KPT+

កែកំប៉ុងអាលុយមីញ៉ូមដែលប្រើរួចជារបស់មានប្រយោជន៍ក្នុងផ្ទះកាន់តែលេចធ្លោ

បានផុស

២ years មុន

នៅ

ថ្ងៃព្រហស្បតិ៍ ៥ វិច្ឆិកា ២០២០

ដោយ

កំប៉ុងអាលុយមីញ៉ូមគឺជាវត្ថុធាតុដើមមួយក្នុងចំណោមកាកសំណល់បន្ថែម ដែលបានកើតឡើងអស់មួយរយៈមកហើយ។ យើងឃើញវាភាគច្រើននៅក្នុងធុងសំរាម ឬតាមដងផ្លូវក្នុងតំបន់ក្រីក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីជាជំនួយជួយការពារដល់បរិស្ថាន យើងអាចយកកំប៉ុងអាលុយមីញ៉ូមទាំងនោះមកច្នៃបានជារបស់ប្រើប្រាស់វិញបាន ៖

១. ច្នៃជារបាំងការពាររុក្ខជាតិពីសត្វល្អិត

ប្រសិនបើយើងគឺជាអ្នកដែលចូលចិត្តដាំផ្កាឬបង្កើតសួនច្បារ ហើយជាមនុស្សដែលចូលចិត្តធម្មជាតិ យើងប្រាកដជាចូលចិត្តគំនិតពិសេសនេះ។ អ្វីដែលត្រូវធ្វើគឺកាត់ផ្នែកខាងលើនិងផ្នែកខាងក្រោមនៃកំប៉ុង ហើយចុចកំប៉ុងចូលទៅក្នុងដីនៅជុំវិញរុក្ខជាតិតូចៗទាំងនោះ ឬអាចកាត់វាលាតដូចក្នុងរូបក៏បាន។

កំប៉ុងអាលុយមីញ៉ូមជុំវិញរុក្ខជាតិជួយ ការការពារពីពពួកសត្វល្អិតតូចៗដទៃទៀត ដែលចង់បំផ្លាញរុក្ខជាតិ។ វាអាចធ្វើបានសម្រាប់តែរុក្ខជាតិតូចៗ មិនមែនសម្រាប់រុក្ខជាតិធំៗ ឡើយ។

២. បង្កើតគំនិតជារបស់ប្រើប្រាស់

ប្រសិនបើអ្នកជាប្រភេទមនុស្សដែលចូលចិត្តសាកល្បងគំនិតប្លែកៗ នៃការតុបតែងធ្វើដោយដៃនិងគ្រឿងតុបតែងលំអសម្រាប់គេហដ្ឋាន ជាមួយនឹងរបស់របរដែលនៅជុំវិញនោះ យើងអាចព្យាយាមធ្វើរបៀបនេះបាន។

៣. ច្នៃកំប៉ុងអាលុយមីញ៉ូមជាផាវសម្រាប់ដាក់ភ្លើងដូចគោម

អ្វីដែលត្រូវធ្វើគឺកាត់ផ្នែកខាងលើនៃកំប៉ុង បន្ទាប់មកចោះប្រលោះទុកចងខ្សែ និងដាក់អំពូលតូចៗឲ្យវាមានភ្លើង។ វាក៏អាស្រ័យលើជំនាញផ្ទាល់ខ្លួនរបស់យើង តើការកាត់ប្រភេទណាដែលយើងគិតថាសាកសមឬភាពច្នៃប្រឌិតរបស់យើងដែរ។

៤. តុបតែងផ្ទះ

កំប៉ុងចាស់ៗត្រូវបានប្រើសម្រាប់ជាគំនិតតុបតែងផ្ទះជាច្រើនប្រភេទ។ ចាប់ផ្ដើមកាត់ផ្នែកខាងលើនិងខាងក្រោមនៃកំប៉ុងចេញ បន្ទាប់មកដំកំប៉ុងឲ្យរាបស្មើចេញទាំងស្រុង ហើយយើងច្នៃដោយគូររូបផ្សេងៗគ្នាឬលាបពណ៌ដោយគំនិតច្នៃប្រឌិតរបស់យើង។ ឬលាបពណ៌ដាក់ផ្កាលំអ តាមចំណង់ចំណូលចិត្ត។

៥. ធ្វើជាផើងដាំរុក្ខជាតិនៅផ្ទះបាយ

គំនិតមួយទៀតសម្រាប់អ្នកស្រឡាញ់រុក្ខជាតិ យើងអាចដាំរុក្ខជាតិតូចៗទាំងនោះក្នុងកំប៉ុង ហើយដាក់វានៅលើចង្ក្រានផ្ទះបាយ ឬមាត់បង្អួច ឬក៏បន្ទប់គេងជាដើម។

ដូច្នេះអ្វីដែលត្រូវធ្វើគឺត្រូវកាត់ផ្ដាច់មាត់កំប៉ុងខាងលើ ហើយលាងសម្អាតវាឲ្យស្អាត។ បន្ទាប់មកដាក់ដីនិងជីហើយដាំរុក្ខជាតិដែលយើងចូលចិត្ត។

៦. ច្នៃដាក់បិចឬខ្មៅដៃ

អ្វីដែលត្រូវធ្វើគឺកាត់កំប៉ុងខាងលើចេញ ហើយរុំកំប៉ុងទាំងមូលជាមួយក្រដាសពណ៌ដែលយើងស្រលាញ់ ឬក្រណាត់មានរលេចរូបភាពផ្សេងៗ។ បន្ទាប់មកអាចចងខ្សែព័ទ្ធជុំវិញវា ឬគូរអ្វីបន្ថែមតាមដែលចិត្តយើងចង់បាន៕

ប្រែសម្រួល៖ សាង ស្រីល័ក្ខ

ចុចអាន៖កុំស្អប់ខ្លួនឯង ព្រោះយើងនឹងនៅជាមួយខ្លួនយើងពេញមួយជីវិត

ចុចអាន៖ជាបុគ្គលម្នាក់មានឥទ្ធិពលក្នុងសង្គម អ្នកនិពន្ធគួរចៀសវាងរឿង ៦ យ៉ាងនេះ