មកដល់ផ្សារ​ច្បារអំពៅ ទៅ​ទិញត្រីនៅ​​ផ្សារច្បារអំពៅរាល់ថ្ងៃ ធ្លាក់ខ្លួនឈឺ តេស្ត​មានកូវីដ១៩

អនុគណៈកម្មការ​ស្រាវជ្រាវកូវីដ ១៩ បាន​ជូនដំណឹងករណីអ្នកលក់ត្រីម្នាក់​បាន​ធ្លាក់ខ្លួន​ឈឺ​ ហើយ​ការ​ធ្វើ​តេស្ត​លទ្ធផល​មានវិជ្ជមានកូវីដ-១៩។

បើ​តាម​​អនុគណៈកម្មការស្រាវជ្រាវកូវីដ ១៩ អ្នកជំងឺគឺជាអ្នកលក់ត្រី ដែលតែងតែ​ទៅទទួលទិញត្រីនៅបេនឡានផ្សារច្បារអំពៅជារៀងរាល់ថ្ងៃ ដើម្បីយកទៅលក់បន្តនៅផ្សារបឹងត្របែកផ្លាហ្សា។ ជនរងគ្រោះបាន​ធ្លាក់ខ្លួនឈឺ ហើយក្រោយមក​​តេស្ត​មាន​វិជ្ជមាន​កូវីដ១៩។

គណៈកម្មការ​ស្រាវជ្រាវកូវីដ ១៩ បាន​អំពាវនាវដល់ប្រជាពលរដ្ឋ ដែលជាអ្នកលក់ដូរ ជាពិសេសអ្នកលក់ត្រី និងអ្នកពាក់ព័ន្ធទាំងអស់នៅបេនឡានផ្សារ​ច្បារអំពៅ និងផ្សារច្បារអំពៅ​​​ចាប់ពីថ្ងៃទី៣០ ខែមីនា ដល់ថ្ងៃទី ១០ ខែមេសា ឆ្នាំ២០២១ សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ​ តាមវិធានសុខាភិបាល រាប់ចាប់ពីថ្ងៃដែលអ្នកបានទៅទីកន្លែងនោះ នៅថ្ងៃ ឬក្រោយថ្ងៃអ្នកជំងឺបានទៅ៕