KPT+
សកម្មភាពតូចៗតែសំខាន់ គួរអនុវត្តរៀងរាល់ព្រឹក
ការចាប់ផ្តើមថ្ងៃថ្មីជាមួយនឹងទម្លាប់ល្អៗជារៀងរាល់ព្រឹក អាចជួយឲ្យសុខភាពផ្លូវចិត្តរបស់យើងមានភាពស្រស់ថ្លា និងរឹងមាំ។ អ្វីៗដែលយើងផ្ដើមធ្វើ ឬជួបប្រទះនៅពេលព្រឹក វាមានឥទ្ធិពលចំពោះអារម្មណ៍ សកម្មភាព និងការគិតរបស់យើងពេញមួយថ្ងៃ។ ដូច្នេះយើងគួរតែរៀនបង្កើតនូវទម្លាប់ងាយៗនាពេលព្រលឹមជាមួយខ្លួនឯងឲ្យបានរាល់ថ្ងៃ។
រៀបចំគ្រែ ឬកន្លែងគេង
រៀបចំគ្រែ ឬកន្លែងគេងនឹងផ្តល់នូវអារម្មណ៍ដែលបានសម្រេចកិច្ចការមួយ ហើយវាក៏មានឥទ្ធិពលជួយជំរុញទឹកចិត្តក្នុងការបំពេញកិច្ចការងារជាបន្តបន្ទាប់នៅថ្ងៃនេះ។
ហាត់ប្រាណ
ការធ្វើលំហាត់ប្រាណងាយៗ មិនថាជាសកម្មភាពណាក៏ដោយរយៈពេល ១០-២០ នាទីរៀងរាល់ព្រឹក នឹងធ្វើឲ្យយើងមានថាមពលជាវិជ្ជមាន និងនាំឲ្យរាងកាយមានភាពរហ័សរហួនថែមទៀត។
ញ៉ាំទឹក
ពេលព្រលឹមឡើងយើងមិនអាចមិនញ៉ាំទឹកនោះទេ។ ការទទួលទានទឹកមួយកែវ ឬទឹកក្តៅឧណ្ហៗពេលព្រឹក នឹងជួយសម្អាតសារធាតុពុលក្នុងសារពាង្គកាយ ធ្វើឲ្យខ្យល់ដង្ហើមស្រស់ថ្លា ព្រមទាំងជួយរំលាយអាហារផងដែរ។
រៀបចំខ្លួន
សកម្មភាពតូចៗតែសំខាន់ ចំពោះអនាម័យ សម្ផស្ស និងសុខភាពរបស់យើង ពិតជាមិនអាចមើលរំលងបានឡើយ ដោយសារតែការរៀបចំខ្លួនឲ្យបានស្អាតបាតជាការកសាងទំនុកចិត្តដល់ខ្លួនឯង ហើយជាលទ្ធផលយើងនឹងមានអារម្មណ៍ល្អសម្រាប់ថ្ងៃថ្មីរបស់យើង។
ទទួលអាហារពេលព្រឹក
អាហារពេលព្រឹក ជាអាហារដែលសំខាន់ជាងគេ ហេតុនេះយើងមិនត្រូវរំលងវានោះទេ ហើយគួតែញ៉ាំអាហារណាដែលមានសុខភាពល្អ ដើម្បីធ្វើឲ្យរាងកាយមានថាមពល និងនាំឲ្យផ្លូវចិត្តរឹងមាំអាចផ្ចង់អារម្មណ៍ និងបំពេញការងារបានពេញមួយថ្ងៃ។
នៅឲ្យឆ្ងាយពីបច្ចេកវិទ្យា
យើងគួរតែនៅឲ្យឆ្ងាយពីបច្ចេកវិទ្យាយ៉ាងហោចណាស់ ១ ម៉ោងក្រោយពីដំណេក ដើម្បីអាចតាំងអារម្មណ៍ឲ្យបានល្អ ព្រោះថាការប្រើអ៊ិនធរណេតពេលភ្ញាក់ពីគេងអាចធ្វើឲ្យយើងមានប្រតិកម្មអវិជ្ជមានតាមរយៈអ្វីៗដែលយើងបានឃើញនៅលើបណ្ដាញសង្គមនោះ។
នឹកគិតតែរឿងវិជ្ជមាន
ចំណាយពេល ១-៣ នាទី នឹកគិតដល់រឿងវិជ្ជមានទាំងឡាយដែលយើងធ្លាប់បានធ្វើ ឬមនុស្សល្អៗដែលយើងបានជួប ព្រោះការធ្វើបែបនេះនាំឲ្យអារម្មណ៍ស្រស់ថ្លា និងកាត់បន្ថយស្ត្រេស៕
ប្រែសម្រួល៖ សន្យា
ប្រភព៖ 2KNOWMYSELF
ចុចអាន៖ រើសពាក្យប៉ុន្មាននេះ និយាយប្រាប់ខ្លួនឯងរាល់ព្រឹក!
ចុចអាន៖ ការពារកុំឲ្យកើតជំងឺបាក់ទឹកចិត្តកម្រិតធ្ងន់ សាកល្បងគន្លឹះទាំងនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង