ខេត្តមណ្ឌលគិរីត្រៀម៣ទីតាំងធ្វើកន្លែងព្យាបាល និងមណ្ឌលចត្តាឡីស័ក
Connect with us
Helistar Cambodia - Helicopter Charter Services

ព័ត៌មានជាតិ

ខេត្តមណ្ឌលគិរីត្រៀម៣ទីតាំងធ្វើកន្លែងព្យាបាល និងមណ្ឌលចត្តាឡីស័ក

បានផុស

នៅ

រដ្ឋបាលខេត្តមណ្ឌលគីរីបានត្រៀមទីតាំងចំនួន៣កន្លែងសម្រាប់ធ្វើជាមណ្ឌលព្យាបាលជំងឺកូវីដ-១៩ និងធ្វើជាមណ្ឌលចត្តាឡីស័កក្នុងករណីមានអ្នកសង្ស័យ ឫផ្ទុកជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរីបានឱ្យដឹងថា ដើម្បីឆ្លើយតបទៅនឹងវិធានការការពារ និងទប់ស្កាត់ការរីករាលដាលនៃជំងឺកូវីដ-១៩ រដ្ឋបាលខេត្តបានសម្រេច យកមន្ទីរពេទ្យបង្អែកខេត្ត ១កន្លែង អគារស្នាក់នៅរបស់គ្រូ ស្ថិតនៅវិទ្យាល័យ ហ៊ុន សែន មណ្ឌលគិរី ១កន្លែង និងផ្ទះគ្រូ ១កន្លែង ដើម្បីត្រៀមលក្ខណៈទុកជាមុន សម្រាប់ព្យាបាល និងដាក់ដាច់ដោយឡែកចំពោះអ្នកដែលសង្ស័យ ឬមានផ្ទុកជំងឺកូវីដ-១៩។

ក្នុងឱកាសចុះពិនិត្យមើលទីតាំងទាំងនោះ លោកអភិបាលខេត្តបានណែនាំដល់មន្រ្តីជំនាញ ត្រូវរៀបចំបន្ទប់នីមួយៗឱ្យបានស្អាត និងរៀបចំបំពាក់នូវទឹក ភ្លើង បន្ទប់ទឹក កង្ហារ និងគ្រែ ព្រមទាំងសម្ភារៈ និងបរិក្ខាពេទ្យមួយចំនួនទៀតផងដែរ។

លោកអភិបាលខេត្តបានមានប្រសាសន៍បន្តថា៖ “សម្រាប់ខេត្តមណ្ឌលគិរី រហូតមកដល់ពេលនេះ មិនទាន់មានករណីសង្ស័យ ឫផ្ទុកជំងឺកូវីដ-១៩នោះទេ តែទោះជាយ៉ាងក៏ដោយ ក្នុងនាមអាជ្ញាធរខេត្ត និងសមត្ថកិច្ចពាក់ព័ន្ធ បានអនុវត្តតាមគោលការណ៍នានា របស់រាជរដ្ឋាភិបាល ក៏ដូចជាក្រសួងសុខាភិបាល ក្នុងការរឹតបន្តឹងនៅតាមខ្សែបន្ទាត់ព្រំដែនរវាងប្រទេសជិតខាង និងតាមព្រំប្រទល់រវាងខេត្ត និងខេត្ត ជាពិសេស ក្នុងអំឡុងពេលចូលឆ្នាំថ្មីប្រពៃណីជាតិខ្មែរ នៅគ្រប់រមណីយដ្ឋាន ភោជនីយដ្ឋាន និងសណ្ឋាគារ ផ្ទះសំណាក់ នៅក្នុងខេត្ត ត្រូវបានអនុវត្តយ៉ាងម៉ឺងម៉ាត់ តាមបទបញ្ជារបស់ប្រមុខរាជរដ្ឋាភិបាល ក៏ដូចជាក្រសួងទេសចរណ៍ ដើម្បីទប់ស្កាត់ និងការឆ្លងរាលដាលនៃជំងឺកូវីដ-១៩ ចូលក្នុងសហគមន៍”។

លោក អភិបាលខេត្តបានអំពាវនាវដល់ប្រជាពលរដ្ឋទាំងអស់ ត្រូវចូលរួមអនុវត្តឱ្យបានខ្ជាប់ខ្ជួននូវវិធានការ ៣កុំ៣ការពារ និងចូលរួមជាមួយរាជរដ្ឋាភិបាលកម្ពុជា ដើម្បីការពារខ្លួនពីការចម្លងជំងឺកូវីដ-១៩៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ស្ថាន​ឯកអង្គ​រាជទូត​កម្ពុជា​ប្រចាំ​ប្រទេស​ម៉ា​ទ្បេ​ស៊ី ប្រាប់​ឲ្យ​ប្រជាពលរដ្ឋ​ខ្មែរ ទៅ​ចាក់​វ៉ាក់សាំង

ព័ត៌មានជាតិ៤ ម៉ោង មុន

ឆេះ​រថយន្តក្រុង​ដឹក​អ្នក​ដំណើរ​២៣​គ្រឿង ស្លាប់​មនុស្ស​ម្នាក់​មិនទាន់​ស្គាល់​អត្តសញ្ញាណ

ព័ត៌មានជាតិ៤ ម៉ោង មុន

រដ្ឋបាលខេត្ត​កំពង់ឆ្នាំង​ ចេញ​សេចក្តី​ប្រកាស​ព័ត៌មាន​ រក​ឃើញ​អ្នក​វិជ្ជមាន​កូ​វីដ​១៩ ចំនួន​២១នាក់ ជា​សះស្បើយ​២៦​នាក់ ស្លាប់​២​នាក់

ព័ត៌មានជាតិ៥ ម៉ោង មុន

ផ្សារ​កំពង់​ក្តី ផ្សារ​ដំ​ដែក និង​ផ្សារ​ពោធិ៍​បន្ទាយ​ជ័យ ត្រូវ​បិទ​បន្ត​១៤​ថ្ងៃ​បន្ថែមទៀត

កីឡា៥ ម៉ោង មុន

ហែម ប៉ុច កីឡាករ​ហែល​ទឹក​កម្ពុជា​បាន​បំបែក​ឯតទគ្គកម្ម​ចាស់​របស់ខ្លួន ក្នុងការ​ប្រកួត​កីឡា​អូឡាំពិក នៅ​ទីក្រុង​តូ​ក្យូ

Sokha Hotels

ព័ត៌មានពេញនិយម

Helistar Cambodia - Helicopter Charter Services