ព័ត៌មានជាតិ
ស្ត្រីម្នាក់កំពុងព្រោះស្រូវពេលមេឃកំពុងភ្លៀង ត្រូវរន្ទះបាញ់ស្លាប់មួយរំពេច
បាត់ដំបង ៖ ស្ត្រីម្នាក់កំពុងតែព្រោះស្រូវនៅលើភ្លឺស្រែ ស្រាប់តែរន្ទះបាញ់ចំបណ្ដាលឲ្យស្លាប់ភ្លាមៗនៅនឹងកន្លែង បើតាមសំដីអ្នកក្នុងភូមិក្បែរកន្លែងកើតហេតុបានឲ្យដឹង។
នគរបាលបានប្រាប់ឲ្យដឹងដែរថា គ្រោះថ្នាក់ធម្មជាតិនេះបានកើតឡើងនៅជិតវេលាម៉ោង១២និង០០នាទីថ្ងៃត្រង់ ថ្ងៃទី២៧ ខែមេសា ឆ្នាំ២០២១ នៅត្រង់ចំណុចបឹងខ្ទំ ក្នុងភូមិព្រៃទទឹង ឃុំបាយដំរ៉ាំ ស្រុកបាណន់ ខេត្តបាត់ដំបង។
សមត្ថកិច្ចបន្តថា មុនកើតហេតុស្ត្រីរងគ្រោះបានទៅព្រោះស្រូវនៅក្បែរភូមិជាមួយនឹងប្តីចៃដន្យក៏ត្រូវមេឃធ្លាក់ភ្លៀងមួយមេស្របពេលដែលប្តីកំពុងអង្គុយនៅលើគោយន្តស្ត្រីជនរងគ្រោះបានឈរនៅក្បែរគ្នាចំងាយប្រមាណ១.៥០ម៉ែត្រ ក៏ត្រូវរន្ទះភ្លើងបាញ់ស្រោចមកលើខ្លួនស្ត្រីរងគ្រោះបណ្តាលឲ្យស្លាប់ភ្លាមៗនៅនឹងកន្លែងតែម្តង។
ជនរងគ្រោះស្លាប់ឈ្មោះប៉ាក សល់ ភេទស្រី អាយុ៥២ឆ្នាំ ចំណែកឯបុរសជាប្តីមានឈ្មោះឈន ជាអាយុ៥៣ឆ្នាំ ទាំងពីរនាក់រស់នៅក្នុងភូមិឃុំកន្លែងកើតហេតុខាងលើ។ នគរបាលជំនាញភ្លាមៗបានចុះទៅដល់កន្លែងគ្រោះថ្នាក់ ហើយបានធ្វើកោសល្យវិច័យពិនិត្យសាកសពបញ្ជាក់ថា ជនរងគ្រោះពិតជាបានស្លាប់ដោយសាររន្ទះបាញ់ពិតប្រាកដមែន ក៏បានប្រគល់សពទៅឲ្យក្រុមគ្រួសារដើម្បីរៀបចំធ្វើបុណ្យតាមប្រពៃណី៕
ដោយ ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង