ខេត្តកំពង់ស្ពឺប្រកាសបិទខ្ទប់ ២ភូមិក្នុងស្រុកភ្នំស្រួច និងស្រុកសំរោងទង
Connect with us
Helistar Cambodia - Helicopter Charter Services

ព័ត៌មានជាតិ

ខេត្តកំពង់ស្ពឺប្រកាសបិទខ្ទប់ ២ភូមិក្នុងស្រុកភ្នំស្រួច និងស្រុកសំរោងទង

បានផុស

នៅ

រដ្ឋបាលខេត្តកំពង់ស្ពឺបានប្រកាសបិទជាបណ្ដោះអាសន្ននូវភូមិបន្ទាយរកា ឃុំក្រាំងដីវ៉ាយ ស្រុកភ្នំស្រួច និងមួយផ្នែកតូចនៃភូមិត្រពាំងវែង ឃុំត្រពាំងគង ស្រុកសំរោងទង ដែលជាតំបន់ឆ្លងរាលដាលនៃជំងឺកូវី-១៩ សម្រាប់រយៈពេលពីរសប្តាហ៍ គិតចាប់ពីថ្ងៃទី១៦ រហូតដល់ថ្ងៃទី៣០ ខែមេសាឆ្នាំ២០២១ ក្នុងគោលបំណងទប់ស្កាត់ជំងឺនេះកុំឱ្យឆ្លងរាលដាលនៅក្នុងតំបន់ផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជួនដំណឹងរបស់រដ្ឋបាលខេត្តកំពង់ស្ពឺនៅថ្ងៃនេះបានឱ្យដឹងថា ក្នុងអំឡុងពេលនៃការអនុវត្តផែនការបិទខ្ទប់នេះ បុគ្គលគ្រប់រូបត្រូវបានហាមឃាត់ការធ្វើដំណើរចេញពីលំនៅដ្ឋាន ឬទីសំណាក់បច្ចុប្បន្ន លើកលែងក្នុងករណីចាំបាច់ដូចជាការធ្វើដំណើរទៅបំពេញការងារ ឬប្រកបមុខរបរ ឬអាជីវករក្នុងភូមិសាស្រ្តដែលត្រូវបានបិទខ្ទប់ដែលមិនមានការហាមឃាត់ ដោយត្រូវភ្ជាប់ជាមួយនូវលិខិតបញ្ជាក់អំពីការងារមុខរបរ ឬអាជីវកម្ម។

ការធ្វើដំណើរទៅកាន់ទីកន្លែងលក់ម្ហូបអាហារ ឬគ្រឿងឧបភោគ និងសម្ភារៈប្រើប្រាស់ចាំបាច់ប្រចាំថ្ងៃដែលអនុញ្ញាតឱ្យបើកដំណើរការ ដោយអាជ្ញាធរមានសមត្ថកិច្ច។ ការធ្វើដំណើរក្នុងគោលបំណងនេះអាចធ្វើឡើងដោយសមាជិកយ៉ាងច្រើនពីរនាក់ក្នុងមួយលំនៅឋាន ឬទីសំណាក់មិនឱ្យលើសពីពីរដងក្នុងមួយសប្តាហ៍ និងនៅក្នុងរង្វង់ភូមិសាស្រ្តដែលត្រូវបានបិទខ្ទប់។

ការធ្វើដំណើរទៅមន្ទីរពេទ្យពិនិត្យសុខភាពដោយមូលហេតុសុខភាពបន្ទាន់ចេញក្រៅពីរង្វង់ភូមិសាស្រ្តដែលត្រូវបានបិទខ្ទប់នេះអាចធ្វើទៅបានដោយមានការអនុញ្ញាតពីអាជ្ញាធរដែលទទួលបន្ទុកអនុវត្តវិធានការបិទខ្ទប់។ ការធ្វើដំណើរដើម្បីទៅបង្ហាញខ្លួនយកសំណាកវិភាគរកមេរោគកូវីដ-១៩ និងទៅទទួលការចាក់វ៉ាក់សាំងការពារកូវីដ-១៩ តាមកាលកំណត់នៅក្នុងរង្វង់ភូមិសាស្ត្របិទខ្ទប់។

ការធ្វើដំណើររបស់ក្រុមគ្រូពេទ្យ មន្ត្រីរាជការ ក្រុមពន្លត់អគ្គិភ័យ កងកម្លាំងប្រដាប់អាវុធគ្រប់ប្រភេទដើម្បីបំពេញបេសកកម្មជូនស្ថាប័នអង្គភាព។

ក្នុងអំឡុងពេលនៃការអនុវត្តការបិទខ្ទប់ត្រូវហាមឃាត់ការជួបជុំ ឬការប្រមូលផ្ដុំមនុស្ស លើកលែងតែក្នុងករណីដូចខាងក្រោមការជួបជុំក្នុងចំណោមសមាជិកគ្រួសារដែលរស់នៅក្នុងលំនៅឋាន ឬទីសំណាក់ជាមួយគ្នា ការរៀបចំបុណ្យសពដោយគោរពតាមការកំណត់របស់អាជ្ញាធរមានសមត្ថកិច្ច ការជួបជុំរបស់បុគ្គលិកសុខាភិបាលដើម្បីយកវត្ថុសំណាក់បុគ្គលដែលពាក់ព័ន្ធផ្ទាល់ ឬប្រយោលជាមួយអ្នកផ្ទុកជំងឺ-១៩ ដើម្បីយកអ្នកដែលផ្ទុកជំងឺកូវីដ-១៩ ដូចជាបុគ្គលបុគ្គលិកសុខាភិបាលដែលបំពេញការសង្គ្រោះបន្ទាន់ផ្សេងទៀតការជួបជុំរបស់អាជ្ញាធរមានសមត្ថកិច្ច។

អំឡុងពេលនៃការបិទខ្ទប់ត្រូវបានហាមឃាត់រាល់សកម្មភាពការងារមុខរបរ ឬអាជីវកម្មដែលមិនមែនជាតម្រូវការចាំបាច់ចាំថ្ងៃផងដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១២ នាទី មុន

​ជួប​ជុំ ជប់​លៀង​កក្រើក​ប្រទេស​អេស្ប៉ាញ​ដើម្បី​អបអរ​ឈប់​បំរាម​កូវីដ​-​១៩

ព័ត៌មានអន្ដរជាតិ៣២ នាទី មុន

អាមេរិក​មាន​ករណី​បាញ់​​ទៀត​ហើយ​ស្លាប់​៧​នាក់​ចំ​ពេល​ទិវា​អ្នក​ម្តាយ​

ព័ត៌មានជាតិ៨ ម៉ោង មុន

សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រគល់ថវិកា ៥លាន​រៀល ជូននារី ដែលសម្រាលកូនដោយ​​ខ្លួនឯងក្នុងបន្ទប់ជួលទាំង​យប់

ព័ត៌មានជាតិ៨ ម៉ោង មុន

លោក ងួន ទ្ធិរិទ្ធ ប្រធានក្រុមការងារ​យុវជនបក្សស្រុកអន្លង់វែង បានដឹកនាំក្រុមការងា រចុះសាកសួរសុខទុក្ខប្រជាពលរដ្ឋមួយគ្រួសារដែលរងគ្រោះ ដោយ សារភ្លើងឆេះផ្ទះ

ជីវិតកម្សាន្ដ៩ ម៉ោង មុន

នាយក្រិន ធ្លាក់ខ្លួនឈឺធ្ងន់ដេក ស្តូកស្តឹងក្នុងមន្ទីពេទ្យ

Sokha Hotels

ព័ត៌មានពេញនិយម

Helistar Cambodia - Helicopter Charter Services