ព័ត៌មានជាតិ

ដាក់បញ្ជាឲ្យបញ្ចេញមី អង្ករ ផ្គត់ផ្គង់ក្នុងទីផ្សារចៀសវាងការដំឡើងថ្លៃពីឈ្មួញ

បានផុស

៣ years មុន

នៅ

ថ្ងៃព្រហស្បតិ៍ ១៥ មេសា ២០២១

ដោយ

ប្រមុខរដ្ឋាភិបាលសម្តេចតេជោ ហ៊ុន សែន បានដាក់បទបញ្ជាឲ្យក្រសួងពាណិជ្ជកម្មបញ្ចេញអង្ករ មី និងស្បៀងចាំបាច់មួយចំនួនទៀត ដើម្បីផ្គត់ផ្គង់លើទីផ្សារចៀសវាងការដំឡើងថ្លៃពីឈ្មួញមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោបានថ្លែងថា រោងចក្រដែលផលិតស្បៀងត្រូវតែដំណើរការ ការផ្គត់ផ្គង់ស្បៀងដូចជាបន្លែបង្ការចូលទីក្រុង ក៏មិនត្រូវរាំងស្ទះ ដោយសារវិធានការបិទក្រុងភ្នំពេញនោះទេ។ ក្នុងស្ថានភាពដ៏លំបាកនេះ រដ្ឋាភិបាលធានាការផ្គត់ផ្គង់ស្បៀងមិនឲ្យខ្វះខាត ដោយរដ្ឋនឹងបំពេញបន្ថែមជាបន្តបន្ទាប់តាមរយៈការដឹកនាំនៃគណៈកម្មការពាក់ព័ន្ធដទៃទៀត។

ការប្រកាសបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល នាយប់ថ្ងៃទី១៤ ខែមេសា ឆ្នាំ២០២១នេះ រដ្ឋាភិបាលបានដាក់វិធានការហាមឃាត់ប្រជាពលរដ្ឋមិនឱ្យចេញពីផ្ទះ និងឲ្យផ្អាកអាជីវកម្មដែលមិនចាំបាច់ លើកលែងតែអាជីវកម្មពាក់ព័ន្ធការលក់ដូរ ឬផ្គត់ផ្គង់ស្បៀងអាហារ នៅតែដំណើរការជាធម្មតា។ ជាមួយវិធានការនេះ ពលរដ្ឋត្រូវបានអនុញ្ញាតឲ្យធ្វើដំណើរទៅមន្ទីរពេទ្យ ទៅទិញម្ហូបអាហារ តែត្រូវអនុវត្តតាមបទបញ្ញត្តិ និងមានការអនុញ្ញាតិពីអាជ្ញាធរ។

ការកើនឡើងចំនួនអ្នកឆ្លងជារៀងរាល់ថ្ងៃដែលមិនមានសញ្ញាណថមថយ ប្រមុខរដ្ឋាភិបាលថ្លែងដោយក្តីព្រួយបារម្ភ កម្ពុជាកំពុងស្ថិតនៅមាត់ជ្រោះមរណៈ។ ប្រមុខរដ្ឋាភិបាល បានអង្វរប្រជាពលរដ្ឋទូទាំងប្រទេសត្រូវរួមគ្នា ដើម្បីយកឈ្នះលើព្រឹត្តិការណ៍សហគមន៍២០កុម្ភៈ ដែលជាព្រឹត្តិការណ៍ដ៏គ្រោះថ្នាក់សម្រាប់កម្ពុជា៕

Related Topics:

Up Next

ជនបរទេស បម្រើការងារនៅតាមរោងចក្រជាង៣៣០០នាក់ ហើយ បានស្ម័គ្រចិត្តចាក់វ៉ាក់សាំងស៊ីណូវ៉ាក់

Don't Miss

ត្រឹមម៉ោងជាង ១១ យប់មិញនេះ រកឃើញអ្នកឆ្លងថ្មីជាង ៣០០ នាក់ទៀត