ព័ត៌មានជាតិ
ដីរដ្ឋបម្រុងទុកជាង១៥ហិកតានៅស្រុកបូទុមសាគរកំពុងចុះបញ្ជី និងពិនិត្យផ្ទៀងផ្ទាត់ឡើងវិញ
អាជ្ញាធរស្រុកបូទុមសាគរ មន្រ្តីជំនាញ និងភូមិឃុំ ផ្តើមចុះពិនិត្យវាស់វែងពីទំហំដីបម្រុងទុកជាក់ស្តែងជាង១៥ហិចតាឡើងវិញ ក្នុងចុះបញ្ជីដីរដ្ឋឱ្យបានត្រឹមត្រូវតាមច្បាប់ ឬគ្រោងធ្វើអ្វីទៅថ្ងៃអនាគត។
លោក សាង ស៊ីណេត អភិបាលរងស្រុកបូទុមសាគរ រសៀលថ្ងៃទី៥ ខែឧសភា ២០២១ ឱ្យដឹងថាដីរដ្ឋបម្រុងទុកជាង១៥ហិចតារបស់ស្រុក នៅចំណុចភ្នំត្រងោល ភូមិជីមាល ឃុំអណ្តូងទឹក កំពុងត្រូវបានវាស់វែងពិនិត្យផ្ទៀងផ្ទាត់ព្រំប្រទល់ដីជាថ្មីវិញ ដើម្បីរក្សាការពារទុកទៅថ្ងៃមុខ ជៀសវាងមានការកាប់ទន្រ្ទានពីក្រុមឈ្នួញខិលខូច។
លោកអភិបាលរងស្រុកវ័យក្មេង ពន្យល់ដែរថា ទំហំដីដែលក្រុមការងារចុះពិនិត្យ និងវាស់វែងតាមលក្ខណៈបច្ចេកទេសឡើងវិញនេះជាដីបម្រុងទុករបស់ស្រុកជាយូរឆ្នាំណាស់មកហើយ តាំងពីអាណិត្តអភិបាលស្រុកមុនៗ ព្រោះមើលឃើញកត្តាប្រឈមនានា ទើបទប់ស្កាត់ការងារត្បិតដៃម្ខាងការពារទប់ស្កាត់ការរីករាលដាលជំងឺកូវីដ១៩ក្នុងសហគមន៍ក៏ដោយ។
លោក សាង ស៊ីណេត ដីបម្រុងជាង១៥ហិចតានោះ គឺវាស្ថិតនៅក្បែរតំបន់ដីសង្គមកិច្ច និងដីរបស់ប្រជាពលរដ្ឋ បន្ទាប់ពីកំណត់និយាមកាលប្រាកដប្រជាហើយ ត្រូវចុះបញ្ជីផ្លូវការតាមច្បាប់ជាធរមាន។ ត្រង់ថា ទៅថ្ងៃអនាគត ស្រុកមានគម្រោងរៀបចំឱ្យមានជាវត្តអារាម ទីតាំងបោះជំរំកម្សន្តរបស់យុវជន និងរមណីយដ្ឋានកម្សាន្តធម្មជាតិទាក់ទាញភ្ញៀវទេសចរមកលេងកម្សាន្ត នឹងពិនិត្យថែមទៀត។
មិនចំពោះតែដំណើរការវាស់វែងដីបម្រុងទុកស្ថិតនៅចំណុចភ្នំត្រងោលទេ ទីតាំងដីនៅបុរណដ្ឋានអណ្តូង១០០ ស្ថិតនៅភូមិអណ្តូងទឹក និងបុរណដ្ឋានថ្មសាន ស្ថិតនៅជីត្រេះ ឃុំអណ្តូងទឹក ក៏សុទ្ធតែត្រូវបានពិនិត្យវាស់វែងជាថ្មីដែរ ដោយមានសមាសភាពក្រុមការងារមន្ទីរវប្បធម៌ និងវិចិត្រសិល្បខេត្តចូលរួមផងដែរ។
គួរជម្រាបថា មួយរយៈចុងក្រោយនេះ រដ្ឋបាលស្រុកបូទុមសាគរ កំពុងមមាញឹកខ្លាំងលើការងារទប់ស្កាត់ការរីករាលដាលជំងឺកូវីឌ១៩ តាមរយៈដាក់ប៉ុស្តិពិនិត្យសុខភាពតាមដងផ្លូវជាតិលេខ៤៨ និងតាមដានមនុស្សចំណូលថ្មីចូលមកមូលដ្ឋាន ករណីសង្ស័យតម្រូវឱ្យយកសំណាកធ្វើតេស្ត ព្រមទាំងធ្វើចត្តាឡីស័កជាដើម៕
អត្តបទ៖ សិរីវឌ្ឍនៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង