មន្ត្រី​ជំរុញ​ការ​អនុវត្ត​យុទ្ធនាការ​លើកកម្ពស់​សិទ្ធិ​ជន​មាន​ពិការភាព – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រី​ជំរុញ​ការ​អនុវត្ត​យុទ្ធនាការ​លើកកម្ពស់​សិទ្ធិ​ជន​មាន​ពិការភាព

Published

on

ក្រុមប្រឹក្សា​សកម្មភាព​ជន​ពិការ សហការ​ជា​មួយ​ក្រសួង​សង្គមកិច្ច អតីត​យុទ្ធជន និង​យុវនីតិសម្បទា និង​ក្រសួងមហាផ្ទៃ បាន​ធ្វើ​យុទ្ធនាការ​ផ្សព្វផ្សាយ ផែនការ​យុទ្ធសាស្ត្រ​ជាតិ ស្ដីពី​ពិការភាព ២០១៩-២០២៣ និង​ផ្សព្វផ្សាយ លិខិត​បទដ្ឋាន​បច្ចេកទេស ហេដ្ឋា​រចនាសម្ព័ន្ធ​រូបវន្ត បង្ក​លក្ខណៈ​ងាយស្រួល​សម្រាប់​ជនមានពិការភាព ដល់​សមាជិក​ក្រុមប្រឹក្សា​សកម្មភាព​ជនពិការ ខេត្ត​សៀមរាប។

ថ្លែងក្នុងពិធី នៅថ្ងៃទី១២ ខែវិច្ឆិកា ឆ្នាំ២០២០ ​លោក នាក់ ណេរ៉ុន អភិបាលរងខេត្តសៀមរាប បាន​រាយការណ៍​អំពីការយកចិត្តទុកដាក់ខ្ពស់របស់​អាជ្ញាធរ​ លើវិស័យពិការភាព នៅទូទាំងខេត្ត ព្រោះថា ការងារ​ពិការភាព គឺ​ជា​កិច្ច​ការងារ​ពហុវិស័យ ​ដែល​ទាមទារ​ឲ្យ​​យក​ចិត្ត​ទុកដាក់ ដើម្បី​ការពារ និង​លើក​កម្ពស់​សិទ្ធិ​ជន​ពិការ ​។

លោកថា សាលាខេត្ត បានយកចិត្តទុកដាក់ផ្ដល់ដល់ជនពិការ នូវសេវាសុខភាពប្រកបដោយគុណភាព និង​សមភាព ព្រមទាំងការស្ដារលទ្ធភាពពលកម្មកាយសម្បទា និងសតិបញ្ញា ហើយបង្កើនកិច្ចអន្តរាគមន៍​ សេវា​យុត្តិធម៌ ដើម្បីកាត់បន្ថយ និងឈានទៅរកការលុបបំបាត់ការរើសអើង ការរំលោភបំពាន ការប្រមាថ និង​ការកេងប្រវ័ញ្ចលើជនពិការ ។

លោក  ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការ បានថ្លែង​ថា រាជរដ្ឋាភិបាល​កម្ពុជា មាន​ចក្ខុវិស័យ​ច្បាស់លាស់ ធ្វើ​យ៉ាងណា​ឱ្យ​ជន​មាន​ពិការភាព និង​ក្រុម​គ្រួសារ មាន​គុណភាព​ជីវិត​ល្អ និង​ចូលរួមយ៉ាងសកម្មពេញលេញ ស្មើភាពគ្នាក្នុងសង្គម ដែលមានការ​គោរព​សិទ្ធិ និង​សេចក្ដី​ថ្លៃថ្នូរ ព្រម​ទាំង​មានការធ្វើ​បរិយាបន្ន​​ពិការភាព​ក្នុង​គ្រប់​វិស័យ​និង​ការអភិវឌ្ឍ។

​​​លោក យុន ឈុន្នី រដ្ឋលេខាធិការ​ក្រសួង​មហាផ្ទៃ បានថ្លែងថា ​​រាជរដ្ឋាភិបាលកម្ពុជា បានដាក់ចេញនូវផែន​ការ​យុទ្ធ​សាស្ត្រ​ជាតិ ស្ដីពី ពិការភាពឆ្នាំ២០១៩-២០២៣ ក្នុងទិសដៅឈានទៅលុបបំបាត់រាល់ ទម្រង់​កេង​ប្រវ័ញ​ និង​រើសអើង​លើជនមានពិការភាព ដោយធ្វើយ៉ាងណាឱ្យជនមានពិការ​ភាពកាន់តែទទួលបានការ​គាំទ្រ​ពីសង្គម បង្កើន​គុណភាព​ជីវិតឱ្យកាន់តែប្រសើរឡើង ទទួលបានការយកចិត្តទុកដាក់ស្របតាម​គោល​ដៅ​អភិវឌ្ឍន៍​ប្រកប​ដោយ​ចីរភាព (SDGs) «មិនមាននរណាម្នាក់ ត្រូវបានបំភ្លេច » ៕
 
អទ្ថបទ ៖ គឿនវេត


 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា4 mins ago

កិច្ច​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា

កីឡា14 mins ago

ក្រុមកីឡា​បាល់បោះ Yuetai Mekongers គ្រង​តំណែង​ជើងឯក​លី​ក “league” ឆ្នាំ​២០២០

ព័ត៌មានជាតិ21 mins ago

ព្រះសង្ឃ​មួយអង្គ​ យក​ខ្សែ​ភ្លើង​ចង.ក​បញ្ចប់ជីវិត​ ក្នុង​កុដិ​

ព័ត៌មានជាតិ31 mins ago

រដ្ឋមន្ត្រី​កសិកម្ម​ជំរុញ​ឲ្យ​សហគមន៍​ព្រៃឈើ​បង្កើន​ការចិញ្ចឹម​សត្វ ត្រី និង​ដាំ​បន្លែ​បន្ថែម​ដើម្បី​បង្កើន​ប្រភព​ចំណូល

ព័ត៌មានជាតិ1 hour ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services