អានអត្ថបទនេះ នឹង​ដឹងថា ខ្លួនឯងជាមនុស្ស​ញៀនរឿងភេទសម្ព័នដែរអត់? – Kampuchea Thmey Daily
Connect with us
Helistar Cambodia - Helicopter Charter Services

KPT+

អានអត្ថបទនេះ នឹង​ដឹងថា ខ្លួនឯងជាមនុស្ស​ញៀនរឿងភេទសម្ព័នដែរអត់?

Published

on

ការញៀនរួមភេទ គឺជា​អាកប្បកិរិយាដែលទាក់ទងនឹងការស្វែងរកការរួមភេទមិនរើសមុខ​ពេលវេលា និង​ដែលមិនចាំបាច់​មានភាពជិតស្និទ្ធ ឬស្គាល់គ្នា​អ្វីទំាងអស់។

គំនិត​និងភាពស្រមើស្រមៃ អាសអាភាស ទាក់ទងការរួមភេទក្លាយជា​រឿង ធម្មតារបស់​មនុស្ស​ដែលកំពុងញៀននេះ។

អាកប្បកិរិយាងាយសម្គាល់នៃ អ្នកដែលមានបញ្ហាបែបនេះគឺតែង​តែទម្លាប់និយាយអំពីរឿង​ភេទដោយមិនដឹងខ្លួន និងគិតថាវាជារឿងធម្មតា។ ពួកគេ​មាន​ភាពច្របូកច្របល់ខាងអារម្មណ៍ មាន​បញ្ហាសុខភាពចិត្ត​និងរាងកាយ មាន​បញ្ហាអាជីពនិងច្រើនទៀត ដោយសារ​តែគិតពីរឿង​នេះ គ្រប់ពេលវេលា​គ្រប់ទីកន្លែង មិនថានៅទីធ្វើការ កំពុង​ប្រជុំ កំពុង​បញ្ជាយានជំនិះលើផ្លូវ ឬកំពុង​នៅក្នុងវត្ត។

សរុបមក ការញៀនផ្លូវភេទគឺជាលំនាំដែលជម្រុញការស្រមើស្រមៃនិងបង្កើត​អាកប្បកិរិយាដែលបង្កជា​បញ្ហានៅក្នុងសេចក្តី​ថ្លៃថ្នូរ​របស់មនុស្ស​។ ​វាកើតមានឡើងទំាង​ចំពោះមនុស្សស្រីនិងប្រុសដែលនាំទៅដល់ ការ​បង្ខំចិត្តដោយសម្រេចកាមដោយខ្លួនឯង (ពួកគេ​តែង​យល់ថា មនុស្ស​គ្រប់គ្នាធ្វើបែបនេះ​ជារឿងធម្មតា)។

គេតែងស្វែងរក រូបថត​វីដេអូ ឬសកម្មភាព​ជាក់ស្តែង ឧបករណ៍ផ្លូវភេទ។ ល។ ឬ​តាមប្រមាញ់ស្វែង​រក​វិធី​សម្រាប់សកម្មភាពផ្លូវភេទ។ គេចូលរួម​ក្នុងឧស្សាហកម្ម​ពេស្យាចារ ឬម៉ាស្សាបែប​ត្រេកត្រអាល ហើយ​មិនដែលភ័យព្រួយក្នុងការ​រួមភេទជាមួយមនុស្សដែលបានជួបគ្នា តាមអ៊ិនធរណេតឬដោយផ្ទាល់​មិនថា​អ្នកនោះជាអ្នកណា មកពីណា​អាយុប៉ុណ្ណា​នាំមកនូវបញ្ហា​ដែរទេ?

ចុះនេះជាសិទ្ធិផ្ទាល់ខ្លួន​របស់ពួកគេដែរទេ?

រឿង​ដែលគ្រោះថ្នាក់ គឺ ៨៣% នៃពួកគេ (សន្ទស្សន៍នៅជប៉ុន) គឺ​​រួមភេទដោយមិនបានការពារអ្វី​ សូម្បី​តែ​នៅកន្លែងគ្រោះថ្នាក់។ ពួកគេ​ស្វែងរកបទពិសោធន៍ផ្លូវភេទបន្ថែមហើយបន្ថែមទៀត ដោយមិនគិតពីផលវិបាក ដែលអាចកើតមានភ្លាមៗឬយូរអង្វែងឡើយ។

លំនាំនៃការប្រព្រឹត្តិបទល្មើសផ្លូវភេទតូចតាច ដូចជាការចាប់បង្ខំ ការ​ស្នើសុំ និង​ភាពគ្មានសីលធម៌ បានកើតឡើង​ដោយងាយ ដើម្បី​គេចផុតពីភាពតានតឹងនិងអារម្មណ៍ឈឺចាប់ ធ្លាក់ទឹកចិត្តការថប់បារម្ភ ដែល​ប៉ះទង្គិចនៅពេលមិនបានទទួលការរួមភេទ ឬហោចណាស់ សម្រេចកាមដោយខ្លួនឯង។

វាជាជម្ងឺផ្លូវចិត្ត​ ឬសុខភាពបន្តពូជ ឬ អ្វីផ្សេងទៀត?

ដូច្នេះការញៀនផ្លូវភេទមិនមែនទាក់ទង​និង​ការសប្បាយនោះទេ គឺអំពីសមត្ថភាពនៃការមិនអាចគ្រប់គ្រងអារម្មណ៍។

សម្រាប់អ្នកញៀនសិច​ សកម្មសកម្មភាពញៀនផ្លូវភេទកើតឡើង មិនថាបញ្ហាអ្វីក៏ដោយ ដោយមិនគិតពីភាពជោគជ័យនៃដៃគូ ភាពវៃឆ្លាត ភាពទាក់ទាញខាងរាងកាយ ទំនាក់ទំនងជិតស្និទ្ធឬអ្វីៗផ្សេងទៀតទំាងអស់។

ទោះបីជាយ៉ាងណា​ជារឿយៗអ្នកញៀននឹងការរួមភេទ មានអារម្មណ៍ខ្មាស់អៀននិងភ័យខ្លាចក្នុងការ​ស្វែងរកការព្យាបាល។ ពេលខ្លះ វិចារណញាណ និងចំណេះដឹង បានបណ្តាលឱ្យពួកគេប្រាប់ខ្លួនឯងថា នេះជាលើកចុងក្រោយហើយ តែពួកគេត្រូវបានបង្ខំ ឱ្យវិលត្រឡប់ទៅរកស្ថានភាពផ្លូវភេទដដែល។

យូរ ៗ ទៅ ពេលមិនមានជំនួយ​ពីអ្នកជំនាញត្រឹមត្រូវ អ្នកញៀនផ្លូវភេទអាចនឹង​បង្វែរ ជីវិតទាំងមូលរបស់ពួកគេ រាល់វិនាទី ទៅ​ធ្វើការស្រមើស្រមៃខាងផ្លូវភេទ និងនិយាយ ឬ​ធ្វើអាកប្បកិរិយាដែលទាក់ទង​ចូលសកម្មភាពផ្លូវភេទ ដើម្បីសម្រាលអារម្មណ៍។

ផលវិបាកវាចំពោះ​កូនៗ ឬប្តីប្រពន្ធ​គង់តែមានជៀសមិនរួច ។ ជាញឹកញាប់អាកប្បកិរិយារបស់អ្នកញៀនផ្លូវភេទកើនឡើងដល់ចំណុចដែលពួកគេជាន់ឈ្លីក្រមសីលធម៌ ធម្មតារបស់មនុស្ស និងធ្វើឱ្យគ្រួសារ​កាន់តែ​អាម៉ាស់មុខខ្លាំងឡើង៕

ប្រែសម្រួល៖ ចម្រើន តារា

ចុចអាន៖ មាន ៥ ចំណុចនេះជីវិតអាពាហ៍ពិពាហ៍នឹងមានបញ្ហា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ15 mins ago

លោក​អភិបាលខណ្ឌ​ច្បារអំពៅ​ដឹកនាំ​កម្លាំង​ចុះ​លាង​សំអាត​ស្ពាន​ទាំងយប់​

ព័ត៌មានជាតិ39 mins ago

អង្គការ IOM​ស្នើ​កម្ពុជា​ដាក់​បេក្ខភាព​ប្រកួត​យក​ជ័យលាភី​ទាក់ទង​នឹង​ការប្រយុទ្ធប្រឆាំង​ការជួញដូរ​

ព័ត៌មានជាតិ46 mins ago

បង្ក្រាប​ទីតាំង​ភ្នាល់​បាល់​ដ៏​ធំ​មួយ​នៅ សង្កាត់​ផ្សារ​ដើម​គរ ឃាត់ខ្លួន​មនុស្ស​៦​នាក់​

ព័ត៌មានជាតិ2 hours ago

មន្ត្រី​នគរបាល​ជាតិ​៧៤​នាក់​ ទើប​មកពី​វៀតណាម​ត្រូវធ្វើ​ច​ត្តា​ឡី​ស័ក​១៤​ថ្ងៃ ​នៅ​ខេត្តស្វាយរៀង

ព័ត៌មានជាតិ2 hours ago

ជនជាតិ​ថៃ​១៥​នាក់ ត្រូវសមត្ថកិច្ច​ឃាត់ខ្លួន ​ក្រោយពួក​គេ​ប្រាប់​ថា​​ វង្វេងផ្លូវ​មិន​មានបំណងចូលទឹកដីខ្មែរ​ទេ

Sokha Hotels

ព័ត៌មានពេញនិយម

Helistar Cambodia - Helicopter Charter Services