អាជ្ញាធរខេត្តមណ្ឌលគិរីសម្រេចបិទភូមិអូរស្ពានជាបណ្ដោះអាសន្ន

អាជ្ញាធរខេត្តមណ្ឌលគិរី បានសម្រេចបិទខ្ទប់ជាបណ្ដោះអាសន្នមួយផ្នែកនៃភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ដែលមានប្រជាពលរដ្ឋមានវិជ្ជមានកូវីដ-១៩ ពាក់ព័ន្ធនឹង “ព្រឹត្តិការណ៍សហគមន៍ ២០ កុម្ភៈ”។

យោងតាមសេចក្តីជួនដំណឹងរបស់រដ្ឋបាលខេត្តមណ្ឌលគីរីនៅថ្ងៃទី២៣ ខែមេសានេះបានឱ្យដឹងថា ភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ត្រូវបានបិទខ្ទប់ជាបណ្ដោះអាសន្នមួយផ្នែក ចាប់ពីចំណុចផ្លូវបេតុងអាមេ (3MK25) ផ្នែកខាងលើមន្ទីរពេទ្យខេត្តចូលទៅក្នុងតាមផ្ទះសំណាក់សារិការហូតដល់ផ្លូវចេញទល់មុខម៉ូតែលរស្មីពេជ្រ និងច្រកផ្លូវតូចផ្សេងៗទៀតដែលតភ្ជាប់ពីផ្លូវជាតិលេខ៧៦ ទៅកាន់ផ្លូវបេតុងអាមេ (3MK25) ខាងក្នុងដែលមានប្រជាពលរដ្ឋមានវិជ្ជមានកូវីដ-១៩ ពាក់ព័ន្ធទៅនឹងព្រឹត្តិការណ៍សហគមន៍ ២០ កុម្ភៈ ចាប់ពីថ្ងៃទី២៣ ខែមេសា ឆ្នាំ២០២១រហូតដល់ការជូនដំណឹងឡើងវិញ៕

អត្ថបទ៖ សំអឿន