ព័ត៌មានជាតិ
មាមីងប្រាប់ថាម្តាយស្លាប់ ថែមទាំងម្ចាស់ផ្ទះដេញពីផ្ទះជួល នារីវ័យ ១៨ ឆ្នាំ ប៉ងលោតទឹកសម្លាប់ខ្លួន លើស្ពានជ្រោយចង្វារ
នារីកម្មកររោងចក្រម្នាក់ បន្ទាប់ពីទទួលដំណឹងពីមាមីងប្រាប់ថា ម្ដាយរបស់ខ្លួនបានស្លាប់ដោយសារជំងឺក្អួតធ្លាក់ឈាម ហើយម្យ៉ាងត្រូវបានម្ចាស់ផ្ទះជួលដេញមិនឲ្យស្នាក់នៅបន្ត ព្រោះគ្មានលុយឲ្យថ្លៃឈ្នួល បានប៉ុនប៉ងលោតទឹកសម្លាប់ខ្លួននៅលើស្ពានជ្រោយចង្វារ តែបានកម្លាំងសមត្ថកិច្ចឃាត់ទាន់ពេលកាលពីរសៀលថ្ងៃទី០២ខែឧសភាឆ្នាំ២០២១។
នារីជាកម្មកររោងចក្រដែលប៉ុនប៉ងលោតទឹកសម្លាប់ខ្លួននោះ ត្រូវបានគេស្គាល់តែឈ្មោះជឿនជឹម អាយុ 18 ឆ្នាំជាកម្មកររោងចក្រនៅម្ដុំផ្សារបែកចាននិងស្នាក់នៅផ្ទះជួលម្ដុំជម្ពូវ័នក្នុងខណ្ឌពោធិសែនជ័យនិងមានស្រុកកំណើតនៅខេត្តព្រះវិហារ។
នារីដែលប៉ុនប៉ងធ្វើអត្តឃាត បានបំភ្លឺប្រាប់សមត្ថកិច្ចថា មូលហេតុដែលខ្លួនចង់បញ្ចប់ជីវិតនេះគឺដោយសារបងប្អូនបានខលប្រាប់ថាម្ដាយរបស់នាងបានស្លាប់ ដោយសារតែកើតជំងឺក្អួតធ្លាក់ឈាម។
ម្យ៉ាងវិញទៀតត្រូវបានបងប្អូនដែលរស់នៅនៅស្រុកតិះដៀលនាងថានៅង៉ាប់ភ្នំពេញចុះ មិនមកមើលម្តាយទុកឲ្យម្តាយឈឺស្លាប់។ ពេលដែលឮមិងមាប្រាប់ដូច្នេះ ធ្វើឲ្យនាងពិបាកចិត្តមិនអាចទៅចូលរួមធ្វើបុណ្យសពឲ្យម្តាយបាន។ ម្យ៉ាងវិញទៀត នាងត្រូវបានខាងម្ចាស់ផ្ទះជួលបណ្តេញចេញពីផ្ទះជួលនៅថ្ងៃនេះតែម្តងព្រោះតែនាងមិនមានលទ្ធភាពបង់ថ្លៃបន្ទប់ជួល ព្រោះតែអត់ការងារនាពេលបិទផ្ទប់កូវីតនេះទៀតទើបនាងបានសម្រេចចិត្តមកស្ពានជ្រោយចង្វារនេះដើម្បីលោតទឹកសម្លាប់ខ្លួនដូច្នេះតែម្តង។
ជាមួយគ្នានោះដែរ នារីដែលប៉ុនប៉ងលោតទឹកសម្លាប់ខ្លួននោះ ត្រូវបានសមត្ថកិច្ចណែនាំកុំឲ្យមានគំនិតចង់សម្លាប់ខ្លួនដូច្នេះតទៅទៀត ត្រូវគិតឲ្យបានវែងឆ្ងាយធ្វើជាមនុស្សកុំអោយគិតខ្លី ត្រូវខំរកលុយរកកាក់ពេលចប់រដូវកាលជំងឺកូវីតនេះទៅនឹងអាចមានលុយកាកទៅធ្វើបុណ្យជូនម្ដាយបានហើយ៕
អត្ថបទ៖ រស្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ