រីករាយថ្ងៃបុណ្យក្តីស្រលាញ់ មកអានជីវិតស្នេហាមហាសេដ្ឋី Jeff Bezos
Connect with us
Helistar Cambodia - Helicopter Charter Services

KPT+

រីករាយថ្ងៃបុណ្យក្តីស្រលាញ់ មកអានជីវិតស្នេហាមហាសេដ្ឋី Jeff Bezos

បានផុស

នៅ

កាលពីឆ្នាំ ២០១៩ សេដ្ឋីអាម៉ាហ្សូន លោក Jeff Bezos និង អ្នកស្រី Lauren Sanchez ត្រូវបានលេចធ្លាយព័ត៌មាន​ស្នេហា​លួចលាក់ជាសាធារណៈនៅថ្ងៃតែមួយ ដែលនាយកប្រតិបត្តិក្រុមហ៊ុន Amazon រូបនេះ ​ប្រកាសលែងលះដោយ​ចែកទ្រព្យ​ ៥០ ភាគរយទៅអតីតភរិយា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Jeff Bezos និង អតីតភរិយា

National Enquirer ដែលបានស៊ើបអង្កេតលើសំណុំរឿងឯកជន​របស់ Bezos និងអ្ន្នកស្រី Sanchez អស់រយៈពេលជាច្រើនខែ បានបញ្ចេញ​រូបថត និងអត្ថបទសាសង​សម្តីស្នេហ៍នៃសេដ្ឋី ​៥៦ ឆ្នាំ​ និងមិត្តស្រី ​៤៩ ឆ្នាំរូបនេះ។

សេដ្ឋី Bezos ដែលផ្អែមល្ហែមជាមួយស្នេហាថ្មី បានហៅស្ត្រី​វ័យ​ ៤៩ Sanchez ថា «នារីដ៏រស់រវើកជាទីស្រលាញ់ » នៅក្នុងសារសម្ងាត់ផ្ញើទៅចែចង់នាង​ ។

ក្នុងរយៈពេល ១២ ខែ ចាប់តាំងពីពេលទាំងពីរ Bezos និងអតីតភរិយាលោកស្រី Sanchez Bezos បានបញ្ចប់ការលែងលះគ្នាជាស្ថាពរ មហាសេដ្ឋីបានចេញមុខបង្កើត​ឆាក​រ៉ូមែនទិកមិនអស់មិន ហើយ​បង្អួតឌឺអ្នកកាសែត។

គ្រប់គ្នា​ធ្លាប់សរសេរថា ២០១៩ ជាឆ្នាំដែលខ្យល់គួចសម្រាប់លោក Jeff Bezos និងមិត្តស្រីរបស់គាត់ឈ្មោះ Lauren Sanchez ជាមួយ​ព័ត៌មានបែកធ្លាយថាលោក Jeff Bezos និងភរិយារបស់គាត់គឺលោកស្រី MacKenzie កំពុងតែលែងលះគ្នា បន្ទាប់ពីរៀបការបាន ២៥ ឆ្នាំ។

ប៉ុន្មានម៉ោងក្រោយមកគេសរសេរព្រាត​ថា Bezos មានទំនាក់ទំនងជាមួយ Lauren Sanchez វ័យ​ ៤៩ ឆ្នាំ ដែលជាពិធីការិនីទូរទស្សន៍ ដែល​អតីត​ប្តីរបស់នាងធ្លាប់ជាមិត្តភក្តិជាមួយ Bezoses ។ ទោះបីជាមានភាពច្របូកច្របល់ប៉ុន្មានខែដែលពាក់ព័ន្ធនឹងអត្ថបទបែកធ្លាយ ការឆ្លើយឆ្លងគ្នា ការលួងលោមចែចង់នាង ការលែងលះរបស់ Bezos ដែលព្រមចំណាយ​ចោល​រាប់ពាន់លានដុល្លារឱ្យតែភរិយា​ព្រមលែង ត្រូវបានគេយកជាប្រធានបទក្តៅគគុក នៅអាមេរិក។

Jeff Bezos និង សង្សារថ្មី

មនុស្ស​ជាច្រើនបានធ្វើការរិះគន់​ តែពួក​អ្នកវិភាគ​គិតថា នេះជាវិធីដែលខាងប្រុស​ពិតជា​កំពុងលង់ជ្រៅ​ក្នុងទំនាក់ទំនងស្នេហា​ផ្អែមរមួតថ្មីនេះ ​ហើយ​ចង់ប្រើព័ត៌មានធ្វើឱ្យ​ស្នេហា​លួចលាក់របស់ពួកគេ ត្រូវបានគេដឹងឮជាសាធារណៈ។

នៅម៉ោង ៩ ព្រឹក នាថ្ងៃទី ៩ ខែមករា ឆ្នាំ ២០១៩ សេដ្ឋី  Jeff Bezos  និង អតីតភរិយា MacKenzie Bezos បានចេញសេចក្តីថ្លែងការណ៍រួមគ្នានៅលើ Twitter ថា ពួកគេបានសម្រេចចិត្ត​លែងលះគ្នាហើយ។

សេចក្តីថ្លែងការណ៍បានសរសេរបន្ថែមថា « គ្រួសារនិងមិត្តភក្តិជិតស្និទ្ធរបស់យើងខ្ញុំ បានដឹងឮហើយ បន្ទាប់ពីការបែកបាក់គ្នានៅក្រោយសេចក្តីស្រឡាញ់អស់រយៈពេលជាយូរមកនេះ! យើងបានសំរេចចិត្តលែងលះគ្នា” ។

ប្តីប្រពន្ធនេះមានកូនបួននាក់ជាមួយគ្នា។

តែប៉ុន្មានម៉ោងក្រោយមកក្នុងថ្ងៃ​ដដែល ដែល​គ្រាប់បែកទីពីរបានទម្លាក់គឺ Bezos មានទំនាក់ទំនងជាមួយ ស្ត្រី​វ័យ​ ៤៩ ឆ្នាំ ជាអ្នកជាប់ខាង ក៏ជាភរិយាមិត្តម្នាក់ នាង​ឈ្មោះ Lauren Sanchez ។

យោងតាមទំព័រ EMB  អ្នកស្រី Lauren Sanchez ជាភរិយារបស់​លោក Patrick Whitesell ដែលជាសហនាយកប្រតិបត្តិនៃក្រុមហ៊ុន WME ក៏ជាមនុស្ស​ដ៏មានទេពកោសល្យម្នាក់នៅហូលីវូដ ដែល​ពួកគេបានរៀបការតាំងពីឆ្នាំ ២០០៥ មក។

ប្តីប្រពន្ធនេះ គឺជាមិត្តភក្តិជាមួយ Jeff និង MacKenzie Bezos ព្រោះពួកគេមានផ្ទះនៅជិតគ្នានៅ Seattle ។

National Enquirer បាននិយាយថា ខ្លួនបានធ្វើការស៊ើបអង្កេតរយៈពេល ៤ ខែទៅលើទំនាក់ទំនងរបស់ Bezos និង Sanchez ហើយបានទទួលអត្ថបទ និងរូបថតដែលបុរសនេះនិងសង្សាបានផ្ញើរកគ្នា​បង្កើតអណ្តាតភ្លើងស្នេហ៍។

គេហទំព័រដែលគេឱ្យ​ឈ្មោះថា និយម​ខាង​និយាយដើមគេ Enquirer សរសេរថា​ «សេដ្ឋី​ Bazos បានសម្រេចចិត្ត​សុំ Dating នាង​ឆ្លងកាត់រដ្ឋចំនួន ៥ និងគោលដៅ​ទៅទី​កន្លែងចម្ងាយ​ប្រមាណជា​ ៤០,០០០ ម៉ាយល៍ដោយ​ជិះយន្តហោះឯកជនឈុតតូច បន្ត​ជិះឧទ្ធម្ភាគចក្រ និងជិះទូករ៉ូមែនទិក ចុងក្រោយ​សម្ងំ​លាក់ខ្លួននៅឯសណ្ឋាគារផ្កាយ ៥ ជា​មួយ​អាហារពេលល្ងាចដំបូងរវាងពួកគេក្នុងសំបុកស្នេហ៍លាក់កំបាំង »។

សារព័ត៌មាន​ដដែលហែកកកាយថា គូចំណាស់បានចាប់ផ្តើមមានទំនាក់ទំនងស្នេហាជ្រាលជ្រៅ​ បន្ទាប់ពីលោក Bazos និងភរិយាបានលែងល្អនឹងគ្នាដោយ​ប្រពន្ធ​បានដឹងពីទំនាក់ទំនងថ្មីក្នុងបេះដូងប្តី។

Enquirer សរសេរ​ថា គេហែកឃើញ សារឆ្លើយឆ្លង​គួរឱ្យស្អប់ខ្ពើម និងការថតរូប Selfie ច្របូកច្របល់របស់​២នាក់នេះ និងភាសាដដែលៗរៀងរាល់ថ្ងៃ​របស់ Bezos ផ្ញើទៅនាង​ថា “ខ្ញុំស្រឡាញ់អ្នកណាស់ មនុស្សស្រីដ៏រស់រវើក” ។

កាសែតនេះ បានអត្ថាធិប្បាយថា ក៏មានរូបថតមិនសមរម្យទាំងរបស់ Bezos និង Sanchez ត្រូវបានគេរកឃើញ​ផ្ញើឱ្យគ្នា។

បន្ទាប់មក នៅខែកុម្ភៈ ២០១៩ សេដ្ឋីអាម៉ាហ្សូន បានវាយបកត្រឡប់មកលើប្តីមុនរបស់នារី​សំណព្វ​ដោយ​បង្ហោះលើប្លុកដែលមានចំណងជើងថា “មិនអរគុណទេ” ដែលក្នុងនោះ Bezos បានចោទប្រកាន់ផងដែរ​ថា សារព័ត៌មានព្យាយាមគំរាមគាត់នឹងបោះពុម្ភរូបថត ដែលគាត់បានថត ហើយ​ថាគាត់​កំពុង​ស៊ើបអង្កេត ថាតើអ្នកណាដែលធ្វើឱ្យ​លេចធ្លាយរូបថត និងសារសម្ងាត់​ស្នេហាទំាងនោះចេញ។​

Bezos បានសរសេរថា «ការជំរិតទារប្រាក់និងការគំរាមកំហែងខ្ញុំ បាន​នាំ​ដល់ការ​សម្រចចិត្តបោះផ្សាយនូវអ្វីដែលពួកគេបានផ្ញើមកខ្ញុំនេះ ទោះបីមានការចំណាយការអាម៉ាស់ផ្ទាល់ខ្លួនក៏ដោយ។»

មួយថ្ងៃក្រោយមក មិត្តស្រី​គាត់ Lauren sanchez និងប្តី ក៏បានដាក់ពាក្យសុំលែងលះ។

Lauren Sanchez និង អតីតស្វាមី

TMZ បានរាយការណ៍នៅពេលនោះថា ប្តីប្រពន្ធនេះបានស្នើសុំឱ្យមានការថែរក្សារួមគ្នាលើកូនទាំងពីរនាក់របស់​ពួកគេ​។ ការលែងលះគ្នាបានធ្វើឡើង កាលពីខែតុលាឆ្នាំដដែល។

ចំណែក​ការលែងលះ Bezos ត្រូវបានបញ្ចប់នៅខែកក្កដា មុននោះ៣ខែ។

ពីរបីថ្ងៃក្រោយមក សេដ្ឋីបេះដូងស្ទាវ និងសង្សា​ថ្មីបាន​បង្ហាញខ្លួនជាសាធារណៈលើកដំបូង ក្នុងនាម​ជាគូថ្មីដើរស្និទ្ធស្នាលក្នុងវគ្គផ្តាច់ព្រ័ត្រ Wimbledon នៅក្លឹប All England ។

អ្នកទាំងពីរ ត្រូវបានគេប្រទះឃើញម្តងទៀត ដោយចំហរ​នៅក្នុងខែសីហាទំាងនាងលែងប្តីមិនទាន់ដាច់ស្រេចក្នុង​វិស្សមកាលនៅអ៊ឺរ៉ុបដ៏អស្ចារ្យមួយ ដោយ​ជិះឆ្លងកាត់ Saint-Tropez និងឆ្នេរអេស្ប៉ាញក្នុងកោះ Balearic ។

បន្ទាប់មក Bezos និង Sanchez ក៏ត្រូវបានគេឃើញនៅលើទូកដ៏ថ្លៃមួយក្នុងពិភពលោក​របស់អ្នករចនាម៉ូដ Diane von Furstenberg នៅឆ្នេរសមុទ្រអ៊ីតាលី។

មកដល់​ខែធ្នូ ឆ្នាំ ២០១៩ Bezos ត្រូវបានគេរាយការណ៍ថា បានបោះលុយអបអរសាទរខួបកំណើតគម្រប់ ៥០ ឆ្នាំរបស់ស្រីស្អាត ដែលមានទាំងអាហារពេលល្ងាចឯកជន និងពិធីជប់លៀងលំដាប់ផ្កាយ ចូលរួមដោយបុគ្គលអស្ចារ្ស នានារួមមាន​ Furstenberg និង Diller, Katy Perry, Orlando Bloom និង Timothée Chalamet ។

នៅជុំវិញវិស្សមកាលទទួល ២០២០ គូថ្មីនេះ បានជិះយន្តហោះទៅកោះការ៉ាបៀន ដោយសម្រាកនៅលើទូក និងធ្វើដំណើរជុំវិញកោះជាមួយកូនប្រុសរបស់ខាងស្រី គឺ Nikko Gonzalez ៕

ប្រែសម្រួល៖ ហាណា

ប្រភព៖ Business Insider

ចុចអាន៖ មេរៀនធំ ២ ដែលមហាសេដ្ឋី Bill Gates និងភរិយាកំពុងបង្រៀនកូនៗ

ចុចអាន៖ ៣យ៉ាង​ធំៗ បង្ហាញថា ​បុរសម្នាក់កំពុងគិតដល់រឿងភេទសម្ព័ន្ធជាមួយនាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ ម៉ោង មុន

តេ​ក្វាន់​ដូ​ITF​កម្ពុជា រៀបចំ​ការប្រកួត​វិ​ញ្ញាសា​មេគុន​តាម​អន​ឡាញ​ជា​លើកដំបូង

ព័ត៌មានជាតិ៥ ម៉ោង មុន

ផ្ទុះអាវុធ​នៅ​កណ្តាល​ក្រុងព្រះសីហនុ​៥​គ្រាប់ សមត្ថកិច្ច​ចាប់​ឃាត់ខ្លួន​មនុស្ស​ចំនួន​៣​នាក់

ព័ត៌មានជាតិ៦ ម៉ោង មុន

សម្តេច​សខេង​ណែនាំ​ឱ្យ​អភិបាល​រាជធានី​ខេត្ត​សហការ​ជាមួយ​គ​.​ជ​.​ប​ក្នុងការ​ពិនិត្យ​បញ្ជី​ឈ្មោះ​និង​ការចុះឈ្មោះ​បោះឆ្នោត​ឆ្នាំ​២០២១

ព័ត៌មានជាតិ៦ ម៉ោង មុន

ប្រជាពលរដ្ឋ​៣​ភូមិ​នៅ​សង្កាត់​បឹង​សាឡាង​ទទួលបាន​អំណោយ​ពីស​ម្តេច​ទាំង​ទ្វេ ខណៈ​បិទ​ខ្ទប់​យក​សំណាក

ព័ត៌មានជាតិ៦ ម៉ោង មុន

រដ្ឋបាល​ខេត្ត​ស្ទឹងត្រែង​រក​ឃើញ​កូ​វីដ​១៩ បំប្លែង​ថ្មី​(Delta)​ចំនួន ២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services