លោកជំទាវ​ម៉ែន សំអន បាន​ចាត់​ឲ្យ​ក្រុមការងារ នាំយក​ទេយ្យទាន​និង​បច្ច័យ​ប្រគេន​សម្តេច​ស​ង្ឍ រ័ត្ន សារឿន​

​ភ្នំពេញ ៖ ​លោកជំទាវ ទូច សា​រ៉ុ​ម រដ្ឋលេខាធិការ​ក្រសួង​ធម្មការ និង​សាសនា តំណាង​ដ៏​ខ្ពង់ខ្ពស់​លោកជំទាវ​កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភា​-​ព្រឹទ្ធសភា និង​អធិការកិច្ច បាន​នាំយក​បច្ច័យ​របស់ ឯកឧត្តម ឧបនាយករដ្ឋមន្ត្រី ហោ ណាំហុង និង​លោកជំទាវ លោកជំទាវ​កិត្តិ​សង្គហ​បណ្ឌិត ម៉ែន សំអន និង លោក​ឧកញ៉ា ផែ ហុកឈួន និង​លោកជំទាវ​ឧកញ៉ា អ៊ឹង ស៊ីស្រ៊ន និង​ទេយ្យទាន ដើម្បី វេរ​និង​ប្រគេន​សម្តេចព្រះ​សាក្យមុនី កិត្តិ​បណ្ឌិត​ទស្សនវិជ្ជា រ័ត្ន សារឿន សមាជិក​ថេរ​សភា​ព្រះពុទ្ធសាសនា​នៃ​ព្រះរាជាណាចក្រ​កម្ពុជា និង​ជា​ព្រះចៅអធិការ​វត្ត​សុវណ្ណ​មុនី​សាគរ ហៅ​វត្ត សំរោង​អណ្តែត ត្រូវ​នឹង​ល្ងាច​ថ្ងៃ​អង្គារ ៨​រោច ខែ​ពិសាខ ឆ្នាំឆ្លូវ ត្រី​ស័ក ព​.​ស​.២៦៥៦ ត្រូវ​នឹង​ថ្ងៃទី ០៤ ខែឧសភា ឆ្នាំ​២០២១។

ឆ្លៀត​ក្នុងឱកាស​នោះ សម្តេចព្រះ​សាក្យមុនី កិត្តិ​បណ្ឌិត​ទស្សនវិជ្ជា រ័ត្ន សារឿន ក៏បាន​បួងសួង​សូម​ឲ្យ​ប្រទេសជាតិ​សេចក្តីសុខ សេចក្តីចម្រើន និង​ការអភិវឌ្ឍន៍ ក្រោម​ការដឹកនាំ​របស់ សម្តេច​តេ​ជោ ជាពិសេស សូម​ឲ្យ​ប្រជាពលរដ្ឋ​ខ្មែរ​ទាំងអស់​ទទួលបាន នូវ​សុភម​ង្គល​គ្រប់ៗ​ក្រុមគ្រួសារ និង​ជៀស​ផុតពី​ជំងឺ​ឧបទ្រពចង្រៃ និង​សូម​ឲ្យ​ជំងឺ​កូ​វីដ​សូម​ឲ្យ​សាបរលាប​ពី​ព្រះរាជាណាចក្រ​កម្ពុជា៕

ដោយ ៖ វិមាន