ព័ត៌មានជាតិ
ក្រុមសមត្ថកិច្ចកោះកុង ចុះយកសំណាកហាងម៉ាស្សា ក្រោយល្មើស និងបិទអាជីវកម្ម
កោះកុង៖ ក្រុមគ្រូពេទ្យខេត្តកោះកុង នៅព្រឹកថ្ងៃទី២១ ខែមេសានេះ បានចុះយកសំណាករបស់ក្រុមនារីជាបុគ្គលិកហាងម៉ាស្សាមួយកន្លែងនៅសង្កាត់ស្មាច់មានជ័យ បន្ទាប់ពីលោកអភិបាលក្រុងខេមរភូមិន្ទ សម្រេចបិទអាជីវកម្មទាំងស្រុង។
យ៉ាងហោចមានម្ចាស់អាជីវកម្ម ចុងភៅ និងនារីបុគ្គលិកវៀតណាម៦នាក់ដែលត្រូវបានយកសំណាកភ្លាមៗក្រោយបិទអាជីវកម្មនៅយប់ថ្ងៃទី២០ ខែមេសា ពេលរកឃើញថាបានល្មើសបម្រាមរាជរដ្ឋាភិបាលអំឡុងពេលរីករាលជំងឺកូវីដ-១៩។
លោក ឈេង សុវណ្ណដា អភិបាលក្រុងខេមរភូមិន្ទ បានបញ្ជាក់ថា កាលដែលតម្រូវឱ្យយកសំណាកទៅធ្វើតេស្តរកវីរុសកូវីដ-១៩ ព្រោះមាននារីវៀតណាម៣នាក់មកស្នាក់នៅ និងធ្វើការគ្មានលិខិតស្នាមត្រឹមត្រូវ។ ដូច្នេះត្រូវចាប់បញ្ចូនចេញទៅប្រទេសកំណើតពួកគេវិញ ដោយត្រូវពិនិត្យសុខភាពជាមុនសិន។
លោកអភិបាលក្រុងខេមរភូមិន្ទ បន្ថែមថា ទីតាំងម៉ាស្សាយីហោ ម៉ាស្សា៣៧៩ ដែលបិទអាជីវកម្មចាប់ពីថ្ងៃទី២០ មេសា តទៅ ស្ថិតនៅ ភូមិ២ សង្កាត់ស្មាច់មានជ័យ។ ម្ចាស់ឈ្មោះ ង្វៀង គឹមសៀង ភេទស្រី ជនជាតិវៀតណាម និង ឈ្មោះ ប្រាក់ ប៊ុនថន ហៅ ចក់ ជនជាតិខ្មែរ ជាអតីតអធិការរងក្រុងខេមរភូមិន្ទ បានចូលនិវត្តន៍។
បុគ្គលិកជនជាតិវៀតណាមទាំងអស់ ចំនួន ០៤ នាក់៖
១. ឈ្មោះ MAI BICHVAN ភេទ ស្រី អាយុ ៣០ ឆ្នាំ (កាន់លិខិតឆ្លងដែន ផុតសុពលភាពទិដ្ឋាការ)
២. ឈ្មោះ NGUYEN THLIYNHI ភេទស្រី អាយុ ៣០ ឆ្នាំ (គ្មានលិខតិឆ្លងដែន)
៣. ឈ្មោះ NGLIYEN HONG ភេទស្រី អាយុ ៣១ ឆ្នាំ (គ្មានលិខិតឆ្លងដែន)
៤. ឈ្មោះ NGLIYEN KIMNHO ភេទស្រី អាយុ ១៦ ឆ្នាំ (គ្មានលិខិតឆ្លងដែន)។
មូលហេតុនៃការបិទអាជីវកម្ម ក៏ព្រោះតែម្ចាស់ហាងម៉ាស្សាខាងលើ មិនបានអនុវត្តតាមសេចក្តីជូនដំណឹងរបស់រដ្ឋបាលខេត្ត ដែលតម្រូវឱ្យគ្រប់អាជីវកម្ម ខារ៉ាអូខេ ម៉ាស្សា និងរមណីយដ្ឋាន ផ្អាកអាជីវកម្មរបស់ខ្លួន តបតាមសេចក្កីសម្រេចរបស់ប្រមុខរដ្ឋាភិបាល។
លោកឧត្តមសេនីយ៍ត្រី មាស អេលីន ស្នងការរងនគរបាលខេត្តកោះកុងទទួលបន្ទុកផ្នែកអន្តោប្រវេសន៍ មានប្រសាសន៍ថា ស្រ្តីជនជាតិវៀតណាមទាំង៣ខាងលើ ក្រុមការងារនឹងរៀបចំឯកសារសុំគោលការណ៍ទៅអគ្គនាយកដ្ឋានអន្តោប្រវេសន៍ ដើម្បីបញ្ចូនពួកគេចេញពីប្រទេសកម្ពុជា។
ក្នុងបរិបទជំងឺកូវីដ-១៩ ស្នងការរង បញ្ជាក់ទៀតថា សមត្ថកិច្ច និងមន្រ្តីសុខាភិបាលសុំពេលវេលាយកសំណាករបស់ពួកគេទៅធ្វើតេស្តពិនិត្យរកវីរុសកូវីដ-១៩ ជាមុនសិន នៅពេលដឹងលទ្ធផលយ៉ាងណានឹងនីតិវិធីតាមច្បាប់បន្ត៕
អត្តបទ៖ សិរីវឌ្ឍន:
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?