Connect with us

ព័ត៌មានជាតិ

លោកស្រី ឱ វណ្ណឌីន បង្ហាញអារម្មណ៍ ពិបាកទទួលយកបាន

បានផុស

នៅ

លោកស្រី ឱ​ វណ្ណឌីន​ ជារដ្ឋលេខាធិការ និងជាអ្នកនាំពាក្យក្រសួងសុខាភិបាល បានមានប្រសាសន៍ប្រាប់ កម្ពុជាថ្មី ថា ពេលខ្លះលោកស្រី​មានអារម្មណ៍ពិបាកទទួលយកបាននូវករណីឆ្លងមេរោគកូវីដ-១៩ទៅ មនុស្សចាស់ និងកុមារតូចៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី មានប្រសាសន៍ថា៖ “ខ្ញុំក៏ពិបាកដែរ ពេលខ្លះអារម្មណ៍យើងក៏ពិបាកទទួលយក នៅពេលប្រជាពលរដ្ឋចេញក្រៅ ហើយឆ្លងជំងឺកូវីដ ហើយគាត់ទៅផ្ទះគាត់ គាត់ចម្លងមេរោគទៅឪពុកម្ដាយចាស់ៗ ជាពិសេសចម្លងទៅកូនតូចៗ”។

លោកស្រី មានប្រសាសន៍ដោយខំទប់អួលដើមកថា៖ “យើងគិតមើលទៅ កុមារតូចមួយអាយុ៤ឆ្នាំ អាយុ៦ឆ្នាំ គ្នាតូចមែនទែន គ្នាអត់ដឹងអីទេ ហើយគ្នាឆ្លងជំងឺហ្នឹងដែរ។ ហើយសួរថា តើវាជាសោកនាដកម្មនៅក្នុងគ្រួសារកម្រិតណា? នៅពេលខ្លួនឯងបាននាំយកវីរុសកូវីដ-១៩ មកចម្លងក្នុងគ្រួសាររបស់ខ្លួន”។

លោកស្រី ឱ វណ្ណឌីន បានលើកឡើងថា៖ “គេអាចនិយាយថា ដោយសារខ្ញុំអត់ដឹង! ជាការពិតហើយយើងអត់ដឹង បើសិនជាដឹង វាអត់ពិបាកអីទេ យើងដើរទៅសម្លាប់វាតែម្ដង មេរោគកូវីដ-១៩ហ្នឹងអត់ពិបាកទេ យកថ្នាំយកអាល់កុលទៅបាញ់ទៅ មេរោគហ្នឹងងាប់ហើយ”។

លោកស្រី មានប្រសាសន៍បន្តថា៖ “តែដោយសារយើងមិនដឹងថាមេរោគហ្នឹងនៅកន្លែងណា។ អ៊ីចឹងហើយបានយើងត្រូវការពារ កុំឱ្យប៉ះពាល់នឹងមេរោគចង្រៃហ្នឹង។ ឥឡូវយើងឃើញហើយមានការស្លាប់រាល់ថ្ងៃ ហើយបើយើងមិនចូលរួមទប់ស្កាត់ការចម្លងមេរោគហ្នឹងទេ”។

លោកស្រី ឱ វណ្ណឌីន ផ្ដាំផ្ញើថា ប្រសិនជាយើងរួមគ្នាអនុវត្តវិធានការ៣កុំ៣ការពារ នាំឱ្យបុគ្គលគ្រប់រូបមានសុខភាពល្អ នោះក្រុមគ្រួសារក៏មានសុខភាពល្អ ព្រោះបើគ្រប់បុគ្គលអត់មានកើតជំងឺកូវីដ-១៩ នឹងមិនមានអ្នកណាចម្លងមេរោគចូលគ្រួសារ ចូលសហគមន៍ទៀតបានដែរ។

គិតត្រឹមថ្ងៃទី២៣ ខែមេសានេះ កម្ពុជារកឃើញករណីវិជ្ជមានកូវីដ-១៩ថ្មី ឆ្លងក្នុងសហគមន៍ចំនួន ៦៥៤នាក់ និងករណីនាំចូលពីបរទេសចំនួន០១នាក់។ ក្នុងនោះរាជធានីភ្នំពេញចំនួន៥២២នាក់ ខេត្តព្រះសីហនុចំនួន១១៣នាក់ ខេត្តកណ្តាលចំនួន០៥នាក់ ខេត្តតាកែវចំនួន០៥នាក់ ខេត្តកំពង់ចាមចំនួន០៣នាក់ បន្ទាយមានជ័យចំនួន០១នាក់ ក្រុងកែបចំនួន០៣នាក់ ខេត្តមណ្ឌលគីរីចំនួន០១នាក់ ខេត្តត្បូងឃ្មុំចំនួន០១នាក់ ខេត្តកំពង់ស្ពឺចំនួន០១នាក់។

ករណីឆ្លងសរុបចំនួន ៨,៨៤៨នាក់ ករណីនាចូលពីបរទេសសរុបចំនួន៥៤៧នាក់ ករណីឆ្លងជាសហគមន៍ព្រឹត្តិការណ៍២០កុម្ភៈសរុបចំនួន ៨,៣០១នាក់ ករណីជាសះស្បើយចំនួន ៣,១៤៨នាក់ ករណីកំពុងព្យាបាលចំនួន ៥,៦៣៣នាក់ ករណីអ្នកស្លាប់ចំនួន ៦១នាក់៕

អត្ថបទ​៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២៣ នាទី មុន

ស្វាយរៀងខាប់លើកទី៦រក​ឃើញក្រុមប៉ះគ្នាវគ្គ១៦ក្រុមចុងក្រោយ

ព័ត៌មានអន្ដរជាតិ១ ម៉ោង មុន

លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់

បច្ចេកវិទ្យា១៦ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៦ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៧ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

Sokha Hotels

ព័ត៌មានពេញនិយម