ព័ត៌មានជាតិ
មុខសញ្ញាកាប់ប្លន់ក្នុងស្រុកត្រាំកក់៤នាក់ត្រូវបានឃាត់ខ្លួន
ក្រុមជនសង្ស័យដែលប្រើដាវធ្វើសកម្មភាពកាប់ប្លន់ម៉ូតូបានសម្រេចជាបន្តបន្ទាប់ចំនួន២លើកកាលពីប៉ុន្មានថ្ងៃមុន នៅស្រុកត្រាំកក់នោះ ត្រូវកម្លាំងសមត្ថកិច្ចបង្ក្រាបបានទាំងសម្បុក។
ដោយមានបទបញ្ជាយ៉ាងម៉ឺងម៉ាត់ពីសំណាក់លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ក្នុងការបង្ក្រាបបទល្មើសនានា ក្នុងមូលដ្ឋានកម្លាំងជំនាញនៃអធិការនគរបាលស្រុកត្រាំកក់ បានបង្ក្រាបក្រុមជនសង្ស័យប្រើដាវប្លន់ម៉ូតូបានសម្រេច២ករណីផ្សេងគ្នា និងឃាត់ខ្លួនបាន៤នាក់យកមកកសាងសំណុំរឿងចាត់ការតាមផ្លូវច្បាប់។
សមត្ថកិច្ចនៃអធិការដ្ឋាននគរបាលស្រុកបញ្ជាក់ថា ករណីប្លន់លើកទី១ នៅថ្ងៃទី១៤ ខែមេសា ឆ្នាំ២០២១ ស្ថិតនៅលើផ្លូវជាតិលេខ៣ ក្នុងភូមិចមពល ឃុំពពេល ស្រុកត្រាំកកក់ ប្លន់បានម៉ូតូអ៊ិចសិនទ័រ១គ្រឿង ពណ៌ក្រហមពាក់ផ្លាកលេខ ភ្នំពេញ 1AK 4671 ពីជនរងគ្រោះឈ្មោះ សន មនោរម្យ ភេទប្រុស អាយុ១៧ឆ្នាំ ទីលំនៅភូមិទីប៉ាត់ ឃុំជាងទង។ ករណីប្លន់លើកទី២នៅថ្ងៃទី២១ ខែមេសា ឆ្នាំ២០២១ ភូមិអង្គតាសោម ឃុំអង្គតាសោម ស្រុកត្រាំកក់ ប្លន់បានម៉ូតូម៉ាកអ៊ិចសិនទ័រ១គ្រឿង ពណ៌ខៀវ គ្មានផ្លាកលេខ ជារបស់ជនរងគ្រោះឈ្មោះ ហេង ប្រុសពេជ្រ ភេទប្រុស អាយុ២៧។
សមត្ថកិច្ចបន្តថា ក្រោយកើតហេតុជាបន្តបន្ទាប់នូវករណីប្លន់នេះ កម្លាំងជំនាញស្រុកបានបើកការស្រាវជ្រាវរហូតដល់ថ្ងៃទី២៨ ខែមេសា ឆ្នាំ២០២១ វេលាម៉ោង១៧និង០០នាទីដោយបានសហការជាមួយកម្លាំងជំនាញស្រុកបសេដ្ឋ ខេត្តកំពង់ស្ពឺផងនោះ ជនសង្ស័យជាជនដៃដល់ចំនួន៤នាក់ត្រូវបានចាប់ខ្លួន។
ជនសង្ស័យទី១ឈ្មោះ ព្រំ មួន ភេទប្រុស អាយុ១៧ឆ្នាំ។ ២ឈ្មោះ សោ ម៉េង ភេទប្រុស អាយុ១៧ឆ្នាំ។ ៣ឈ្មោះ សួន បញ្ញា ភេទប្រុស អាយុ១៨ឆ្នាំ ទាំង៣នាក់រស់នៅឃុំពោធិអង្ក្រង ស្រុកបរសេដ្ឋ ខេត្តកំពង់ស្ពឺ។ ទី៤ឈ្មោះ តុប ហុក ភេទប្រុស អាយុ១៨ឆ្នាំ រស់នៅភូមិពេជ្រចង្វារ ឃុំបឹងត្រាញ់ខាងត្បូង ស្រុកសំរោង ខេត្តតាកែវ។
ចំណែកវត្ថុតាងដកហូតបានមានម៉ូតូចំនួន៣គ្រឿង ក្នុងនោះ២គ្រឿងជារបស់ជនរងគ្រោះ និងត្រូវបានប្រគល់ជូនម្ចាស់ដើមវិញក្រោយពិនិត្យឯកសារផ្លូវច្បាប់ត្រឹមត្រូវ។
បច្ចុប្បន្នជនសង្ស័យទាំង៤នាក់ត្រូវបានកម្លាំងជំនាញអធិការស្រុកត្រាំកក់កសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕
អត្ថបទ ៖ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ