ព័ត៌មានជាតិ
ផ្ទុះកូវីដ១៩ បិទខ្ទប់ទីតាំងផ្ទះវៀតណាមជាង៧០០ គ្រួសាក្នុងភូមិឆ្នុកទ្រូ ខេត្តកំពង់ឆ្នាំង
អាជ្ញាធរខេត្តកំពង់ឆ្នាំង នៅរសៀលថ្ងៃទី ២៦ ខែមេសានេះ បានសម្រេចបិទខ្ទប់តំបន់ផ្ទះជនជាតិវៀតណាម ជាង ៧០០ គ្រួសារជាបណ្តោះអាសន្ន ស្ថិតនៅក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ដើម្បីទប់ស្កាត់ការឆ្លងរាលដាលជំងឺកូវីដ១៩។
ការចេញវិធានការបិទខ្ទប់បែបនេះ កើតមានឡើងបន្ទាប់ពីរកឃើញវិជ្ជមានជំងឺកូវីដ១៩ថ្មីចំនួន ៣ នាក់នៅម៉ោង ១០ ព្រឹកថ្ងៃទិ ២៦ ខែមេសានេះ នៅក្នុងគ្រួសារជនជាតិវៀតណាមរស់នៅក្នុងភូមិឆ្នុកទ្រូ ឃុំឆ្នុកទ្រូ ដែលមាន ១ឈ្មោះ វៀងយ៉ាំងហៀង ជាប្ដីអាយុ ៥២ ឆ្នាំ ឈ្មោះ តុង ធីគា ជាប្រពន្ធអាយុ ៤៨ ឆ្នាំ និង ឈ្មោះ តុងធីអៀង ភេទស្រី ជាក្មួយអាយុ ១០ ឆ្នាំ។
មេឃុំឆ្នុកទ្រូ លោក សាំង គឹមស៊ន បានឱ្យដឹងថា ការរកឃើញអ្នកទាំង៣នាក់ខាងលើ បន្ទាប់ពីកូនរបស់គ្រួសារខាងលើ ឈ្មោះ ជិនធី ហឿង ភេទស្រី អាយុ២៧ឆ្នាំ ជាកម្មករនៅព្រែកប្រា បានចូលមកឃុំឆ្នុកទ្រូ កាលពីថ្ងៃទី ២០ ខែមេសា ហើយត្រូវបានអាជ្ញាធរនាំនាងទៅធ្វើចត្តាឡីស័កនៅមណ្ឌលចត្តាឡីស័កស្រុកបរិបូណ៌ ហើយបានតេស្តឃើញវិជ្ជមានកូវីដ១៩នៅថ្ងៃទី ២៥ ខែមេសាម្សិលមិញ។
ដោយឡែកអ្នកប៉ះពាល់ផ្ទាល់ និងប្រយោលជាមួយអ្នកមានវិជ្ជមាន៣នាក់ខាងលើ គឺនៅមានចំនួន ២៩ នាក់ផ្សេងទៀត ដែលក្រុមគ្រូពេទ្យបានធ្វើតេស្តលើកទី១ តាមឧបករណ៍ថ្មី ដែលក្រសួងសុខាភិបាលបានអនុញ្ញាតនៅក្នុងទីតាំងផ្សារថ្មីរបស់ឃុំឆ្នុកទ្រូ នៅព្រឹកថ្ងៃទី ២៦ ខែមេសា នេះហើយទទួលបានលទ្ធផលអវិជ្ជមាន ប៉ុន្តែត្រូវនាំទៅធ្វើចត្តាឡីស័កនៅមណ្ឌលចត្តាឡីស័កស្រុកបរិបូណ៌។
ចំណែកអ្នកវិជ្ជមានទាំង៣ ក្រុមគ្រូពេទ្យបានដឹកនយកទៅសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំងនៅរសៀលថ្ងៃទី ២៦នេះ។
អាជ្ញាធរស្រុកបរិបូរណ៍ក៏អំពាវនាវដល់ប្រជាពលរដ្ឋនៅគ្រប់មូលដ្ឋានពិសេសភូមិឆ្នុកទ្រូឃុំឆ្នុកទ្រូ មេត្តាប្រុងប្រយ័ត្នឲ្យបានខ្ពស់គឺត្រូវអនុវត្តវិធានការ ៣ កុំនឹង ៣ ការពារឲ្យបានម៉ឺងម៉ាត់ ដើម្បីកុំឲ្យរាលដាលជំងឺកូវីដ១៩ ចូលក្នុងសហគមន៍។
ខេត្តកំពង់ឆ្នាំគិតត្រឹមម៉ោង ១២ ថ្ងៃទី ២៦ ខែមេសា មានអ្នកវិជ្ជមានកូវីដ១៩ ចំនួន ១០នាក់ ហើយកំពុងសម្រាកព្យាបាលនៅមន្ទីរពេទ្យបង្អែកខេត្ត៕ អត្ថបទ៖ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ