សម្ដេច ស ខេង បារម្ភនូវបញ្ហាចំនួនពីរ និងទាមទារឲ្យមានការចូលរួម​
Connect with us
Helistar Cambodia - Helicopter Charter Services

ព័ត៌មានជាតិ

សម្ដេច ស ខេង បារម្ភនូវបញ្ហាចំនួនពីរ និងទាមទារឲ្យមានការចូលរួម​

Published

on

រដ្ឋមន្ត្រីក្រសួងមហាផ្ទៃ បានដាស់តឿនដល់ប្រជាពលរដ្ឋ និងអាជ្ញាធរ ឲ្យរួមគ្នាទប់ស្កាត់ ជំងឺកូវីដ-១៩ និងបញ្ហាគ្រឿងញៀន ដែលកំពុងបង្កបញ្ហាយ៉ាងច្រើន នៅកម្ពុជា។

មានប្រសាសន៍ក្នុងពិធីចុះសួរសុខទុក្ខ និងចែកស្រូវពូជ ជូនប្រជាពលរដ្ឋខ្វះខាត នៅភូមិឈើកាច់ ឃុំឈើកាច់ ស្រុកបាភ្នំ ខេត្តព្រៃវែង នាព្រឹកថ្ងៃព្រហស្បតិ៍ ១២រោច ខែកក្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១២ ខែវិច្ឆិកា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងថា រយៈពេលចុងក្រោយនេះ ជំងឺកូវីដ-១៩ បានកម្រើកឡើងវិញ ដែលជាសញ្ញាទាមទារឲ្យមានការប្រុងប្រយ័ត្ន និងត្រូវអនុវត្តតាមការណែនាំរបស់ក្រសួងសុខាភិបាល។

ជាមួយគ្នានេះ សម្ដេច ស ខេង បានលើកឡើងដែរថា បញ្ហាគ្រឿងញៀន ក៏មានសកម្មភាពខ្លាំងជាងមុនដែរ ដែលបញ្ហានេះ ទាមទារឲ្យមានការចូលរួមពីពលរដ្ឋ ដោយសហការជាមួយអាជ្ញាធរ។

រដ្ឋមន្ត្រីក្រសួងមហាផ្ទៃ បានលើកឡើងថា ពលរដ្ឋត្រូវចេះគ្រប់គ្រងសមាជិកគ្រួសាររបស់ខ្លួន ធ្វើយ៉ាងណា កុំឲ្យពាក់ព័ន្ឋជាមួយគ្រឿងញៀន និងត្រូវរាយការណ៍ប្រាប់ដល់អាជ្ញាធរ នៅពេលឃើញមានសកម្មភាពគ្រឿងញៀន ព្រោះបើមិនទប់ស្កាត់ទាន់ពេលទេ នឹងធ្វើឲ្យសង្គម កាន់តែប្រឈមបញ្ហាអសន្តិសុខកាន់តែច្រើន។

គួរបញ្ជាក់ថា បច្ចុប្បន្នរាជរដ្ឋាភិបាលកម្ពុជា បានដាក់ចេញនូវវិធានការមួយចំនួន ដើម្បីទប់ស្កាត់ការរាលដាលជំងឺកូវីដ-១៩ និងបញ្ហាគ្រឿងញៀន នៅកម្ពុជា តាមរយៈការផ្សព្វផ្សាយ អប់រំ និងការអនុវត្តច្បាប់ជាដើម៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ4 mins ago

ជនជាតិចិន៨នាក់ និងអ្នករត់តាក់ស៊ី២នាក់ រត់ទៅខេត្តកោះកុង តេស្ត​អវិជ្ជ​មាន​កូវីដ១៩​ទាំងអស់

ព័ត៌មានជាតិ10 mins ago

ក្រុមហ៊ុន ប៉េង ហួត គ្រុប បន្ត​ចូលរួម​ឧបត្ថម្ភ​ទឹកប្រាក់​ចំនួន​១០​ម៉ឺន​ដុល្លារ ​ជូន​ដល់​សមាគម​មូលនិធិ​ត្រីចក្រយាន​កម្ពុជា​​

ព័ត៌មានជាតិ23 mins ago

អភិបាលខេត្ត​កោះកុង ស្នើឱ្យ​ឥណ្ឌា​ជួយ​លើកកម្ពស់​វិស័យ​អប់រំ សុខាភិបាល និង​កសិកម្ម​

ព័ត៌មានជាតិ41 mins ago

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ឧបត្ថម្ភ​ស្បៀងអាហារ ប្រេងឥន្ធនៈ និង​ថវិកា​ដល់​សាលា​ពលទាហាន​ទី​៥

ព័ត៌មានជាតិ43 mins ago

ស្ត្រីជា​ម្តា​យនៅ​ខណ្ឌដង្កោ ឆ្លងកូវីដពីកូនប្រុស​ មនុស្ស​៥០០នាក់ ត្រូវ​ធ្វើតេស្តសំណាក

Sokha Hotels

ព័ត៌មានពេញនិយម

Helistar Cambodia - Helicopter Charter Services