ព័ត៌មានជាតិ

មន្ទីរពេទ្យឯកជនចំនួន៣ ត្រូវបានក្រសួងសុខាភិបាល សម្រេចអនុញ្ញាតឲ្យព្យាបាលជំងឺកូវីដ-១៩

បានផុស

៣ years មុន

នៅ

ថ្ងៃអង្គារ ៤ ឧសភា ២០២១

ដោយ

ក្រសួងសុខាភិបាល នៃព្រះរាជាណាចក្រកម្ពុជា នៅល្ងាចថ្ងៃទី០៤ ខែឧសភា នេះបានសម្រេចអនុញ្ញាតឲ្យ សេវាសុខាភិ បាលឯកជនចំនួន៣ទីតាំង មានសិទ្ធិទទួលពិនិត្យ ថែទាំ និងព្យាបាលអ្នកជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបានបញ្ជាក់យ៉ាងដូច្នេះថា “ក្រសួងបានអនុញ្ញាតជាផ្លូវការឲ្យសេវាសុខាភិបាលឯកជនចំនួន៣ ទីតាំង មានសិទ្ធិពិនិត្យ ថែទាំ និងព្យាបាលអ្នកជំងឺកូវីដ-១៩ ។ សេវាសុខាភិបាលឯកជនទាំងនោះ បានទទួលសិទ្ធិធ្វើតេស្តរហ័សរកអង់ទីហ្សែនកូវីដ-១៩ ផងដែរ”។

សេវាសុខាភិបាលឯកជនទាំងនោះមាន ឈ្មោះទី១. មន្ទីរពេទ្យ សង់ត្រាល់ ផ្ទះលេខ ៨២A ផ្លូវលេខ១៥៤ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។ទី២. មន្ទីរពេទ្យ រ៉ូយ៉ាល់ ភ្នំពេញ ផ្ទះលេខ ៨៨៨ ផ្លូវសហព័ន្ធរ៉ូស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ទី៣. មន្ទីរពហុព្យាបាលវិសាលសុខ ផ្ទះលេខ៨០ ផ្លូវមុនីរ៉េត សង្កាត់ទួល ស្វាយព្រៃ២ ខណ្ឌចំការមន រាជធានីភ្នំពេញ។

សូមបញ្ជាក់ថា កាលពីថ្ងៃទី២៥២៥ ខែមេសា រដ្ឋមន្ត្រីក្រសួងសុខាភិបាល លោក ម៉ម ប៊ុនហេង បានអនុញ្ញាតឲ្យម្ចាស់សេវាព្យាបាលឯកជន និងសម្ភពស្របច្បាប់ក្នុងរាជធានីភ្នំពេញទាំងអស់ អាចទទួលពិនិត្យ ថែទាំ និងព្យាបាលអ្នកជំងឺកូវីដ-១៩ ដែលការអនុញ្ញាតនេះ គឺដើម្បីជួយសម្រាលបន្ទុករបស់មន្ទីរពេទ្យរដ្ឋ ក្នុងការពិនិត្យ ថែទាំ និងព្យាបាលអ្នកជំងឺកូវីដ-១៩ ប៉ុន្តែសេវាព្យាបាលឯកជន និងសម្ភពស្របច្បាប់ក្នុងរាជធានីភ្នំពេញទាំងអស់ ត្រូវស្នើសុំការអនុញ្ញាតច្បាប់មកក្រសួង និងត្រូវគោរពតាមលក្ខខណ្ឌមួយចំនួនផងដែរ៕

ដោយ ៖ កោះកែវ