ព័ត៌មានជាតិ
វ៉ាក់សាំងស៊ីណូវ៉ាក់ ១លានដូសទៀតនឹងមកដល់កម្ពុជាដើមខែក្រោយនេះ
រាជរដ្ឋាភិបាលកម្ពុជាបានបញ្ជាទិញវ៉ាក់សាំងការពារជំងឺកូវីដ១៩ ស៊ីណូវ៉ាក់ពីប្រទេសចិនចំនួន ១ លានដូសបន្ថែមទៀត ដើម្បីចាក់ជូនប្រជាពលរដ្ឋកម្ពុជា ក្នុងពេលដែលកម្ពុជាកំពុង ប្រឈមនឹងការរីករាលដាលនៃជំងឺកូវីដ១៩។
លោកស្រី យក់ សម្បត្តិ រដ្ឋលេខាធិការក្រសួងសុខាភិបាលបានប្រាប់ឱ្យដឹងនៅព្រឹកថ្ងៃទី ២៩ ខែមេសា នេះថា វ៉ាក់សាំងស៊ីណូវ៉ាក់ នឹងមកដល់កម្ពុជានៅថ្ងៃទី ១១ ខែឧសភាក្រោយនេះ បន្ទាប់ពីសាធារណរដ្ឋប្រជាមានិតចិន បានធ្វើការសម្របសម្រួលជាមួយក្រុមហ៊ុន សីុណូវ៉ាក់ និងស៊ីណូហ្វាម យល់ព្រមផ្តល់ការផ្គត់ផ្គង់វ៉ាក់សាំងមកកម្ពុជា។
លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បញ្ជាក់ថា រដ្ឋាភិបាលចិន តាមរយៈស្ថានទូតចិនប្រចាំកម្ពុជា កំពុងប្រឹងប្រែងសម្របសម្រួលអស់លទ្ធភាពធ្វើយ៉ាងណាឱ្យក្រុមហ៊ុនស៊ីណូវ៉ាក់ និងស៊ីណូហ្វាមព្រមផ្គង់វ៉ាក់សាំងតាមរយៈស្ថានទូតចិនប្រចាំកម្ពុជា។
លោកស្រីថា “វ៉ាក់សាំងចិនគឺជាវ៉ាក់យុទ្ធសាស្ត្រ ហើយសម្តេចតេជោ មានប្រសាសន៍ហើយថាកម្ពុជាត្រូវប្រើវ៉ាក់សាំងយុទ្ធសាស្ត្រដើម្បីប្រយុទ្ធប្រឆាំងជំងឺកូវីដ១៩ ដូច្នេះចំណងមិត្តភាពដែកថែបរវាងកម្ពុជាចិនមិនអាចកាត់ផ្តាច់បានទេ ហើយជាពិសេសទៅលើការផ្គត់ផ្គង់វ៉ាក់សាំងគឺកម្ពុជារឹតតែបន្តធ្វើការជាមួយភាគីចិនតទៅទៀត”។
កម្ពុជាកំពុងប្រឈមនឹងការវាយប្រហារដោយមេរោគកូវីដ១៩ ខណៈប្រមុខដឹកនាំរាជរដ្ឋាភិបាល សម្តេចតេជោ ហ៊ុន សែន បានប្រកាសបើកយុទ្ធនាការចាក់វ៉ាក់សាំងស្រោចដល់ប្រជាពលរដ្ឋដើម្បីបន្សុាំអត្រាឆ្លងដែលកំពុងកើនឡើងខ្ពស់រៀងរាល់ថ្ងៃ ដោយផ្តើមចេញពីតំបន់ក្រហមនៅក្នុងរាជធានីភ្នំពេញ។
កម្ពុជាទទួលបានវ៉ាក់សាំងជាង ៤លានដូសរួចមកហើយ តាមរយៈជំនួយនិងការបញ្ជាទិញក្នុងនោះមាន វ៉ាក់សាំងស៊ីណូហ្វាមដែលជាជំនួយរបស់រដ្ឋាភិបាលចិនចំនួន ១,៧លានដូស វ៉ាក់សាំងស៊ីណូវ៉ាក់ដែលទិញពីចិនចំនួន ២លានដូស និងវ៉ាក់សាំងអាស្ត្រាហ្សេនីកាចំនួន ៣២៤,០០០ដូស ជាជំនួយពីគម្រោងកូវ៉ាក់ តាមរយៈអង្គការសុខភាពពិភពលោក។
បើតាមរបាយការណ៍របស់ក្រសួងសុខាភិបាល គិតត្រឹមល្ងាចថ្ងៃទី២៦ ខែមេសា កម្ពុជាបានចាក់វ៉ាក់សាំងដល់ប្រជាពលរដ្ឋបានចំនួនជាង ១.២៩៥.៩៧៣នាក់៕ អត្ថបទ៖សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?