អាវុធហត្ថ​ ដឹក​ជញ្ជូន​ម៉ាស់ ចំនួន២លាន ​ចែក​ជូន​ប្រជាពលរដ្ឋ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

អាវុធហត្ថ​ ដឹក​ជញ្ជូន​ម៉ាស់ ចំនួន២លាន ​ចែក​ជូន​ប្រជាពលរដ្ឋ

Published

on

បន្ទាប់ពីប្រមុខរាជរដ្ឋាភិបាលកម្ពុជា សម្ដេច​អគ្គមហាសេនាបតីតេជោ ហ៊ុន សែន បានប្រកាសនៅ​រសៀល​ថ្ងៃទី១១ ខែវិច្ឆិកា ឆ្នាំ២០២០ បញ្ចេញម៉ាសក្រណាត់ចំនួន២លានម៉ាស ដើម្បីចែកជូនដល់បងប្អូនប្រជា​ពល​រដ្ឋ​នៅ​រាជធានី​ភ្នំពេញ កងរាជអាវុធហត្ថរាជធានីភ្នំពេញ ក្រោមការដឹកនាំរបស់លោក​ឧត្ដមសេនីយ៍​ឯក រ័ត្ន ស្រ៊ាង បានចេញ​ប្រតិបត្តិការ​ភ្លាមៗ។ 
 
​ក្នុង​ប្រតិបត្តិការ​ដឹកជញ្ជូន​ម៉ាស់​នេះ អាវុធហត្ថ​រាជធានី​ភ្នំពេញ បានប្រើប្រាស់កម្លាំងប្រមាណ៦០នាក់ រថយន្ត​ដឹកជញ្ជូន​ធុនធំ ចំនួន៤គ្រឿង ​។

ជាមួយគ្នានោះ អាវុធហត្ថរាជធានីភ្នំពេញ ក៏មិនបាន​ធ្វេសប្រហែស​ក្នុងការចូលរួម​ការពារការរីករាលដាល​នូវជំងឺឆ្លង កូវីដ-១៩ នេះដែរ ដោយទាំងមុននិងក្រោយពេលចេញបំពេញបេសកកម្ម គឺ​លាងដៃនឹង​សាប៊ូ​ជាប់​ជាប្រចាំ បាញ់ថ្នាំសម្លាប់មេរោគលើសម្លៀក បំពាក់ ក៏ដូចជា​សម្ភារៈ​ប្រើប្រាស់​និង​មធ្យោបាយ​ដឹក​ជញ្ជូន ព្រមទាំងពាក់ម៉ាស់ ត្រួត​ពិនិត្យ​កំដៅ​គ្រប់ៗគ្នា។

សូម​បញ្ជាក់​ថា កាលពីថ្ងៃទី១១ ខែវិច្ឆិកា ឆ្នាំ២០២០​ម្សិលមិញ សម្ដេច​អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​បញ្ជា​ឲ្យ​ក្រសួងសុខាភិបាល បញ្ចេញ​ម៉ាស់​ចំនួន​២.០០០.០០០ (ពីរលាន) ម៉ាស់​ក្រណាត់​ពី​ឃ្លាំង​យុទ្ធសាស្ត្រ​របស់​រាជរដ្ឋាភិបាល ជូន​អភិបាល​នៃ​គណៈ​អភិបាល​រាជធានី​ភ្នំពេញ ដើម្បី​ចែក​ជូន​ដល់​ប្រជាពលរដ្ឋ ដែល​ខ្វះខាត​ក្នុង​សហគមន៍​ក្រីក្រ ក្នុង​រាជធានី​ភ្នំពេញ។

ការ​បញ្ចេញ​ម៉ាស់​នេះ បាន​ធ្វើ​ឡើង​បន្ទាប់​ពី​ជំងឺ​កូវីដ-១៩ បាន​រីក​រាលដាល ក្រោយ​ពី​ព្រឹត្តិការណ៍​ថ្ងៃទី០៣ ខែ​វិច្ឆិកា កន្លងទៅ ដែលមកដល់​ពេលនេះ​ក្រសួងសុខាភិបាល បានរកឃើញមនុស្ស៤នាក់ហើយ ក្នុង​ចំ​ណោម​មនុស្ស​ជាង​មួយ​ពាន់​នាក់ ដែល​ប៉ះពាល់​ដោយ​ផ្ទាល់ និង​ប្រយោល ក្នុង​ដំណើរ​ទស្សនកិច្ច​របស់​រដ្ឋ​មន្ត្រី​ក្រសួងការបរទេស ហុងគ្រី មក​កាន់​ប្រទេស​កម្ពុជា៕

អត្ថបទ ៖ កោះកែវ
 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា6 hours ago

កិច្ច​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា

កីឡា6 hours ago

ក្រុមកីឡា​បាល់បោះ Yuetai Mekongers គ្រង​តំណែង​ជើងឯក​លី​ក “league” ឆ្នាំ​២០២០

ព័ត៌មានជាតិ6 hours ago

ព្រះសង្ឃ​មួយអង្គ​ យក​ខ្សែ​ភ្លើង​ចង.ក​បញ្ចប់ជីវិត​ ក្នុង​កុដិ​

ព័ត៌មានជាតិ6 hours ago

រដ្ឋមន្ត្រី​កសិកម្ម​ជំរុញ​ឲ្យ​សហគមន៍​ព្រៃឈើ​បង្កើន​ការចិញ្ចឹម​សត្វ ត្រី និង​ដាំ​បន្លែ​បន្ថែម​ដើម្បី​បង្កើន​ប្រភព​ចំណូល

ព័ត៌មានជាតិ7 hours ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services