ព័ត៌មានជាតិ
អស់ថ្លៃភ្លើងជិតពីរលានរៀន មិនអស់ចិត្ត អគ្គិសនីស្រាយបំភ្លឺ
អគ្គិសនីកម្ពុជាបានធ្វើការស្រាយបំភ្លឺ លើអតិថិជនដែលមានម្ចាស់គណនី Facebook ឈ្មោះ ម៉ាក់ លីហេង បានលើកឡើងថ្លៃសេវាប្រើប្រាស់អគ្គិសនីអស់ជាង ២ លានរៀល។
នៅថ្ងៃទី១២ ខែមេសា ឆ្នាំ២០២១ វេលាម៉ោង ១៥:៣០នាទី អគ្គិសនីកម្ពុជាបានចុះពិនិត្យឃើញថា ប្រព័ន្ធនាឡិកាស្ទង់ ល្អត្រឹមត្រូវតាមលក្ខណៈបច្ចេកទេស ជាក់ស្ដែងខ្សែហ្វាចូល និងចេញត្រឹមត្រូវ នាឡិកាស្ទង់ដំណើរការធម្មតា។
សម្ភារប្រើប្រាស់របស់អតិថិជនមាន ម៉ាស៊ីនត្រជាក់ ០១គ្រឿង ទូរក្លាសេ ០២គ្រឿង កង្ហារ ០២គ្រឿង ឆ្នាំងដាំបាយ ០១គ្រឿង និងឧបករណ៍បន្ទាប់បន្សំផ្សេងៗទៀត។
តាមការពិនិត្យប្រវត្តិទូទាត់ប្រាក់របស់ម្ចាស់គណនី Facebook ឈ្មោះ ម៉ាក់ លីហេង ដែលមានឈ្មោះនៅលើវិក្កយបត្រប្រើប្រាស់ថាមពលអគ្គិសនីឈ្មោះ PRAK NALY ឃើញថា អតិថិជនមានបញ្ហាលើវិក្កយបត្រពីរក្នុងខែមីនា និងខែមេសាគឺ៖
– វិក្កយបត្រទី១ ធ្វើនៅថ្ងៃទី០២ ខែមីនា ឆ្នាំ២០២១ មានបំណុលសរុប ៧៩៤,៩៨០រៀល ផុតកំណត់បង់ប្រាក់ថ្ងៃទី២២ ខែមីនា ឆ្នាំ២០២១ ប៉ុន្តែពុំទាន់ទូទាត់។
– វិក្កយបត្រទី២ ធ្វើនៅថ្ងៃទី០៥ ខែមេសា ឆ្នាំ២០២១ មានបំណុលសរុប ១,៣៨៣,៧៨០រៀល និងបំណុលបូកយោងខែមីនា ៧៩៤,៩៨០រៀល ដូចនេះបំណុលសរុបទាំង២ខែគឺ ២,១៧៨,៣៣០រៀល។
ប្រសិនបើអតិថិជនទាំងអស់ ទូទាត់វិក្កយបត្រយ៉ាងយូរមុនថ្ងៃផុតកំណត់នៅលើវិក្កយបត្រនោះមិនមានជាប់បំណុលយោងមកខែថ្មីទៀតទេ។
អគ្គិសនីកម្ពុជាបានណែនាំ ប្រសិនបើអតិថិជនមានចម្ងល់ពាក់ព័ន្ធ នឹងការប្រើប្រាស់ថាមពលអគ្គិសនី សូមអញ្ជើញមកបណ្តាសាខានៅរាជធានីភ្នំពេញ ឬអគ្គិសនីខេត្តចំណុះឲ្យអគ្គិសនីកម្ពុជាដោយផ្ទាល់ ឬទំនាក់ទំនងតាមរយៈលេខទូរស័ព្ទនៅលើវិក្កយបត្រ ឬទំព័របណ្តាញសង្គម Facebook ផ្លូវការរបស់ “អគ្គិសនីកម្ពុជា-EDC” ឬទំនាក់ទំនងទីស្នាក់ការកណ្តាលអគ្គិសនីកម្ពុជាតាមរយៈលេខទូរស័ព្ទ ១២៩៨ ទាំងនេះជានីតិវិធីនៃការដោះស្រាយ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង