ព័ត៌មានជាតិ
ផ្សារបឹងកេងកងនៅដំណើរការលក់គ្រឿងហូបចុកជាធម្មតា តែត្រូវអនុវត្តតាមការណែនាំរបស់អាជ្ញាធរ
ស្ថានភាពនៅផ្សារបឹងកេងកងនៃខណ្ឌបឹងកេងកង សម្រាប់នៅថ្ងៃទី១៩ ខែមេសា នេះ បងប្អូនប្រជាពលរដ្ឋបានចេញ ចូលផ្សារជាធម្មតា ខណៈដែលបងប្អូនអាជីវករ ប្រមាណជាង៦០តូបប៉ុណ្ណោះ ដែលជាអាជីវករលក់គ្រឿងហូបចុក គ្រឿងទេស បន្លែ និងត្រីសាច់ ទៅតាមការណែនាំរបស់រាជរដ្ឋាភិបាល និងអាជ្ញាធរដែនដី ដើម្បីរួមគ្នាប្រយុទ្ធប្រឆាំងជំងឺឆ្លងកូវីដ១៩ទាំងអស់គ្នា។ នេះបើតាមការបញ្ជាក់ពី ប្រធានផ្សារបឹងកេងកង លោក ឯក និមល នៅថ្ងៃទី១៩ ខែមេសាឆ្នាំ២០២១នេះ។
លោកប្រធានផ្សារបានឲ្យដឹងថា តម្លៃទំនិញនៅក្នុងផ្សារ យើងបានតម្រូវឲ្យបងប្អូនអាជីវករទាំងអស់ត្រូវតែដាក់ស្លាក តម្លៃនៅគ្រប់តូប ឬ ស្ដង់របស់ខ្លួន ដោយការពារជាមុនចៀសវាង ជនឆ្លៀតឱកាសនិយមលក់ទំនិញឡើងថ្លៃគ្មានហេតុផល។
ជាមួយគ្នានេះ គណៈកម្មការផ្សារបឹងកេងកង បានដាក់កម្លាំងសន្តិសុខ នៅតាមមាត់ច្រកទ្វារ ចេញ ចូលផ្សារដើម្បីសាកសួរព័ត៌មានពីតម្លៃទំនិញ ដែលអតិថិជន គាត់បានចូលមកទិញ ពីក្នុងផ្សារ ។ ចំពោះការអនុវត្តវិធានការ សុខាភិបាល គណៈកម្មការផ្សារបានរឹតបន្តឹង ដោយតម្រូវដល់អតិថិជន និង អាជីវករពេលចេញ ចូលផ្សារត្រូវតែពាក់ម៉ាសការពារជានិច្ច និងស្គែនកម្ដៅ បាញ់ទឹកអាល់កុល ស្គែន QR code ជាប្រចាំ នៅតាមច្រកទ្វារចេញ ចូលផ្សារទាំងបី ។ ក្រៅពីនេះយើងបានណែនាំ បងប្អូនអាជីវករ ទទួលអ្នកទិញតែ២នាក់ ប៉ុណ្ណោះមួយតូបៗ បើមកទិញបីនាក់ឡើង ទៅគឺត្រូវឲ្យគាត់នៅរងចាំនៅខាងក្រោយដោយរក្សាគម្លាតឲ្យឆ្ងាយពីគ្នា ។
លោកបន្តថា ក្រោយបងប្អូនអាជីវករចាកចេញទៅផ្ទះរៀងៗខ្លួននាពេលល្ងាចនោះ ខាងគណៈកម្មការផ្សារបឹងកេងកង បានចាត់កម្លាំងសន្តិសុខ ចុះបាញ់ថ្នាំសម្លាប់មេរោគក្នុងបរិវេណផ្សារ ។
លោកប្រធានផ្សារបន្តទៀតថា យើងត្រូវរួមគ្នា អនុវត្តតាមវិធានការ ៣ការពារ ៣កុំ និងចាក់វ៉ាក់សាំងកូវីដ១៩ ទាំងអស់គ្នា ៕
អត្ថបទ ៖ ស្រីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ