ឱកាសការងារជាង ៣ម៉ឺនកន្លែង កំពុងរង់ចាំស្វាគមន៍សិស្សនិស្សិត ក្នុងពិព័រណ៍ការងារ នៅកោះពេជ្រ

ឱកាសការងារជាង៣ម៉ឺនកន្លែង កំពុងរង់ចាំស្វាគមន៍សិស្សនិស្សិត ក្នុងពិព័រណ៍ការងារ និងផលិតភាពជាតិឆ្នាំ២០២៥ នៅកោះពេជ្រ។

ពិព័រណ៍ការងារ និងផលិតភាពជាតិ ដែលរៀបចំឡើងដោយទីភ្នាក់ងារជាតិមុខរបរ និងការងារ នៃក្រសួងការងារ និងបណ្ដុះបណ្ដាលវិជ្ជាជីវៈ ប្រព្រឹត្តទៅរយៈពេល២ថ្ងៃ នៅថ្ងៃទី១ និងថ្ងៃទី២ ខែវិច្ឆិកា ឆ្នាំ២០២៥ នៅមជ្ឈមណ្ឌលសន្និបាត និងពិព័រណ៍កោះពេជ្រ។

លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានអញ្ជើញជាអធិបតីភាពក្នុងពិធីបើកពិរព័រណ៍នេះ នៅព្រឹកថ្ងៃទី១ ខែវិច្ឆិកា ឆ្នាំ២០២៥។

ពិព័រណ៍ការងារ និងផលិតភាពជាតិ ក្នុងឆ្នាំនេះ ជាលើកទី១៥ ដោយមានក្រុមហ៊ុនចូលរួមប្រមាណ១៥០ និងមានឱកាសការងារប្រមាណជាង ៣ម៉ឺនកន្លែង ដែលជាឱកាសដ៏ធំបំផុតប្រចាំឆ្នាំ។

ពិព័រណ៍ដែលមានរយៈពេល២ថ្ងៃនេះ គឺជាឱកាសដែលយុវជនទទួលបានការងារធ្វើ រួមទាំងទទួលបានបទពិសោធថ្មីៗផងដែរ៕

ដោយ៖ ធឿន វ៉ាន់សុង