KPT+
អត្ថន័យនៃការជូនកាដូក្នុងពិធីបុណ្យ Christmas និងទម្លាប់គ្រីស្ទាននិយមធ្វើ
ខែធ្នូ ជារដូវកាលបុណ្យ Christmas សម្រាប់គ្រីស្ទបរិស័ទ គ្រប់និកាយទាំងអស់។ តាមពិតទៅ បុណ្យនេះពុំចាំបាច់ទាល់ដល់ថ្ងៃទី២៥ ទើបប្រារព្ធនោះទេ ពោលកំលុងខែធ្នូ នារដូវត្រជាក់ គ្រីស្ទានអាចប្រារព្ធពិធីនៅឯព្រះវិហាររៀងខ្លួនបាន។
ចំពោះអ្នកមិនមែនជាគ្រីស្ទានរមែងយល់ច្រឡំថា ពិធីបុណ្យ Christmas ត្រូវតែធ្វើឡើងនៅទី២៥ ខែធ្នូ ជាកំហិត និងមានការយល់ច្រឡំធំមួយទៀត គឺតែងចាត់ទុកបុណ្យនេះ ជាថ្ងៃនៃការជូនកាដូ ឬទទួលកាដូពីគ្នា។
អត្ថន័យពិតនៃពិធីបុណ្យ Christmas ពុំផ្ដោតលើកាដូមួយមុខឡើយ ហើយចំពោះអំណោយរបស់លោកតា Santa Claus ក៏ពុំពាក់ព័ន្ធនឹងជំនឿគ្រីស្ទសាសនាដែរ។ បុណ្យ Christmas គឺជាការអបអរថ្ងៃកំណើតរបស់ព្រះយេស៊ូវ ចំណែកឯការជូនកាដូ ការទទួលកាដូ និងការប្ដូរកាដូគ្នា គ្រាន់តែជាផ្នែកមួយប៉ុណ្ណោះ។
ការពិតនៃបុណ្យ Christmas គ្រីស្ទានតែងនិយមធ្វើនោះគឺ ការប្រកបគ្នា។ ក្នុងជំនឿគ្រីស្ទសាសនា មិនថាពួកគេមាននិកាយណាទេ ការប្រកប ជួបគ្នាដើម្បីទទួលទានអាហារជុំគ្នា ជាសកម្មភាពដែលកម្ររំលងណាស់។
ជាទូទៅ គ្រីស្ទានតែងពិភាក្សាជាមុន រើសថ្ងៃមួយ ដើម្បីរៀបចំពិធីនៅព្រះវិហាររបស់ខ្លួន និងអញ្ជើញអ្នកមិនមែនជាគ្រីស្ទបរិស័ទចូលរួមផងដែរ។ ការជួបជុំធ្វើឡើងដោយមានកម្មវិធីមួយចំនួនក្នុងនោះដូចជា ចម្រៀង លេងតន្ត្រី ការសម្ដែងរឿងខ្លី និងការលេងល្បែងកម្សាន្តជាដើម។ ក្រៅពីហូបអាហាររួមគ្នា ពួកគេតែងត្រៀមកាដូរៀងខ្លួន សម្រាប់ប្ដូរគ្នាទៅវិញទៅមក។
ជាធម្មតា ក្រុមជំនុំ ដែលយើងតែងហៅថា គ្រីស្ទាន មិនមានទម្លាប់ជូនកាដូមនុស្សវ័យក្មេងជាង ឬកូនចៅ ដូចជនជាតិចិនតែងឱ្យអាំងប៉ាវ កំលុងចូលឆ្នាំថ្មីឡើយ។ ក្រៅពីប្ដូរកាដូគ្នា គ្រីស្ទានតែងតែរៃអង្គាសប្រាក់ (ដង្វាយ) ដើម្បីទិញម្ហូបម្ហា និងសម្ភារប្រើប្រាស់ជូនអ្នកទីទ័លក្រ ជនអនាថា ជនពិការ ចាស់ជរា និងក្មេងកំព្រា។ល។
នៅអាមេរិក អឺរ៉ុប និងប្រទេសមួយចំនួនទៀត គេចាត់ទុកថ្ងៃទី២៥ ខែធ្នូ ជាថ្ងៃឈប់សម្រាក ដូច្នេះក្រៅពីជួបជុំគ្រួសារ ពួកគេតែងមូលគ្នាធ្វើសកម្មភាពមនុស្សធម៌តាមលទ្ធភាពរបស់ព្រះវិហារ។ ចំពោះប្រទេសផ្សេងៗ ដែលមិនចាត់ទុកបុណ្យនេះ ជាថ្ងៃឈប់សម្រាក ក្រុមជំនុំរមែងប្រមូលគ្នា នៅថ្ងៃអាទិត្យណាមួយ កំលុងខែ១២ ដើម្បីជូនអំណោយដល់មនុស្សទ័លអត់។
ការជូនកាដូ ឬប្ដូរកាដូគ្នា មិនជាប្រពៃណី ក្នុងព្រះគម្ពីរប៊ីបឡើយ។ ការជូនកាដូ ឬប្ដូរកាដូគ្នា ធ្វើឡើងតាមលទ្ធភាពបុគ្គល ហើយយើងចង់ធ្វើក៏បាន មិនធ្វើក៏បាន ខណៈអត្ថន័យពិតប្រាកដនៃការជូនកាដូ គឺការចែករំលែកក្ដីស្រឡាញ់ទៅកាន់មនុស្សជុំវិញខ្លួន៕
អត្ថបទ៖ សន្យា
ចុចអាន៖ បុណ្យ Christmas មានប្រភពមកពីណា? មានន័យដូចម្ដេច?
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ