ពលរដ្ឋនិងអ្នកដំណើរ ស្នើរឲ្យអាជ្ញាធរជំនាញពន្លឿនជួសជុលផ្លូវ៣៦៩ ខណៈកំពុងកើតមានជង្ហុក

ពលរដ្ឋក៏ដូចជាអ្នកធ្វើដំណើរបានទទូចសំណូមពរ សុំឲ្យមន្ត្រីជំនាញចុះមកជួសជុលផ្លូវដែលមានជង្ហុកចៀសវាងគ្រោះថ្នាក់ដល់អ្នកធើ្វដំណើរឆ្លងកាត់ដោយជាយកថាហេតុដួលបាក់ដៃបាក់ជើងផងដែល។

តាមប្រភពពីលោក ហៀប ថុន ដែលបានធ្វើដំណើរជារៀងរាល់ថ្ងៃបានឲ្យដឹងថា ផ្លូវដែលមានជង្ហុកនោះគឺស្ថិតនៅតាមបណ្តោយផ្លូវ៣៦៩ក្បែងច្រកចូលផ្សារបន្លែច្បារអំពៅក្នុងភូមិកណ្តាលសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។ លោកបានបន្តថាផ្លូវ៣៦៩នេះ ពីមុនមកគឺល្អស្អាតណាស់ប៉ុន្តែក្រោយពីមានការជីកកកាយតបណ្តាញផ្សេងៗមកបែរជាទៅជាជង្ហុកស្ទើរគ្រប់កន្លែងដោយពុំបានជួសជុលឲ្យល្អដូចដើមឡើយ។

ពលរដ្ឋបានសំណូមពរដ៏ទទូចសុំឲ្យអាជ្ញាធរជួយអន្តរាគមន៍ទៅផ្នែកជំនាញឲ្យមកជួសជុលឬក៏ទុកឲ្យគ្រោះថ្នាក់ដល់អ្នកដំណើរ។

ទាក់ទិនទៅនិងបញ្ហាខាងលើនេះលោក យុិន វុធ ចៅសង្កាត់ច្បារអំពៅទី២ បានប្រាប់ឲ្យកម្ពុជាថ្មីដឹងនៅថ្ងៃទី២១នេះថា ផ្លូវដែលរងការខូចខាតនេះគឺក្រុមជំនាញតបណ្តាញទឹកស្អាតលោកបានចុះមកការដ្ឋានជួសជុលទុយោដែលធ្លាយក្រោមផ្លូវ៣៦៩នេះ។ ហើយអាជ្ញាធរសង្កាត់ក៏បានស្នើរឲ្យក្រុមជំនាញតបណ្តាញមកជួសជុលនៅទីតាំងដែលបានជីកចៀសវាងទុកចោលនាំឲ្យគ្រោះថ្នាក់ដល់អ្នកដំណើរសឹងរាល់ថ្ងៃនេះ៕អត្ថបទ៖នរា