គិត​ត្រឹម​ថ្ងៃ​នេះ ខេត្តស្វាយរៀង​កើន​អ្នក​ឆ្លង​​កូវីដ១៩ ​ដល់ ៣១៤ ​នាក់​

លោកកែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី២៦មេសានេះថា គិតត្រឹមថ្ងៃ​ទី​២៥​ខែ​មេសានេះ មានអ្នកឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កម្ភៈ កើនឡើងដល់ចំនួន៣១៤នាក់ហើយក្នុងចំណោម​ពលរដ្ឋដែលបានយកសំណាកទៅធ្វើតេស្ត ៤៤៤៥នាក់។

ក្នុងចំណោមអ្នកជំងឺកូវីដ១៩ចំនួន៣១៤នាក់  ស្រី១២៦នាក់ក្នុងនោះមានជនជាតិខ្មែរចំនួន២៧៨នាក់និងជនជាតិបរទេសចំនួន35 នាក់។

មាន​មន្ទីរពេទ្យនិង​មណ្ឌល​ព្យាបាល​ចំនួន៣ ដែល​អ្នកជំងឺកំពុងសម្រាកព្យាបាល។ ទី១មន្ទីរពេទ្យបង្អែកស្រុកស្វាយជ្រំ ទី២ មន្ទីរពេទ្យបង្អែកសាមគ្គី​រំដួល និងមណ្ឌលព្យាបាលជំងឺកូវីដ១៩ក្រុងបាវិត។

អ្នកជំងឺជាសះស្បើយសរុបចំនួន១៤៩នាក់ ស្រី៦៦នាក់ និងមានអ្នកជំងឺស្លាប់ចំនួន៤នាក់ ស្រី១នាក់។ ទាក់ទិននឹងការយកសំណាកវិញ លោកបណ្ឌិតកែរ រដ្ឋា បានឲ្យដឹងថាក្នុងព្រឹត្តិការណ៍សហគមន៍២០កម្ភៈនេះក្រុមការងារម្ទីរសុខាភិបាលខេត្តបានយកសំណាកទៅពិនិត្យរកជំងឺកូវីដ១៩ចំនួន៤៤៤៥នាក់ក្នុងនោះលើកទី១ចំនួន២៥៨១នាក់ស្រី៩៤៦នាក់។លើកទី២ចំនួន១៧៧១នាក់ ស្រី៦៧០នាក់។លើកទី៣ចំនួន១៦នាក់ស្រី៩នាក់និងយកសំណាកតាមដានអ្នកជំងឺសម្រាកពេទ្យបានចំនួន៧៧នាក់ ស្រី ២៨៕

អត្ថបទ៖ សំអឿន