KPT+
វិធីសម្រុះសម្រួលជីវិតគូស្រករដែលកន្លងមកធ្លាប់មានថ្នាំងថ្នាក់
ការប្រាស្រ័យទាក់ទងដោយបើកចំហ បង្កើនវប្បធម៌ស្មោះត្រង់ ជឿទុកចិត្ត និងគោរពគ្នាជាផ្នែកសំខាន់មួយនៃទំនាក់ទំនងប្រកបដោយសុខភាពល្អ។
ជំហានដំបូងក្នុងការកសាងទំនាក់ទំនងឡើងវិញ គឺធ្វើឱ្យប្រាកដថា អ្នកទាំងពីរយល់ពីតម្រូវការនិងការរំពឹងទុករបស់គ្នាទៅវិញទៅមក។
សារៈសំខាន់បំផុតមួយក្នុងវិធីសាស្ត្រសម្រុះសម្រួលគ្នាគឺនិយាយជាមួយគ្នាដោយប្រើគន្លឹះខាងក្រោម៖
និយាយដោយការគោរពគ្នាទៅវិញទៅមក
បំណងប្រាថ្នានិងអារម្មណ៍របស់ដៃគូចង់ឱ្យខ្លួនគេមានតម្លៃក្នុងកែវភ្នែកអ្នក ដូច្នេះសូមពន្យល់ឱ្យគេដឹងថាយើងកំពុងខិតខំប្រឹងប្រែងដើម្បីរក្សាការគោរពគ្នាទៅវិញទៅមក និងតំកល់ទុកទំនាក់ទំនងគូនេះជាអទិភាព។
ការសម្រុះសម្រួល
ការមិនចុះសម្រុងគ្នា គឺជាផ្នែកធម្មជាតិមួយនៃទំនាក់ទំនងដែលមិនសូវបានពូនជ្រំ ដូច្នេះដើម្បីឱ្យស្នេហាមានសុខភាពល្អឡើងវិញ ត្រូវរកវិធីដើម្បីសម្របសម្រួលលើការមិនយល់ស្របគ្នាចំណុចណាមួយ លុយកាក់សាច់ញាតិឬអាជីព ការប្រចណ្ឌ។ល។ ព្យាយាមដោះស្រាយបញ្ហាជម្លោះដោយស្មើភាពនិងសមហេតុផលជាមួយយុទ្ធសាស្ត្រគាំទ្រ ផ្តល់ការធានានិងលើកទឹកចិត្តដល់គ្នាទៅវិញទៅមកមិនមែនរកកំហុសមកបង្ហាញដាក់គ្នាទេ។
គោរពភាពឯកជនគ្នា
មិនមានន័យថា មានស្នេហាត្រូវចែករំលែកអ្វីៗគ្រប់យ៉ាងសូម្បីរឿងសម្ងាត់ដែលមិត្តភក្តិប្រាប់ឬគណនីហ្វេសប៊ុកទេ។ គូបែបនេះចុងក្រោយច្រើនចែកផ្លូវគ្នា ព្រោះការត្រូវគ្នាពេក ដល់ថ្នាកហែកហួរដឹងឮភាពឯកជន គឺនឹងមានបញ្ហាមិនខាន។ ទំនាក់ទំនងដែលស្ថិរភាព និងមានសុខភាពល្អត្រូវការកន្លែងទំនេរសម្រាប់លំហរចិត្តទាំងសងខាង។
ការចេញទៅក្រៅជាមួយមិត្តភក្តិដោយគ្មានដៃគូនិងចូលរួមសកម្មភាពសង្គម ដែលជាចំណង់ចំណូលចិត្តម្នាក់ៗនៅតែមិនពាក់ព័ន្ធអ្វីចំពោះសុភមង្គលគ្រួសារឡើយ។ មនុស្សស្រលាញ់គ្នាត្រូវគោរពការចូលចិត្តនិងតម្រូវការបុគ្គលម្នាក់ៗដែលមានសង្គមផ្ទាល់ខ្លួន។
ចំណាយពេលជាមួយគ្នា
ត្រូវមានតុល្យភាពរវាង ជីវិតផ្ទាល់ខ្លួននិងដៃគូ។ សូមព្យាយាមចេញទៅក្រៅ មើលភាពយន្តជាមួយគ្នា ញ៉ាំអាហារសម្រាកមួយថ្ងៃពីរ ពីជីវិតមមាញឹកហើយរីករាយេពេញទំហឹងជាមួយគ្នាបំភេ្លចរឿងផងទាំងពួង។
ហើយកុំភ្លេចថាទំនាក់ទំនង ដែលអាចបង្កើនមនោសញ្ចេតនាស្អិតរមួតជានិច្ច គឺ ផ្អែកលើអំណាចនៃការគ្រប់គ្រងភាពអវិជ្ជមានក្នុងខ្លួនយើង ដែលជាភាគីម្ខាង ព្រមទាំងខិតខំ បង្កើនការគោរពរវាងគ្នា។ ទំនាក់ទំនងដែលមានការរំលោភបំពាន ជេរប្រមាថ ការចោទប្រកាន់ច្រណែន ការសង្ស័យ រុញច្រានឬអាកប្បកិរិយារំលោភបំពានដទៃទៀតគឺជាឫសគល់បំផ្លាញស្នេហានោះចោល។
ប្រសិនបើទំនាក់ទំនងមិនល្អអាចព្យាយាមម្តងហើយម្តងទៀត តែក៏ចាំបាច់ត្រូវគិតអំពីសុវត្ថិភាពដែរ។ កុំបន្តនៅក្នុងការ ការត្រួតត្រា ការគម្រាម ប្រមាថមាក់ងាយនិងប្រឈមគ្រោះថ្នាក់ដោយអំពើហឹង្សា សូមពិចារណាបញ្ចប់វា។
ពេលមានករណីទាំងនេះ មធ្យោបាយសំខាន់គឺភ្ជាប់ជាមួយប្រព័ន្ធគាំទ្ររបស់យើង មានគ្រួសារ សាច់ញាតិ មិត្តជិតដិត។
ជារឿយៗដៃគូដែលរំលោភបំពានយើងរមែងតែង ព្យាយាមញែកយើងឱ្យនៅឆ្ងាយពីបណ្តាញាតិផៅ ឬជាមួយមិត្តភក្តិ សមាជិកគ្រួសារគ្រូនិងអ្នកដទៃណាទៀតដើម្បីប្រាកដថាយើងគ្មានបង្អែក។ ចងចាំជានិច្ចថា យើងគ្រប់គ្នាមានសិទ្ធិទទួលបានអារម្មណ៍សុវត្ថិភាព និងទទួលយកការគោរព ក្នុងទំនាក់ទំនងស្នេហា មិនថាយើងក្រឬមាន ប្រសិនគេមិនគោរព នោះមិនមែនជាស្នេហាទេ៕
ប្រែសម្រួល៖ ស្រស់
ចុចអាន៖ បើជីវិតប្ដីប្រពន្ធកំពុងតែតានតឹងដោះស្រាយបញ្ហាភ្លាមៗដោយវិធី…
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ