ព័ត៌មានជាតិ
សម្តេចតេជោបញ្ជាឱ្យចាក់វ៉ាក់សាំងជូនពលរដ្ឋនៅក្នុងតំបន់ក្រហមទាំងអស់
សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី ០៥ ខែឧសភានេះ បានស្នើទៅសម្តេចពិជ័យ សេនាទៀបាញ់ បញ្ជាទៅអង្គភាពកងទ័ពក្រុមការងារចាក់វ៉ាក់សាំងនៅតំបន់ក្រហម មិនត្រូវបញ្ចប់ដូសទី១ នៅថ្ងៃទី១៥ ខែឧសភា នោះទេ គឺដូសទី១ ធ្វើយ៉ាងណាចាក់ឱ្យហើយប្រជាជន៥២ ម៉ឺននាក់នៅតំបន់ក្រហម ឬលើសពីនេះ។
សម្តេចតេជោមានប្រសាសន៍ថា ការចាក់វ៉ាក់សាំងសម្រាប់ពលរដ្ឋនៅតំបន់ក្រហម នឹងមិនខ្វះទេ ចាក់រហូតអស់ បើមិនគ្រប់ប្រជាពលរដ្ឋមិនអាចដើរចេញនោះទេ ខណៈដែលសម្តេចតេជោ អះអាងថា ដំណើរការចាក់វ៉ាក់សាំងនៅតំបន់ក្រហម បានប្រព្រឹត្តទៅយ៉ាងល្អ ដែលធ្វើឲ្យចំនួនអ្នកចាក់វ៉ាក់សាំង នៅក្នុងក្របខ័ណ្ឌទូទាំងប្រទេសកើនឡើងដល់ជាង១,៥ លាននាក់ ដែលមានចំនួនជាង ១៥ ភាគរយ នៃប្រជាពលរដ្ឋដែលត្រូវចាក់។
សម្ដេចបានបន្តថា សម្រាប់នៅតំបន់ក្រហម កន្លងទៅគណៈកម្មការចំពោះកិច្ចបានបញ្ជូនវ៉ាក់សាំងចំនួន៩០ ម៉ឺនដូស ជូនទៅកងយោធពលខេមរភូមិន្ទ ដែលត្រូវចូលទៅចាក់នៅតំបន់ក្រហម ហើយចំនួនប្រជាពលរដ្ឋនៅតំបន់នោះមានរហូតជាង៥២ ម៉ឺននាក់ ប៉ុន្តែទោះបី ជាចំនួនវ៉ាក់សាំងមិនគ្រប់ទៅតាមចំនួនប្រជាពលរដ្ឋក៏ដោយ គឺមិនអាចដើរចេញចោលប្រជាពលរដ្ឋណាម្នាក់នោះទេ។
សម្តេចនាយករដ្ឋមន្ត្រីថ្លែងបញ្ជាក់ថា វ៉ាក់សាំងសម្រាប់ប្រជាពលរដ្ឋជាង៥២ ម៉ឺននាក់នៅតំបន់ក្រហម នឹងមិនខ្វះនោះទេ ពីព្រោះនៅថ្ងៃទី១១ ខែឧសភា ខាង មុខ វ៉ាក់សាំង នឹងងមកដល់៥០ ម៉ឺនដូស ហើយថ្ងៃទី១៥ និងមកដល់៥០ ដូសទៀត ដូច្នេះយើងនឹងមានវ៉ាក់សាំង១ លានដូសបន្ថែមទៀត។
សម្តេចតេជោ ហ៊ុន សែន បញ្ជាក់ថា ក្រុមអង្គភាពចាក់វ៉ាកសាំងត្រូវចាក់ប្រជាពលរដ្ឋឱ្យអស់នៅតំបន់ក្រហម មិនត្រឹមតែ៥២ ម៉ឺនាក់នោះទេទោះបីលើសពីនេះ ដល់ ៦០ ម៉ឺនក៏រាជរដ្ឋាភិបាលមានសមត្ថភាពចាក់ដែរសម្រាប់ប្រជាពលរដ្ឋដែលរស់នៅតំបន់ក្រហម។
សម្តេចតេជោ ហ៊ុន សែន បានបញ្ជាក់ថា ដូសទីមួយ នឹងត្រូវធ្វើរហូតដល់អស់ប្រជា ពលរដ្ឋ ទើបអាចចាប់ផ្ដើមដំណើរការដូសទី២ ឬអាចនិយាយបានថា ការចាក់ដូសទី១ នៅសល់ចំនួនតិច គឺយើងចាប់ ផ្ដើមដំណើរការដូសទី២ ដំណើរជាមួយគ្នាតែម្ដង៕ អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង