ព័ត៌មានជាតិ

បុណ្យចូលឆ្នាំបាន២ថ្ងៃ ត្រូវអគ្គិភ័យបំផ្លាញលំនៅឋានអស់គ្មានសល់

បានផុស

៣ years មុន

នៅ

ថ្ងៃព្រហស្បតិ៍ ១៥ មេសា ២០២១

ដោយ

ករណីអគ្គិភ័យមួយឆាបឆេះផ្ទះ ប្រជាពលរដ្ឋអស់១ខ្នង ស្ថិតនៅតាមបណ្តោយផ្លូវបេតុង ភូមិកោះក្របី១ សង្កាត់ព្រែកថ្មី ខណ្ឌច្បារអំពៅ បង្កការភ្ញាក់ផ្អើលដល់អាជ្ញាធរមានសមត្ថកិច្ចចុះអន្តរាគមន៍ កាលពីវេលាម៉ោង ៩និង៣០នាទីព្រឹកថៃ្ងព្រហស្បតិ៍ទី១៥ ខែមេសា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ ឡាយ សុភាព ភេទប្រុស អាយុ៣៥ឆ្នាំ ជនជាតិខ្មែរមុខរបរនៅផ្ទះ។ មូលហេតុដែលបង្កឲ្យអគ្គិភ័យនេះកើតឡើង ព្រោះឆ្លងចរន្តអគ្គិសនី ដែលផ្ទះឈើប្រក់ស័ង្កសី (ទំហំ១០ម៉ែត្រ x ២៥ម៉ែត្រ) ខូចខាតទាំងស្រុង និងពុំបណ្តាលឲ្យរាលដាលដល់ផ្ទះអ្នកជិតខាងឡើយ ក្នុងករណីអគ្គិភ័យនេះផងដែរ គ្មានបង្ករបួសដល់អ្នកណាម្នាក់ទេ។

ក្នុងប្រតិបត្តិការណ៍នេះ ប្រើប្រាស់រថយន្តការិយាល័យអគ្គិភ័យ ចំនួន១គ្រឿង ប្រើប្រាស់ទឹក ព្រមទាំងរថយន្តពន្លត់អគ្គិភ័យជំនួយរួមមាន៖ រថយន្តពន្លត់អគ្គិភ័យ របស់បុរី ប៉េង ហួត បឹងស្នោ ចំនួន ២គ្រឿង រថយន្តពន្លត់អគ្គិភ័យ របស់សាលាសង្កាត់ព្រែកថ្មី ចំនួន១គ្រឿង។ ក្នុងករណីអគ្គីភ័យនេះបានពន្លត់ចប់ នៅវេលាម៉ោង ១០និង៣០នាទីព្រឹកថ្ងៃខែឆ្នាំដដែរ៕

អត្ថបទ៖ នរា

សូមចុចអាន៖ កំពុងបិទក្រុង ឆាបឆេះឃ្លាំងស្តុកសម្ភារៈទូរសព្ទនៅខណ្ឌ៧មករា ផ្អើលទាំងព្រឹក

Related Topics:ខណ្ឌច្បារអំពៅ