ព័ត៌មានជាតិ
តុលាការសម្រេច ឃុំខ្លួនបុរសម្នាក់ដែលអួតស័ក្ដឧត្តមសេនីយ
អ្នកនាំពាក្យសាលាដំបូងរាជធានីភ្នំពេញលោក គុជ គឹមឡុង ព្រះរាជអាជ្ញារង បានឲ្យដឹងថា លោក អ៊ុក សុវណ្ណារិទ្ធ ចៅក្រមជំនុំសាលាដំបូងរាជធានីភ្នំពេញ នារសៀលថ្ងៃទី១៨ ខែមេសា ឆ្នាំ២០២១ នេះបានបើកសវនាការជំនុំជម្រះផ្ទាល់លើសំណុំរឿងជនសង្ស័យម្នាក់ ដែលជិះរថយន្តដើរឡាយវីដេអូបង្ហោះអួងអាងថា ខ្លួនជាឧត្តមសេនីយ៍ ដាក់ពន្ធនាគារជាបណ្ដោះអាសន្ន ដើម្បីរងចាំការសម្រេចនៅពេលក្រោយ ។
សេចក្ដីសម្រេចនេះគឺទុករយៈពេល១៤ ថ្ងៃ ឲ្យជនត្រូវចោទពឹងពាក់មេធាវីការពារក្តី អោយខ្លួន ។ ជនសង្ស័យមានឈ្មោះ សៀង រង្សី ភេទប្រុស អាយុ៣៥ឆ្នាំ ប្រកបមុខរបរជាអ្នកលក់គ្រឿងសំណង់ នៅផ្ទះលេខ១A ផ្លូវលេខ៩៩R ភូមិទួលសង្កែសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ នឹងស្នាក់នៅបុរីហ្គ្រេនជ្រោយចង្វា ផ្ទះលេខ២១៦ ផ្លូវលេខ៦A សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។
ជននេះត្រូវបានលោក ឡុង ជាប ព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់តាមមាត្រា៣ មាត្រា៤ និង មាត្រា១១ នៃច្បាប់ស្តីពីកូដវីត.១៩ ដោយអនុវត្ត នីតិវិធីបង្ហាញខ្លួនភ្លាម (មាត្រា ៤៧ ក្រមនីតិវិធីព្រហ្មទណ្ឌ) រួចត្រូវបានចាត់បញ្ជូនទៅខាងចៅក្រមជំនុំជម្រះផ្ទាល់ ។
តាមច្បាប់ស្តីពីកូវីដ.១៩ ពេលណាជនសង្ស័យត្រូវបានតំណាងអយ្យការចោទប្រកាន់ជាផ្លូវការហើយ សំណុំរឿងនោះ នឹងត្រូវបើកសវនាការ នឹងផ្តន្ទាទោសលើជនសង្ស័យភ្លាមៗតែម្តង ប៉ុន្តែករណីខាងលើនេះដោយសារជនត្រូវចោទ ត្រូវការពឹងពាក់មេធាវី ដើម្បីការពារក្តីទើបចៅក្រមជំនុំជម្រះសម្រេចលើកពេលសវនាការ តែតម្រូវឲ្យឃុំខ្លួនជនសង្ស័យដាក់ពន្ធនាគារកំណត់១៤ ថ្ងៃ ទើបឲ្យនាំមកផ្តន្ទាទោសវិញ ៕
អត្ថបទ៖ មករា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ