ព័ត៌មានជាតិ
ក្រុមការងារចុះទប់ស្កាត់ទំនិញខូចគុណភាព និងមានសារធាតុគីមីហាមឃាត់
ខេត្តឧត្តរមានជ័យ៖ នៅថ្ងៃទី២៦ ខែមេសា ឆ្នាំ២០២១ សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប.) ខេត្តឧត្តរមានជ័យ សហការជាមួយមន្ទីរពាណិជ្ជកម្មខេត្ត និងអាជ្ញាធរដែនដីបានចុះប្រតិបត្តិការណ៍ការងារចុះតាមដាន និងស្រង់តម្លៃទំនិញ ផ្សព្វផ្សាយអំពីគុណភាព សុវត្ថិភាពម្ហូបអាហារ និងធ្វើការត្រួតពិនិត្យទំនិញដែលជាគ្រឿងឧបភោគបរិភោគនៅផ្សារគោកមន មានទីតាំងនៅភូមិគោកមន ឃុំគោកមន ស្រុកបន្ទាយអំពិល ខេត្តឧត្តរមានជ័យ។
គោលបំណងនៃការត្រួតពិនិត្យ គឺដើម្បីស្រាវជ្រាវទប់ស្កាត់ការចរាចរណ៍ទំនិញខូចគុណភាព និងមានសារធាតុគីមីហាមឃាត់ ដែលធ្វើឱ្យប៉ះពាល់ដល់សុខភាពប្រជាពលរដ្ឋ និងដើម្បីទប់ស្កាត់ការលក់ដំឡើងថ្លៃទំនិញដែលធ្វើឱ្យប៉ះពាល់ដល់ផលប្រយោជន៍សេដ្ឋកិច្ចរបស់អ្នកប្រើប្រាស់ក្នុងតំណាក់កាលនៃការរីករាលដាលនៃជម្ងឺកូវីដ-១៩។
ក្នុងការចុះត្រួតពិនិត្យនេះក្រុមការងារបានតាមដាន និងស្រង់តម្លៃទំនិញ ត្រួតពិនិត្យទំនិញវេចខ្ចប់រួចជាស្រេច និងធ្វើតេស្តបឋមលើផលិតផលទំនិញបានចំនួន០៥គំរូ រួមមាន ម៊ឹក ប្រហិតសាច់គោ ប្រហិតសាច់ជ្រូក ត្រីងៀតត្រីរ៉ស់ និងសណ្ដែកបណ្ដុះ ដើម្បីរកសារធាតុគីមីហាមឃាត់។
ជាលទ្ធផល៖
១- ពុំមានការលក់តម្លើងថ្លៃទំនិញដែលគួរឱ្យកត់សម្គាល់ឡើយ និងណែនាំឱ្យអាជីវករទាំងអស់កុំឆ្លៀតឱកាសលក់ដំឡើងថ្លៃទំនិញហួសហេតុដែលធ្វើឱ្យប៉ះពាល់ផលប្រយោជន៍អ្នកប្រើប្រាស់។
២- បានដកហូតទំនិញដែលហួសកាលបរិច្ឆេទប្រើប្រាស់បានចំនួន ៩,៩៣ គីឡូក្រាម យកមករក្សាទុកនៅសាខា ក.ប.ប ខេត្ត ដើម្បីកម្ទេចចោលនៅពេលក្រោយ ដែលក្នុងនោះមាន៖
– ខ្ទិះដូងកំប៉ុង ចំនួន ២២កំប៉ុង ស្មើនឹង ៨,៨ លីត្រ
– ទឹកដោះគោស្រស់ ចំនួន ០៥ប្រអប់ ស្មើនឹង ១,១៣លីត្រ។
ក្រៅពីនោះក្រុមការងារបានបិទ និងផ្សព្វផ្សាយ ផ្ទាំងរូបភាព(Poster) បានចំនួន ៤០ផ្ទាំង និងពន្យល់ណែនាំដល់អាជីវករឱ្យយល់ដឹង និងអនុវត្តទៅតាមច្បាប់ ស្ដីពីការគ្រប់គ្រងគុណភាព សុវត្ថិភាព ផលិតផលទំនិញ និងសេវា ដើម្បីជៀសវាងបង្កផលប៉ះពាល់ដល់សុខភាពប្រជាពលរដ្ឋ ដែលអាចប្រឈមចំពោះមុខច្បាប់៕
ដោយ៖ ចាន់ ធី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ