ព័ត៌មានជាតិ
ក្រសួងការងារតម្រូវឲ្យរោងចក្រផ្អាកសកម្មភាពអាជីវកម្មក្នុងអំឡុងពេលបិទខ្ទប់នេះត្រូវរក្សាប៉ុស្តិ៍និងអតីតភាពការងារជួនកម្មករ
ភ្នំពេញ ៖ លោក បណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានណែនាំដល់ម្ចាស់រោងចក្រសហគ្រាសសិប្បកម្ម និង ក្រុមហ៊ុនដែលត្រូវផ្អាកសកម្មភាពអាជីវកម្មក្នុងអំឡុងពេលនៃការបិទខ្ទប់ក្នុងភូមិសាស្ត្ររាជធានីភ្នំពេញ និង ក្រុងតាខ្មៅនៃខេត្តកណ្ដាលត្រូវរក្សាប៉ុស្តិ៍ការងារនិងរក្សាអតីតភាពការងារជូនកម្មករនិយោជិត។
លោករដ្ឋមន្ត្រីបានមានប្រសាសន៍តាមរយៈសេចក្តីណែនាំស្ដីពីការបើកផ្ដល់ប្រាក់ឈ្នួលដើមខែមេសានិងប្រាក់ឧបត្ថម្ភបន្ថែមរបស់រោងចក្រសហគ្រាសសិប្បកម្មនិងក្រុមហ៊ុនដល់កម្មករនិយោជិតក្នុងអំឡុងពេលនៃការបិទខ្ទប់នៅក្នុងភូមិសាស្ត្ររាជធានីភ្នំពេញនិងក្រុងតាខ្មៅនៃខេត្តកណ្ដាលដើម្បីទប់ស្កាត់ការឆ្លងរាលដាលនៃជំងឺកូវីដ១៩ នៅថ្ងៃទី១៩ ខែមេសានេះថា ក្រៅពីនេះម្ចាស់រោងចក្រសហគ្រាសសិប្បកម្មនិងក្រុមហ៊ុនដែលត្រូវផ្អាកសកម្មភាពអាជីវកម្មទាំងនោះត្រូវបើកផ្ដល់ប្រាក់ឈ្នួលដើមខែមេសាសម្រាប់ថ្ងៃទី០១ដល់ថ្ងៃទី១៤ ខែមេសាឆ្នាំ២០២១ជូនកម្មករនិយោជិតរបស់ខ្លួន ប្រសិនជាមិនទាន់បានបើកមកដល់នាពេលកន្លងមក។
លោករដ្ឋមន្ត្រីបានបន្តថា ការបើកប្រាក់នេះសូមធ្វើនៅក្រោយពេលចប់វិធានការបិទខ្ទប់និងផ្ដល់ប្រាក់ឧបត្ថម្ភបន្ថែមជូនដល់កម្មករនិយោជិតរបស់ខ្លួនទៅតាមលទ្ធភាពដែលដោយផ្អែកលើស្មារតីមនុស្សធម៌សាមគ្គីភាពនិងទំនួលខុសត្រូវសង្គមនៅក្នុងគ្រាលំបាកនេះហើយការបើកប្រាក់ឧបត្ថម្ភបន្ថែមនេះក៏សូមធ្វើនៅក្រោយពេលចប់វិធានការបិទខ្ទប់ដូចគ្នា។
លោករដ្ឋមន្ត្រីបានបន្ថែមថា ដើម្បីសម្រួលដល់ការលំបាករបស់បងប្អូនកម្មករនិយោជិតដែលកំពុងរស់នៅជាក់ស្ដែងនៅតាមបន្ទប់ជួលនៃតំបន់បិទខ្ទប់នេះរាជរដ្ឋាភិបាលបានកំពុងផ្ដល់ជំនួយសង្គមផ្សេងៗតាមរយៈរដ្ឋបាលរាជធានីភ្នំពេញនិងខេត្តកណ្តាលផងដែរ។
លោករដ្ឋមន្ត្រីបានបញ្ជាក់ថា ក្រសួងសង្ឃឹមយ៉ាងមុតមាំថា លោកលោកស្រីជាម្ចាស់ឬជានាយករោងចក្រសហគ្រាសសិប្បកម្មក្រុមហ៊ុននិងបងប្អូនកម្មករនិយោជិតទាំងអស់និងអនុវត្តសេចក្តីណែនាំនេះប្រកបដោយស្មារតីទទួលខុសត្រូវនិងយោគយល់។
គួរបញ្ជាក់ថា រាជរដ្ឋាភិបាលបានសម្រេចបិទខ្ទប់នូវភូមិសាស្ត្ររាជធានីភ្នំពេញ និង ក្រុងតាខ្មៅនៃខេត្តកណ្តាលរយៈពេល១៤ថ្ងៃ គឺចាប់ម៉ោងសូន្យថ្ងៃទី១៥ ខែមេសា រហូតដល់ថ្ងៃទី២៨ ខែមេសា ឆ្នាំ២០២១៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ