ព័ត៌មានជាតិ

បុរសជនជាតិខ្មែរម្នាក់ ស្លាប់នៅស្រុកបាទីមិនមែនស្លាប់ដោយសារជំងឺកូវីដ១៩ទេ

បានផុស

៣ years មុន

នៅ

ថ្ងៃសៅរ៍ ២៤ មេសា ២០២១

ដោយ

មន្ទីរសុខាភិបាលខេត្តតាកែវបានអះអាងថា បុរសជនជាតិខ្មែរម្នាក់ អាយុ៣៨ឆ្នាំ រស់នៅភូមិជ្រោងល្ពៅឃុំក្រាំងធ្នង់ ស្រុកបាទី ខេត្តតាកែវ ដែលបានស្លាប់នៅវេលាម៉ោង៧និង១៧នាទីព្រឹក ថ្ងៃទី២៤ខែមេសា ឆ្នាំ២០២១ មិនមែនស្លាប់ដោយសារជំងឺកូវីដ១៩ទេ។

តាមសេចក្តីជូនដំណឹងរបស់មន្ទីរសុខាភិបាលខេត្តតាកែវនៅថ្ងៃនេះបានឲ្យដឹងថា បន្ទាប់ពីទទួលបានដំណឹងមរណភាពរបស់បុរសខាងលើភ្លាមមន្ទីរបានចាត់ក្រុមការងារឆ្លើយតបបន្ទាន់

ចុះអង្កេតស្រាវជ្រាវករណីមរណភាពទៅលើបុរសនោះភ្លាម។

បុរសដែលស្លាប់នោះជាបុរសពោះម៉ាយរស់នៅជាមួយឪពុកម្ដាយបង្កើត។ គាត់ចូលចិត្តទទួលទានស្រាជាប្រចាំនិងមានជំងឺប្រចាំកាយយូរឆ្នាំកន្លងមកហើយ។ ផ្អែកលើការពិនិត្យសាកសពរបស់គាត់មានសភាពធាត់ហើមដូចជាអ្នកញៀនស្រាមានកង្វះជីវជាតិប្រូតេអ៊ីនចំណែករាងកាយរបស់គាត់ពុំមានអ្វីគួរឲ្យកត់សម្គាល់ទេ។

ក្រុមឆ្លើយតបបន្ទាន់ការិយាល័យសុខាភិបាលស្រុកប្រតិបត្តិបាទីបានយកសំណាក់តាមរយៈច្រមុះដើម្បីធ្វើតេស្តរហ័សរកកូវីដ១៩ ជាលទ្ធផលអវិជ្ជមានព្រមទាំងបានយកសំណាកធ្វើតេស្តទៅលើសមាជិកក្រុមគ្រួសារនៃសពទាំង៩នាក់ក៏លទ្ធផលអវិជ្ជមានទាំងអស់។ តាមការសន្និដ្ឋានលើបុរសដែលទទួលមរណភាពនោះគឺដោយសារជំងឺរ៉ាំរ៉ៃនិងញៀនស្រា៕

ដោយ ៖ សំអឿន