ព័ត៌មានជាតិ
ក្រសួងផែនការ ប្រកាសរកឃើញមន្ត្រីម្នាក់មានវិជ្ជមានជំងឺកូវីដ១៩ ដែលឆ្លងពីប្រពន្ធ
ភ្នំពេញ ៖ ក្រសួងផែនការបានប្រកាសរកឃើញករណីវិជ្ជមានទៅលើ ឈ្មោះ វង្ស សុខនី ជាមន្ត្រី នៃអគ្គាធិការដ្ឋានក្រសួងផែនការ ដែលបានឆ្លងពីភរិយានឹងត្រូវបានរកមានវិជ្ជមានកូវីដ-១៩ ព្រឹកថ្ងៃទី២២ ខែមេសា ឆ្នាំ២០២១នេះ។
តាមសេចក្តីជូនដំណឹងរបស់ក្រសួងផែនការនៅថ្ងៃទី២២មេសានេះបានឲ្យដឹងថា ឈ្មោះវង្ស សុខនីភេទប្រុស អាយុ៣៨ឆ្នាំ មានអាសយដ្ឋានបច្ចុប្បន្ននៅផ្លូវជាតិលេខ១ ភូមិព្រែកជាងព្រំ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ បានឆ្លងវីរុសកូវីដ១៩ពីភរិយារបស់គាត់ឈ្មោះជុន អ៊ឹង អាយុ ៣៦ឆ្នាំ បម្រើការងារនៅភោជនីយដ្ឋានវីឡាលង្កា ដែលត្រូវបានក្រសួងសុខាភិបាលរកឃើញវិជ្ជមានកូវីដ១៩ នៅថ្ងៃទី១៣ខែមេសាឆ្នាំ២០២១។
បើតាមក្រសួងលោកវង្ស សុខនី បានមកទទួលការចាក់វ៉ាក់សាំងបង្ការកូវីដ១៩ នៅទីស្ដីការក្រសួងផែនការ ក្នុងចន្លោះម៉ោង៣ទៅ៤រសៀល នាថ្ងៃទី៧ ខែមេសា ឆ្នាំ២០២១។ ក្រៅពីពេលវេលាខាងលើនេះ លោកវង្ស សុខនី ពុំដែលមានវត្តមាននៅទីស្ដីការក្រសួងផែនការទេ។
ក្រសួងផែនការសូមជូនដំណឹងដល់លោកលោកស្រី ដែលធ្លាប់ប្រាស្រ័យទាក់ទងជាមួយនឹងអ្នកជំងឺវង្ស សុខនី ផ្ទាល់ត្រូវទៅយកសំណាកនៅតាមទីតាំងដែលក្រសួងសុខាភិបាលបានកំណត់ក្នុងនោះរួមមានមន្ទីរពេទ្យខ្មែរសូវៀត មណ្ឌលសុខភាពចាក់អង្រែក្រោម វិទ្យាល័យបាក់ទូក វិទ្យាល័យបឹងត្របែកនិងសាលាបឋមសិក្សាសុភមង្គល ព្រមទាំងដាក់ខ្លួនឲ្យនៅដាច់ដោយឡែករយៈពេល១៤ថ្ងៃ។
ចំពោះអ្នកពាក់ព័ន្ធដោយប្រយោជន៍សូមមេត្តាធ្វើចត្តាឡីស័កនៅផ្ទះ១៤ថ្ងៃ និងតាមដានសុខភាពខ្លួនឯងដោយគោរពតាមវិធានសុវត្ថិភាពរបស់ក្រសួងសុខាភិបាល៕
ដោយ ៖ សំអឿន
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ