ព័ត៌មានជាតិ
កម្លាំងសមត្ថកិច្ចឃាត់ខ្លួនជនល្មើសបំរាមផឹកស៊ីរាំច្រៀង៤នាក់បញ្ជូនទៅតុលាការ
ខេត្តតាកែវ៖ ជនល្មើសបម្រាមរបស់អាជ្ញាធរ៤នាក់ត្រូវបានកម្លាំងកងរាជអាវុធហត្ថខេត្តតាកែវ ចុះឃាត់ខ្លួនយកមកកសាងសំណុំរឿងបញ្ជូនទៅតុលាការ ក្រោយពួកគេនាំគ្នាផឹកស៊ី និងបើកឧបករណ៍បំពងសំឡេងរាំរែកយ៉ាងកងរំពងតាមរយៈការចាក់ធុងបាស់។
ការចុះអនុវត្តវិធានការលើជនល្មើសបម្រាមនេះធ្វើឡើងនៅចំណុចភូមិអង្គរាំង ឃុំបឹងត្រាញ់ខាងជើង ស្រុកសំរោង ខេត្តតាកែវ នាថ្ងៃទី១៨ ខែមេសា ឆ្នាំ២០២១ ដោយកម្លាំងកងរាជអាវុធហត្ថខេត្តសហកាណ៍ជាមួយកម្លាំងកងរាជអាវុធហត្ថស្រុកសំរោង។ មនុស្សទាំង៤នាក់ដែលត្រូវបានឃាត់ខ្លួននោះមាន ឈ្មោះ ជីប តូនី អាយុ២៤ឆ្នាំ ឈ្មោះ ជីប ដារាជ អាយុ២៦ឆ្នាំ ឈ្មោះ ផែន សុខន អាយុ២៦ឆ្នាំ និងឈ្មោះ ខៀវ ជិន អាយុ៤៥ឆ្នាំ។ ចំណែកវត្ថុតាងមាន ម៉ូតូ០២គ្រឿង និងឧបករណ៍បំពងសំឡេងមួយចំនួន។
បច្ចុប្បន្នជនបំពានបម្រាមទាំង៤នាក់ខាងលើត្រូវបានកម្លាំងកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី។
សូមបញ្ជាក់ថា កន្លងមករដ្ឋបាលខេត្តតាកែវបានចេញសេចក្តីណែរនាំឱ្យប្រជាពលរដ្ឋយកចិត្តទុកដាក់អនុវត្តវិធានការ “៣ការពារ ៣កុំ” ហើយអនុវត្តឱ្យមានប្រសិទ្ធភាពខ្ពស់នូវសេចក្តីសម្រេចរបស់រាជរដ្ឋាភិបាល សេចក្តីណែនាំរបស់ក្រសួងសុខាភិបាល និងសេចក្តីសម្រេចនានាស្តីពីវិធានការរដ្ឋបាលក្នុងការទប់ស្កាត់ជំងឺកូវីដ-១៩ ដើម្បីជៀសផុតការឆ្លងរាលដាលដល់ក្រុមគ្រួសារ និងសហគមន៍ ហើយបើល្មើសនឹងត្រូវចាត់វិធានការតាមច្បាប់គ្មានការយោគយល់៕
អត្ថបទ៖ វីរៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ