ព័ត៌មានជាតិ
ច្រានចោល ករណីស្លាប់បុរសឥណ្ឌូណេស៊ីនៅប៉ោយប៉ែតដោយសារជំងឺកូវីដ១៩
រដ្ឋបាលក្រុងប៉ោយប៉ែតខេត្តបន្ទាយមានជ័យ បានធ្វើការច្រានចោលព័ត៌មានលើបណ្តាញសង្គមហ្វេប៊ុកមួយដែលថាបុរសជនជាតិឥណ្ឌូនេស៊ីឈ្មោះ ជូហាន សូសាន់តូ បានស្លាប់ដោយសារជំងឺកូវីដ១៩។
យោងតាមសេចក្តីជូនដំណឹងរបស់រដ្ឋបាលក្រុងប៉ោយប៉ែតនៅថ្ងៃទី២៦មេសានេះបានឲ្យដឹងថា ថ្មីៗនេះមានគណនីហ្វេសប៊ុកមួយឈ្មោះបារាំងកុលបុត្រខ្មែរ បានធ្វើការផ្សព្វផ្សាយព័ត៌មានថា «បិតា២៣មេសាឆ្នាំ២០២១ក្រុងប៉ោយប៉ែតអស់សួតហើយគាត់បានមរណភាពបញ្ជាក់គាត់អ្នកកើតមុនគេទាំងអស់ក្រុងប៉ោយប៉ែត» ដោយមានភ្ជាប់ជាមួយរូបភាពបុរសជនជាតិឥណ្ឌូណេស៊ីឈ្មោះជូហានសូសាន់តូ និងរូបថតដែលមានការខូចខាតសួតដោយជំងឺកូវីដ១៩ផងដែរ។
រដ្ឋបាលក្រុងប៉ៅយប៉ែតបានបញ្ជាក់ថា «ករណីនេះរដ្ឋបាលក្រុងប៉ោយប៉ែតសូមធ្វើការបដិសេធទាំងស្រុងជាព័ត៌មានមិនពិតនិងផ្សព្វផ្សាយគ្មានមូលដ្ឋានអំណះអំណាងបញ្ជាក់ពីអង្គភាពជំនាញច្បាស់លាស់ ដែលបង្កឱ្យមានភាពចលាចលក្នុងសង្គមតែប៉ុណ្ណោះ»។
បើតាមរដ្ឋបាលក្រុងប៉ោយប៉ែត យោងតាមរបាយការណ៍របស់ការិយាល័យសុខាភិបាលស្រុកប្រតិបត្តិប៉ោយប៉ែតបានឲ្យដឹងថា ស្ថានភាពជំងឺរបស់បុរសជនជាតិឥណ្ឌូនេស៊ីឈ្មោះជូហានសូសាន់តូនៅពេលនេះ មានសុខភាពល្អប្រសើរធម្មតានិងកំពុងសម្រាកព្យាបាលនៅមណ្ឌលសុខភាពប៉ោយប៉ែត១នៅឡើយ។ អាស្រ័យហេតុនេះសូមសាធារណជននិងបងប្អូនប្រជាពលរដ្ឋក្រុងប៉ោយប៉ែតមេត្តាជ្រាបជាព័ត៌មាន និងស្នើដល់សមត្ថកិច្ចជំនាញធ្វើការថ្វាយរកបុគ្គលដែលផ្សព្វផ្សាយព័ត៌មានមិនពិតខាងលើដើម្បីយកមកអនុវត្តតាមនីតិវិធីច្បាប់៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ