KPT+
មនុស្សដែលជោគជ័យច្រើនតែវាយតម្លៃស្នេហាតាមរបៀបបួនយ៉ាងនេះ
មានរឿងជាច្រើនរាប់មិនអស់ ដែលមនុស្សយើងយល់ច្រឡំចំពោះសេចក្តីស្នេហា។ យើងទាំងអស់ត្រូវមានសេចក្តីស្នេហា តែម្តងម្កាល ការវិនិច្ឆ័យរបស់យើងចំពោះវា ធ្វើឱ្យយើងបានជីវិតមួយមានក្តីសុខ ឬត្រាំត្រែងដោយទុក្ខវេទនាបាន។
ប្រសិនបើយើងកំពុងតែមានទំនាក់ទំនងដោយសារហេតុផលខុស ទោះបីស្ថានភាពហាក់មើលទៅវាល្អក៏ដោយថ្ងៃណាមួយ ក្តីអស់សង្ឃឹមនឹងចូលមក។
ចូរពិចារណាថាតើយើងគួរទុកស្នេហាជារឿងធំហួសហេតុធ្វើឱ្យស្លាប់រស់បាន ឬមួយជីវិតតោងមានខ្លឹមសារអ្វីផ្សេងពីនេះទៀត?
សូមពិនិត្យមើល តម្រូវការស្នេហារបស់មនុស្សទំាងឡាយដែលគេមានជោគជ័យក្នុងជីវិតមុនយើង។
១ ការស្រលាញ់យកទៅបង្អួតនិងចង់ចាញ់ឈ្នះ
នៅពេលអ្នកស្រឡាញ់នរណាម្នាក់ មនុស្សជាច្រើនមានតម្រូវការឱ្យគេនោះក្លាយមកជារបស់ខ្លួន។ ចំណែកមនុស្សជោគជ័យគិតផ្សេង។ ពួកគេទុកថា ស្នេហាមិនមែនការដណ្តើម ការបង្ខំ ឬការចង់ឈ្នះទេ។ មនុស្សដែលយើងស្រលាញ់ ពុំមែនជាទំនិញ ពុំមែនទុកសម្រាប់បង្អួត អ្នកផ្សេងឱ្យសរសើរអ្នកឡើយ។
២ តុល្យភាពនៃពេលវេលាដែលចំណាយសម្រាប់ស្នេហានិងការងារ
យុវវ័យជាច្រើនធ្វើឱ្យ ខ្លួនឯងផ្តេកផ្តួលទំាងស្រុងលើស្នេហា។ យប់ព្រឹកល្ងាចថ្ងៃ ក៏រវល់តែអោបទូរសព្ទនិងដ្រាម៉ា។ រត់តាមមនុស្សប្រុសស្រីទុកដូចជាលែងរស់បានពេលអត់មានគេនោះ។ មនុស្សជោគជ័យគេតែងមានពេលសម្រាប់រឿងទំាងពីរគឺស្នេហានិងការងារ។ ជាទូទៅមួយណាក៏សំខាន់ ហើយបើយើងទុកវាសំខាន់ ពេលបាត់មួយ មួយទៀតព្យាបាលយើងបាន។ប្រសិនយើងងប់ងល់ដើរតាមពីក្រោយប្រុសម្នាក់ឬស្រីម្នាក់តត្រុក គេមើលមកយើងគ្មានតម្លៃ គ្មានការធ្វើថែមទំាងងាយនឹងបោះបង់យើងបាន ហើយយើងវិញអស់ពីគេគ្មានអ្វីទំាងអស់។
៣ រៀនរីករាយនឹងខ្លួនឯង
មនុស្សជោគជ័យក្នុងជីវិត តែងមានគម្រោងឆ្កួត ៗ នៅកន្លែងធ្វើការឬចុងសប្តាហ៍ដែលមិនចាំបាច់មានប្តីឬប្រពន្ធទៅត្រសង។ មនុស្សម្នាក់ៗត្រូវមានពេលវេលាដែលទំនេរ រស់នៅម្នាក់ឯង ពឹងខ្លួនឯង ដូច្នេះពេលបាត់អ្នកណាម្នាក់ទៅ យើងមិនងាយស្លាប់ទៅតាមការបាត់បង់នោះឡើយ។ ស្រី្តមួយចំនួនសុខចិត្តដើរតត្រុកតាមដានប្តីគ្រប់ជំហាន យ៉ាងគ្មានតម្លៃខ្លួនឯង។ បុរសស្ត្រីខ្លះ មិនទម្លាប់មានការរស់នៅដោយឡែកទេ គឺទៅណាឃើញទំាងគូរ លុះដល់ពេលម្ខាងធុញថប់ ឬចាកចេញព្រោះហេតុផលផ្សេងៗ ម្នាក់ទៀតមិនអាចបន្តរស់បានឡើយ។
៤ រៀនបង្កើ់តលទ្ធផលមុនស្លាប់ទៅវិញ
មិនមែនបង្កើតកូនច្រើនរញង់មួយកន្ទេលធំជាលទ្ធផលជីវិតទេ។ មនុស្សមិនអាចជួយអ្នកដទៃបាន ព្រោះខ្លួនរៀបការហើយបង្កើតអម្រែកធំហួសហេតុ សម្រាប់ជីវិត ដែលស្រោចស្រង់គ្រួសារខ្លួនមិនរួចផងកុំថាទៅជួយអ្នកដទៃ។ នៅពេលដែលអ្នកមានការស្រលាញ់តែសម្រាប់ខ្លួនឯងពេក ពេលជួបវិបត្តិ អ្នកពិបាកណាស់ក្នុងការរកមើលហេតុផលផ្សេងដើម្បីរស់បន្ត។ ចូររៀនរស់នៅដើម្បីអ្នកដទៃខ្លះ! ដើម្បីសង្គមឬភូមិឬកុមារក្រីក្រឬអ្វីក្តីដែលធ្វើឱ្យជិវិតអ្នកមានតម្លៃដដែលទោះបីជាបាត់បង់ស្នេហា៕
ប្រែសម្រួល៖ ស្រស់
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ