ព័ត៌មានជាតិ
សមត្ថកិច្ចនឹងប្រើរំពាត់វាយពលរដ្ឋណា ដែលផ្គើននឹងបម្រាមនៅតំបន់ក្រហម
លោក វរសេនីយ៍ឯក សាន សុខសីហា អ្នកនាំពាក្យស្នងការដ្ឋានរាជធានីភ្នំពេញបានឲ្យដឹងនៅរសៀលថ្ងៃនេះថា ចាប់ពីពេលនេះទៅសមត្ថកិច្ចកិច្ចនឹងប្រើធម៌ក្តៅចំពោះបងប្អូនប្រជាពលរដ្ឋរស់នៅតំបន់ក្រហម ឬតំបន់ងាយរងគ្រោះណាដែលផ្គើនទៅនឹងបម្រាម និងច្បាប់របស់រាជរដ្ឋាភិបាលក្នុងកំឡុងបិទខ្ទប់នេះ។
គួរបញ្ជាក់ថា នៅតាមបណ្តាញសង្គមហ្វេសប៊ុក នាពេលថ្មីៗនេះគេសង្កេតឃើញមានសមត្ថកិច្ចនៅតាមដងផ្លូវ បានធ្វើការដេញវាយប្រជាពលរដ្ឋដោយរំពាត់ ដែលមិនគោរពតាមបម្រាមរបស់រដ្ឋាភិបាល និងឃើញសមត្ថកិច្ចដាក់រំពាត់នៅតាមប៉ុស្តិ៍ត្រួតពិនិត្យ និងកាន់ជិះម៉ូតូតាមផ្លូវនានា ដើម្បីវាយពលរដ្ឋដែលចេញក្រៅផ្ទះដោយគ្មានលិខិតអនុញ្ញាតត្រឹមត្រូវពីអាជ្ញាធរ។
លោកវរសេនីយ៍ឯក សាន សុខសីហា បានបន្តថា «សំខាន់បំផុតប្រជាពលរដ្ឋរស់នៅតំបន់ក្រហមនិងងាយរងគ្រោះដែលមានការរាលដាលឆ្លងកូវីដ១៩ យើងត្រូវតែប្រើធម៌ក្តៅដើម្បីចូលរួមបង្ការទប់ស្កាត់ការឆ្លង ប្រសិនបើគាត់នៅតែមិនស្ដាប់ផ្គើននឹងបម្រាម និងច្បាប់របស់រដ្ឋាភិបាលទៀតយើងនឹងអនុវត្តតាមហ្នឹងហើយ»។
លោកបានបន្តទៀតថា វិធានការដែលត្រូវអនុវត្តនោះមានចំនួន៣ គឺទី១យើងនឹងគំញើញគាត់ជាលក្ខណៈដោយវាយនឹងរំពាត់ ដើម្បីឲ្យរាងចាល ទី២ចាប់គាត់ទៅពិន័យអន្តរកាល និងទី៣អាចបញ្ជូនសំណុំរឿងទៅតុលាការតែម្តង។
លោកវរសេនីយ៍ឯក សាន សុខសីហា បានបន្ថែមថា យ៉ាងណាក៏ដោយចំពោះតំបន់ដែលមិនរងនូវហានិភ័យខ្ពស់នៃការឆ្លងជំងឺកូវីដ១៩ទេ សមត្ថកិច្ចនិងអាជ្ញាធរមូលដ្ឋាននៅតាមគោលដៅនៅរាជធានីភ្នំពេញតែងតែយោគយល់ ដោយធ្វើការណែនាំការអប់រំពួកគាត់។ ប៉ុន្តែនៅតែអនុវត្តទៅតាមវិធានការរដ្ឋបាលរបស់រាជរដ្ឋាភិបាល ប្រសិនបើបុគ្គលនោះនៅតែផ្គើននឹងបម្រាមនិងច្បាប់ដែលបានដាក់ចេញ៕
អត្ថបទ ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»