KPT+
ស្ថាបនិកស្ត្រី ៣ រូបចែករំលែកគំនិតច្នៃប្រឌិតដ៏មានតម្លៃក្នុងការសាងប្រេនខ្លួនឯង
នៅក្នុងពិភពលោកដែលមានប្រជាជនរាប់ពាន់លាននាក់កំពុងត្រដររស់ដោយវិធីផ្សេងៗគ្នា ទីផ្សារពាណិជ្ជកម្មបែរជាឲ្យតម្លៃលើការធ្វើអ្វីៗដែលផ្ដោតអារម្មណ៍ជារបស់ខ្លួនយើង ហើយច្នៃប្រឌិតកសាងសញ្ញាសម្គាល់ពិសេសមួយទើបអាចទទួលបានចំណាប់អារម្មណ៍។
ចំណែកស្ត្រីជោគជ័យខាងក្រោមមានទស្សនៈមិនជាខុសគ្នាប៉ុន្មានឡើយអំពីគំនិតច្នៃប្រឌិត៖
១. Raquel Eatmon ស្ថាបនិកក្រុមហ៊ុន Rising Media ទីក្រុង Cleveland
«យើងត្រូវតែខុសពីគេ ទើបអាចទាក់ទាញអតិថិជនរបស់យើងបានខ្លាំងជាងគេដែរ។ ចំពោះខ្ញុំមិនកំណត់ពេលវេលា សម្រាប់ការច្នៃប្រឌិតទេ តែខ្ញុំធ្វើការតាមរយៈប្រព័ន្ធមួយ។ កាលពីមុនខ្ញុំមានការលំបាកខ្លាំងចំពោះខ្លួនឯង ដោយព្យាយាមបង្ខំខ្លួនឯង រហូតធ្វើឲ្យមានបញ្ហា ពេលយើងមានបញ្ហាការច្នៃប្រឌិតក៏គ្មាន ។ ដូចជាពេលយើងនិយមរិះគន់ឬទើសចិត្តនឹងអ្នកដទៃទៀតទាំងនេះធ្វើឲ្យបញ្ហាកាន់តែយ៉ាប់យ៉ឺន ហើយមានតែធ្វើឲ្យខួរក្បាលស្ពឹកជាងមុនប៉ុណ្ណោះ។ ត្រូវកំណត់សុភមង្គលចិត្ត មុននឹងអាចមានគំនិតច្នៃប្រឌិតបានទូលំទូលាយ! អ្វីដែលដំណើរការនៅក្នុងជីវិតឯកជននិងជាសុភមង្គលរបស់ខ្ញុំ គឺបាននិយាយជាមួយកូនស្រីដែលមានអាយុ ១០ ឆ្នាំ ស្ដាប់តន្ត្រីបុរាណ ឡើងភ្នំ ធ្វើលំហាត់ប្រាណ សមាធិ អានអត្ថបទសិក្សានិងអធិស្ឋាន។ បើយើងនិយមបង្កើតអារម្មណ៍អវិជ្ជមាន ការគិតការច្នៃនានាក៏អវិជ្ជមានដូចគ្នា។ ពេលដែលយើងស្ថិតក្នុងស្ថានភាពដែលមានកំហុសកាន់តែយូរ យើងនឹងឃ្លាតឆ្ងាយពីអ្វីដែលត្រឹមត្រូវ។
សូមរក្សាទុកប៊ិចនិងក្រដាសកត់ចំណាំនៅក្បែរគ្រែ ក្នុងករណីដែលយើងមានគំនិតល្អលេចឡើងៗភ្លាមៗនៅកណ្ដាលអធ្រាត្រឬកន្លែងណាមួយ ចូរសរសេរអ្វីទាំងអស់ដែលនឹកឃើញនោះទុក។
២. Shannon Gabor ស្ថាបនិកនិងជានាយកប្រតិបត្តិក្រុមហ៊ុន Clever Creative រដ្ឋ Los Angeles
«ខ្ញុំជ្រើសរើសការច្នៃប្រឌិតជាមធ្យោបាយសម្រាប់ដោះស្រាយបញ្ហា ! គំនិតនេះ វាភ្ជាប់រាងកាយនិងអារម្មណ៍ខ្ញុំក៏ជាវិធីដែលខ្ញុំអាចជំរុញខ្លួនឯងក្នុងការបើកអាជីវកម្មការច្នៃប្រឌិត មើលជីវិតតាមរបៀបផ្សេងមិនទាល់ច្រក និងផ្ដល់ឲ្យខ្ញុំនូវទស្សនវិស័យថ្មីៗជានិច្ច។ ខ្ញុំមិនកំណត់ពេលវេលាដែលត្រូវប្រើ លើការច្នៃប្រឌិតទេ វាតែងកើតមានច្រើន បន្ទាប់ពីចុងសប្ដាហ៍នានាដែលខ្ញុំបានទៅកម្សាន្តលេងជាមួយកូនៗ ភាពច្នៃប្រឌិតផ្ទុះចេញមកកាន់តែច្រើន។
៣. Trisha Okubo ស្ថាបនិកគ្រឿងអលង្ការ Maison Miru ទីក្រុងញូវយ៉ក
ការច្នៃប្រឌិតគឺជាផ្កាភ្លើងតូចៗតែមានឥទ្ធិពលឲ្យអ្វីៗផ្សេងទៀតលេចរូបរាងឡើងបានរហ័សស្មានមិនដល់។ នេះជាចំណុចដែលជួយឱ្យខ្ញុំដឹងថា ខ្ញុំជានរណា និងអ្វីដែលខ្ញុំធ្វើគួរដែរឬអត់។ ការច្នៃប្រឌិតមិនមែនជារឿងដែលយើងអាចបង្ខំបានទេ គ្រប់គ្នាសូរថាត្រូវការពេលប៉ុន្មានសម្រាប់គិត គេកំពុងសួរតាមរបៀបមិនយល់ការណ៍។មានថ្ងៃខ្លះអាចអំណោយផលដល់ការងារច្នៃប្រឌិត ហើយខ្លះទៀតគឺមិនអាចឡើយកុំបង្ខំខ្ញុំឬបង្ខំខ្លួនឯង។
ចង់បានគំនិតថ្មី គួរចេញមើលការរស់នៅរបស់មនុស្សឱ្យច្រើនហើយទៅកន្លែងថ្មីៗឱ្យបានញឹក។ កុំអះអាងថានៅក្នុងបន្ទប់ច្រើនឆ្នាំហើយនៅតែមានគំនិតថ្មី មិនពិតដាច់ខាត។
ប្រែសម្រួល៖ សាង ស្រីល័ក្ខ
ប្រភព៖success
ចុចអាន៖កំពូលស្ត្រី Rebecca Wei ៖ ខ្ញុំមិនខ្លាចក្នុងការសាកល្បងអ្វីថ្មី តែក៏មិនចេះតែហក់លោត
ចុចអាន៖សិក្សាជីវិតតស៊ូនាយកប្រតិបត្តិសំលៀកបំពាក់ UNIQLO លោក TADASHI YANAI
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ