KPT+
ចង់យកឈ្នះលើភាពបរាជ័យបន្តជីវិតទៅមុខដោយវិធីគិត ៥ យ៉ាងនេះ
អ្នកណាក៏បរាជ័យដែរ សំខាន់បន្ទាប់ពីបរាជ័យ កុំបន្ទោសខ្លួនឯងថែមទៅបានហើយ។ ត្រូវហាត់ចិត្ត លួងលោមខ្លួនឯង ហើយមកអនុវត្តទម្លាប់ ៥ យ៉ាងខាងក្រោមនេះវិញ៖
១. ព្រមទទួលយក
ពេលដែលយើងទើបតែបរាជ័យ វានឹងធ្វើឲ្ចិត្តយឈឺចាប់បំផុត។ ពេលខ្លះតិច ខ្លះច្រើន ប៉ុន្តែត្រូវគិតថាមិនអីទេ។ កុំព្យាយាមរុញបញ្ហាចេញ ដោយបង្វែរអារម្មណ៍ខ្លួនឯង និងជំរុញការទទួលខុសត្រូវលើរឿងទាំងអស់។ ព្យាយាមទទួលយកភាពមិនសមបំណង អនុញ្ញាតឱ្យវាចូលមក ហើយទទួលយកភាពឈឺចាប់មួយរយៈ ជំនួសឱ្យការបដិសេធហើយទុកវាឱ្យឆ្ងាយ។
ប្រសិនបើយើងច្រានចោលបរាជ័យពេលនេះ ថ្ងៃណាមួយ វានឹងលេចចេញនៅពេលវេលាដែលមិននឹកស្មានដល់ ហើយអាចធ្វើឱ្យយើងមានអារម្មណ៍មិនល្អ សុទិដ្ឋិនិយម ខឹងឬសោកសៅ។
២. ចងចាំថាយើងមិនមែនបរាជ័យរហូតនោះទេ
នៅពេលដែលយើងមានបញ្ហា វានឹងមានគំនិតអាក្រក់គិតថា យើងនឹងនៅតែបរាជ័យនៅក្នុងវិស័យនេះដដែល។ កុំគិតបែបនេះចំពោះការព្យាករណ៍ឥតបានការ ហើយថែមទាំងបំផ្លិចបំផ្លាញខ្លួនឯងថែមទៀត។
ផ្ទុយទៅវិញ សូមរំលឹកខ្លួនឯងថា ៖ ដោយសារតែខ្ញុំបរាជ័យនៅថ្ងៃនេះ ឬម្សិលមិញ មិនមានន័យថា ខ្ញុំនឹងបរាជ័យនៅលើកក្រោយទៀតទេ។
ការពិតគឺថា រឿងនេះនឹងមិនស្ថិតស្ថេរអស់មួយជីវិតឡើយ ប្រសិនបើអ្នកបន្តដំណើរទៅមុខ ហើយធ្វើសកម្មភាព។ គ្មានអ្នកណាគេមកដាក់ស្លាកឲ្យយើងថា ជាប្រភេទមនុស្សបរាជ័យនោះទេ (លើកលែងតែយើងខ្លួនឯង សម្រេចចិត្តបង្កើតស្លាកនោះ នៅក្នុងក្បាល) ។
៣. រំលឹកខ្លួនឯងថា អ្នកដែលចង់ក្លាយជាមនុស្សមានតម្លៃ តែងត្រូវបរាជ័យ
ភាគច្រើនយើងគ្រាន់តែលឺពីភាពជោគជ័យរបស់មនុស្សម្នាក់ ប៉ុន្តែផ្លូវទៅកាន់គោលដៅទាំងនោះយើងអត់បានដឹងថា មាននិន្នាការអ្វីខ្លះឡើយ។ រឿងរ៉ាវនៃភាពជោគជ័យរបស់នរណាម្នាក់ មើលទៅដូចជាមានភាពភ្លឺស្វាង និងគួរឲ្យកោតសរសើរ ដូចអ្វីដែលបានប្រាប់នៅក្នុងប្រព័ន្ធផ្សព្វផ្សាយជាដើម។
កីឡាករបាត់បោះ Michael Jordan បាននិយាយថា ” ខ្ញុំលេងបាល់បោះចាញ់ច្រើនជាង ៩០០០ ដងនៅក្នុងអាជីពរបស់ខ្ញុំ។ ខ្ញុំបានចាញ់ជិត ៣០០ដង បន្ថែមទៀត ។ ហើយខ្ញុំបានឈ្នះតែ ២៦ ដងប៉ុណ្ណោះ។ ខ្ញុំបានបរាជ័យម្ដងហើយម្ដងទៀត នៅក្នុងជីវិត។ នោះហើយជាមូលហេតុ ដែលខ្ញុំទទួលបានជោគជ័យ ” ។
៤. និយាយរឿងក្នុងចិត្តប្រាប់អ្នកណាដែលទុកចិត្ត
មធ្យោបាយមួយទៀតដើម្បីដោះស្រាយការធ្លាក់ចុះនៃអារម្មណ៍ និងគំនិតដែលបានមកពីការបរាជ័យ គឺមិនត្រូវទុកវានៅក្នុងចិត្តឡើយ។ និយាយជាមួយអ្នកដែលនៅជិតយើងបំផុត ពីអារម្មណ៍សៅហ្មងទាំងឡាយ ដែលកក់ណែនក្នុងទ្រូង។
នៅពេលមានមនុស្សម្នាក់ទៀត គ្រាន់តែស្ដាប់អ្នកអាចរៀបរាប់រឿងក្នុងចិត្ត វាក៏ជាចំណែកមួយជួយយើងឱ្យទទួលយករឿងដែលបានកើតឡើង ជំនួសឱ្យការរុញវាចេញ ហើយបញ្ចេញសម្ពាធនៅខាងក្នុងរាងកាយទៅវិញ។
៥. ឆ្ពោះទៅមុខម្ដងទៀតកុំជាប់គាំងក្នុងស្ថានភាពដ៏វែងនេះ
ដំណើរការនៃស្ថានភាពអាក្រក់និងការទទួលយកវា គឺជារឿងចាំបាច់បំផុត។ កុំជាប់គាំងនឹងគំនិតដដែលៗ រហូតដល់គិតជាខែ ជាឆ្នាំឲ្យសោះ។ បើសម្រាករួច ត្រូវប្រញាប់រើបម្រាស់ភ្លាមៗ ហើយឈ្មុសឈ្មុលទៅរកគោលដៅ ដែលបានប៉ងទុក៕
ប្រែសម្រួល៖ សាង ស្រីល័ក្ខ
ចុចអាន៖ ធ្វើរបរបីប្រភេទនេះ អាចបំផ្លាញផ្លូវចិត្តយើងតាំងពីនៅជាយុវវ័យបាន
ចុចអាន៖ តិចនិកធ្វើការពីផ្ទះបានធូរចិត្ត មិនឡូកឡំរវាងការងារក្រុមហ៊ុននិងម៉ោងផ្ទាល់ខ្លួន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង