ព័ត៌មានជាតិ
មេខ្យល់៣នាក់ នាំពលករឆ្លងដែន១១នាក់ ទៅប្រទេសថៃ ដោយម្នាក់យក៦០០០បាត ត្រូវ អាវុធហត្ថឃាត់ខ្លួន
មេខ្យល់៣នាក់ នាំពលករឆ្លងដែន១១នាក់ ទៅប្រទេសថៃ ដោយខុសច្បាប់ ត្រូវកម្លាំងអាវុធហត្ថឃាត់ខ្លួនបញ្ជូនទៅតុលាការដាក់ទោសទៅតាមផ្លូវច្បាប់។ ការឃាត់ខ្លួនពលករនេះ កាលពីវេលាម៉ោង១យប់រំលងអធ្រាត្រចូលថ្ងៃទី២២ ខែមេសា ឆ្នាំ២០២១ នៅចំណុច TV12001-99225 ស្ថិតក្នុងភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ។
អាវុធហត្ថបានប្រាប់ឲ្យដឹងថា នៅយប់ថ្ងៃទី២១កម្លាំងចម្រុះ មានកងទ័ព កងរាជអាវុធហត្ថ និងកម្លាំងនគរបាល ដែលឈរជើងតាមបន្ទាត់ព្រំដែនខ្មែរ ថៃ បានចុះល្បាតស្រាប់តែប្រទះមនុស្សបម្រុងលួចឆ្លងដែនទៅប្រទេសថៃចំនួន១៤នាក់ ក្នុងនោះមានមេខ្យល់ចំនួន៣នាក់ ពលករចំនួន១១នាក់មានកុមារ២នាក់ផងដែរ។ លោក វរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសអាវុធហត្ថខេត្តបានឲ្យដឹងថា ដោយទទួលបានការអនុញ្ញាតពីលោក ឧត្តមសេនីយ៍ត្រី បោនប៊ិន មេបញ្ជាការកងរាជអាវុធហត្ថខេត្ត លោកបានឲ្យកម្លាំងការិយាល័យបង្ក្រាបការជួញដូរមនុស្សធ្វើការសួរចម្លើយដល់ជនរងគ្រោះទាំង១១នាក់ ពួកគាត់បានឆ្លើយសារភាពដូចៗគ្នាថា មានមេខ្យល់ចំនួន៣នាក់ ១ឈ្មោះផៃ ធី ភេទប្រុស អាយុ៤១ឆ្នាំ ២ឈ្មោះសាំ អៀន ភេទប្រុស អាយុ៤៧ឆ្នាំ ៣អ៊ូ សុខា ភេទប្រុស អាយុ៣៤ឆ្នាំ ទូរសព្ទមកទំនាក់ទំនងមកពួកគាត់ថានឹងនាំពលករទាំង១១នាក់ចេញទៅប្រទេសថៃ បានដោយក្នុង១នាក់ ត្រូវបង់លុយឲ្យពួកគេចំនួន៦ពាន់បាត បន្ទាប់ពីបានឯកភាពគ្នាហើយ ណាត់ថ្ងៃចេញដំណើរ។ លុះនៅថ្ងៃទី២១ ខែមេសា ឆ្នាំ ២០២១ មេខ្យល់ទាំង៣នាក់មកតាមការណាត់ ហើយមានម៉ូតូចាំទទួលដឹកពួកគេពីកន្លែងដីពុះឡូតិ៍មួយកន្លែងក្នុងខេត្តសៀមរាប ហើយវាងទៅតាមផ្លូវលំចំណុចផ្សារកំពង់ថ្កូវ ស្រុកក្រឡាញ់ ខេត្តសៀមរាម ហើយឡើងជិះរថយន្តបន្ត មកចេញនៅចំណុចស្រុកភ្នំស្រុក ខេត្តបន្ទាយមានជ័យ ដើម្បីគេចពីសមត្ថកិច្ចដែលឈរជើងបិទផ្លូវខេត្តនៅចំណុចស្ពានតាប៉ុន ស្រុកព្រះនេត្រព្រះហើយបានធ្វើដំណើររហូតដល់ចំណុចវាលស្រែមួយកន្លែង ស្ថិតក្នុងភូមិកូនដំរីម្ចាស់រថយន្ត បានដាក់ពួកគាត់នៅទីនោះដោយប្រាប់ថា បន្តិចទៀតមានគេមកយកបន្តហើយ។ រហូតដល់ថ្ងៃរសៀលស្រាប់តែឃើញរថយន្តដដែល មកដឹកពួកគាត់ទៅស្រុកម៉ាឡៃហើយ មានបុរសម្នាក់ទៀតមកចាំនាំផ្លូវពួកគាត់ដើរកាត់បម្រុងឆ្លងទៅប្រទេសថៃ ពេលដើរបានប្រហែល៥០ម៉ែត្រ ស្រាប់តែមានសមត្ថកិច្ចចាប់ពួកគាត់បានតែម្ដង។
ចំណែកមេខ្យល់ទាំង៣នាក់ ក្រោយពីសមត្ថកិច្ចសាកសួរ បានឆ្លើយសារភាពថា ពួកគេពិតជាបានជូនពលករទាំងអស់ដើម្បីចេញទៅប្រទេសថៃពិតប្រាកដមែន។
ជនសង្ស័យទាំង៣នាក់ ត្រូវបានកម្លាំងការិយាល័យប្រឆាំងការជួញដូរមនុស្សអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ចំណែកជនរងគ្រោះចំនួន១១ ក្នុងនោះកុមារចំនួន២នាក់ផងនោះ ត្រូវបានបញ្ជូនទៅធ្វើចត្តាឡីស័ក នៅមណ្ឌលចត្តាឡីស័កកម្រិត២(QC2)ថ្នាក់ខេត្តកងវ៉ា ក្នុងក្រុងសិរីសោភ័ណផងដែរ៕
អត្ថបទ៖ វ៉ាន់ ណាង
ស្វាយរៀងខាប់លើកទី៦រកឃើញក្រុមប៉ះគ្នាវគ្គ១៦ក្រុមចុងក្រោយ
លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ