ហ៊ាន​ទេ​ រស់ជាខ្លួនឯង?ទទួលយក​ចំណុច​មិនស្អាត​របស់​ខ្លួន​ឯង? – Kampuchea Thmey Daily
Connect with us

KPT+

ហ៊ាន​ទេ​ រស់ជាខ្លួនឯង?ទទួលយក​ចំណុច​មិនស្អាត​របស់​ខ្លួន​ឯង?

Published

on

អាច​មាន​ទេ​មនុស្ស​ស្រីប្រុស​ណាម្នាក់ ដែល​ហ៊ាន​ប្រឈម​មុខ​ជាមួយ​បញ្ហា​​លើ​ដង​ខ្លួនហើយ​ទទួលស្គាល់ថា គ្រប់គ្នា មាន​ភាព​ខុស​ប្លែក​ពី​អ្នក​ដ៏ទៃ​ទៀត។

ពិត​ជា​កម្រ​ណាស់​ដែល​មាន​មនុស្ស​ហ៊ាន​ទទួលយកខ្លួនឯងផ្នែកដែលមិនល្អ ហើយ​ព្រម​បញ្ចេញ​ដោយចំហរ​ទុកថាធម្មតានោះ។

ដូចករណីមួយនេះ មាន​ជំងឺ​ម្យ៉ាង​ដែល​កើត​ឡើង​នៅ​លើ​ស្បែក ​ព្រោះ​តែ​រាងកាយ​​ខ្វះ​ជាតិ​មេឡានីន​នាំ​ឱ្យ​មាន​ការ​អភិវឌ្ឍ​ទៅជា​បំណះ​ពណ៌​ស​ៗ ប្រពាល លើ​ស្បែក។

នេះជា​រឿងពិត​របស់កញ្ញា Elisabeth Van Aalderen ដែល​បាន​បញ្ចប់​ការ​សិក្សា Utrecht School ។

នាង​បាន​ដាក់​ពាក្យ​សុំ​ទៅ​ផ្នែក​ថត​រូប​នៃ Fotovakschool ក្នុង​ទី​ក្រុង Amsterdam ។

នាង​ក៏​បាន​ធ្វើ​ការ​ជា​អ្នក​បង្ហាញ​ម៉ូដ​អ្នក​ច្នៃ​ម៉ូត​និង​អ្នក​ដឹក​នាំ​សិល្ប​ជា​ច្រើន​តែ ​ទី​បំផុត​នាង​បាន​ឈប់​ពី​ការងារ​នោះ​ដើម្បី​បន្ត​ក្តី​សុបិន​របស់​នាងក្នុងការ​​ចង់​ក្លាយ​ជា​អ្នក​ថត​រូប។

នៅ​ពេល​នាង​មាន​អាយុ​២៥​ឆ្នាំស្បែកនាង​ចាប់​ផ្ដើម​លេចចេញជា​ចំណុច​ពណ៌​ស​តូច​ៗ​ដោយអន្លើ។

ពីរ​បី​សប្ដាហ៍​ក្រោយមក ចំណុច​តូច​ៗ​នោះ​ក៏​ប្រែ​ទៅ​ជា​ធំ​ឡើងៗ។

នោះ​​ជា​ពេល​​ស្បែក ៦០% ​របស់នារីរូបនេះ ​ត្រូវ​បាន​គ្រប​ដណ្ដប់​ដោយ vitiligo (សន្លាកប្រភេទម្យ៉ាងនោះ​) ។

​ដំបូង​នាង​ថា ពិត​ជា​ពិបាក​ចិត្ត​មែនទែន ថែមទំាង​​​បាន​រក​គ្រប់​វិធី​ព្យាបាល​ទាំង​អស់​ មិន​ថា​ការ​តប​អាហារ​ លេប​ថ្នាំ​ លាប​ឡេ​ការពារ​កម្ដៅ​ថ្ងៃ​ តែ​​នៅ​មិន​បាន​ការ​អ្វី​ទាំង​អស់។

អារម្មណ៍​ថា​ ពិបាក​ទទួល​យកបានអូសបន្លាយញាំញី។

ក្រោយមក មាន​មិត្ត​ម្នាក់​ប្រាប់​ថា​នាង​ពិត​ជា​ចូល​ចិត្ត​ស្បែកចម្លែកនេះណាស់ ជាស្ទីលឬសាក់?

ការគិតចម្លែកនោះ នាំមកនូវជីវិតថ្មីមួយ​ដល់ ​Elisabeth Van Aalderen ។

នាង​ថា មនុស្ស​យើង​តោងចេះ​ប្រើពាក្យ​សម្ដី​និង​ការ​លើក​ទឹក​ចិត្ត​ព្រោះវាអាចកែវាសនា​អ្នកអភព្វ័នានាបាន។

នាងនិងគ្រួសារ​​ក៏សម្រេចចិត្ត និង​​បាន​រៀប​ចំ​គម្រោង​មួយ​ដែល​នាង​ហៅ​ថា ​Shades of Pale ផ្សព្វផ្សាយ​ការ​យល់​ដឹង​អំពី​ស្ថាន​ភាពទូទៅ​នៃជំងឺនេះ​។

Elisabeth Van Aalderen និយាយ​ថា មាន​មនុស្ស ​ប្រហែល ៦០ លាន​នាក់​នៅ​ជុំ​វិញ​ពិភពលោក​ដែលត្រូវរងគ្រោះ​ដោយ​ vitiligo ប៉ុន្តែភាគ​ច្រើន​​មិន​ដឹង​ថា​វា​ជា​អ្វីទេ​ហើយពួកគេ​រស់ដោយលាក់កំបាំង​និង​ស្អប់ខ្លួនឯង។

« ខ្ញុំ​មិន​ចង់​ឱ្យ​អ្នក​ដែល​មាន​ស្បែក​បែប​នេះ ​ត្រូវ​បាន​គេ​មើល​ងាយ​និង​ការ​រំលោភ​បំពាន​ឱកាសការងារ​ក្នុងសង្គមនោះទេ គេ​ត្រូវ​មាន​សង្ឃឹម​និង​ទទួល​ស្គាល់​ខ្លួន​ឯង​ និង​ជឿជាក់​ថា ​យើង​ពិត​ជា​មាន​ចំណុច​ខុស​ពី​គេ​ ដែល​អ្នក​ដ៏ទៃ​មិន​មាន​ដូច»

Elisabeth បាន​ទៅ​ថត​រូបជាមួយ ​មនុស្ស​ស្រី​នានា​ដែល​មាន​ជំងឺ vitiligo នឹងកំពុង​​ការ​បាក់​ទឹក​ចិត្ត​ជាការ​​លើក​ទឹក​ចិត្ត​ដល់​ពួកគេឱ្យមាន​ភាព​ជឿជាក់​លើ​ខ្លួន​ឯង​និង​សម្រស់​របស់​ខ្លួន​ដែល​មានលើសពីស្លាកស្នាមទំាង​នោះ។

ប្រែសម្រួល៖ សន ផានិត

ចុចអាន៖ ៦ ឃ្លា​ត្រូវ​ចាំ និងប្រាប់ខ្លួន​ឯងពេល​អស់​សង្ឃឹមរលីង​ក្នុង​ជីវិត

ចុច Like Facebook កម្ពុជាថ្មី

ព័ត៌មានពេញនិយម