញ់សួតខ្លួនឯង” ពីការដាក់ទណ្ឌកម្មលើ រុស្ស៊ី

Sokha Hotels

ព័ត៌មានពេញនិយម