សុខភាព

ពណ៌ទឹកសំបោរបង្ហាញពីបញ្ហាសុខភាពអ្វីខ្លះ?

បានផុស

៣ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ពេលមានសំបោរឬកំហាកយើងតែងតែញើសនិងខាកចេញមក ដោយមិនបានចាប់អារម្មណ៍អ្វីទាំងអស់កាន់តែឆាប់កាន់តែល្អ។ តើអ្នកជឿទេថាពណ៌របស់សំបោរវាបានប្រាប់ពីបញ្ហាសុខភាពអ្នកអ្វីខ្លះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងទាំងអស់គ្នាតែងតែជួបប្រទះនិងការហៀរសំបោរ ឬ ធ្លាក់ចូលបំពង់កដែលតម្រូវឲ្យយើងញើសឬខាកចេញមកមានពេលខ្លះហឺតចូលទៅក្នុងច្រមុះឬលេបចូលបំពង់ក។

ក) ទឹកសំបោរមានប្រភពមកពីណា

ផ្លូវដង្ហើមនិងអាហាររបស់មនុស្សយើងមានភ្នាសកោសិកា ដែលជាកន្លែងផលិតសំបោរ រំអិល និង ស្លេះមិនថានៅក្នុងច្រមុះ សីនុស មាត់ បំពង់ក បំពង់សំឡេង បំពង់ខ្យល់វាមានតួនាទីការពារមេរោគ ការរលាកកកិតវាធ្វើឲ្យមានសំណើមគ្រប់ពេលវេលាហេតុដូច្នេះហើយនៅពេលដែលភ្នាសកោសិកាស្ងួតវាងាយនិងបង្ករោគ។ សំបោរឬរំអិលនៅផ្លូវដង្ហើមវាមានតួនាទីចាប់យកវត្ថុផ្សេង ដែលចូលមកក្នុងរាងកាយយើងតាមរយៈការដកដង្ហើម រាងកាយយើងផលិតសំបោរ ឬ ទឹករំអិល២លីត្រក្នុង១ថ្ងៃ។ មនុស្សភាគច្រើនមិនបានចាប់អារម្មណ៍ពីការពិនិត្យពណ៌សំបោរឬកំហាកនោះទេ តើអ្នកដឹងទេថាពណ៌សំបោររបស់លោកអ្នកវាបានបញ្ជាក់ពីបញ្ហាអ្វីខ្លះពីសុខភពច្រមុះរបស់លោកអ្នក។

១. ពណ៌សថ្លា បណ្តាលមកពីផ្ដាសាយ រលាកផ្លូវដង្ហើមខាងលើ ឬ អាលែកស្សីច្រមុះ ពពួកវីរុសបង្កអោយរលាកភ្នាសកោសិកាដែលបញ្ចេញសារជាតិ Histamine ជំរុញឲ្យមានការផលិតទឹកសំបោរយ៉ាងច្រើនការប្រើថ្នាំ Anti-Histamine និងការលាងច្រមុះជាមួយទឹកសេរ៉ូមប្រៃអាចជួយកាត់បន្ថយការហៀរសំបោរបាន។

២. ពណ៌ស ការដែលសំបោរមានលក្ខណៈក្រាស់ ស្អិត និង សល្អក់អាចមកពីស្ទះនៅក្នុងច្រមុះរយៈពេលយូរដែលបណ្តាលមកពីភ្នាសច្រមុះហើមក្រៅពីនោះរួមផ្សំនិងការទទួលទានផលិតផលពីទឹកដោះគោច្រើនពេក។

៣. ពណ៌លឿង មកពីការឆ្លងរោគពពួកបាក់តេរីនៅច្រមុះ ឬ សីនុសប្រព័ន្ធរាងកាយយើងបានប្រឆាំងធ្វើឲ្យមេរោគស្លាប់បូកផ្សំនិងរំអិលលាយខ្ទុះរួមផ្សំគ្នាធ្វើឲ្យសំបោរមានពណ៌លឿង។

៤. ពណ៌ប្រផេះ អាចចង្អុលបង្ហាញថា ក្នុងច្រមុះរបស់អ្នកមានឬសដូងច្រមុះដែលកើតចេញពី ការរលាករាំរ៉ៃនៃភ្នាសច្រមុះឬសីនុសមានសណ្ឋានដួចផ្លែទំពាំងបាយជូរ ដែលបណ្តាលមកពីអាលែកស្សីច្រមុះ រលាកសីនុសរ៉ាំរ៉ៃ ជំងឺហឺត។

៥. ពណ៌ខៀវ បង្ហាញថារាងកាយយើងកំពង់ប្រឆាំងនិងបាក់តេរីដូចក្នុងករណីទឹកសំបោរពណ៌លឿងដែរ។

៦. ពណ៌ក្រហម កើតឡើងដោយសារសរសៃឈាមច្រមុះដាច់លាយជាមួយទឹកសំបោរសរសៃឈាមដាច់អាចបណ្តាលមកពីភ្នាសច្រមុះស្ងួត ឬ របួសច្រមុះ ការរលាកច្រមុះ រោគសរសៃឈាមផ្សេង។ការមានឈាមច្រមុះមួយខាងឬសងខាងត្រូវមកពិនិត្យជាមួយគ្រូពេទ្យ។

៧. ពណ៌ខ្មៅ ការដែលទឹកសំបោរមានពណ៌ខ្មៅច្រើនជួបចំពោះអ្នកជក់បារី អ្នកប្រើប្រាស់ថ្នាំញៀន អ្នកដែលរស់នៅក្នុងបរិស្ថានដែលមានការបំពុលបរិយាកាសខ្លាំងនិងការបង្ករោគដោយពពួកផ្សិតនៅច្រមុះឬសីនុស។

អាស្រ័យដូចបានរៀបរាប់ខាងលើសូមលោកលោកស្រីមេត្តាពិនិត្យមើលពណ៌ទឹកសំបោររបស់លោកអ្នកនៅពេលញើសឬខាកស្តោះតើមានពណ៌អ្វីហើយបើសិនជាមានសភាពមិនប្រក្រតីសូមមេត្តាអញ្ជើញមកពិនិត្យនិងព្យាបាលជាមួយគ្រូពេទ្យជំនាញផ្នែកត្រចៀក ច្រមុះ បំពង់កនៅមន្ទីរពេទ្យកាល់ម៉ែត៕

អត្ថបទ៖ រស្មី

សូមចុចអាន៖ ផលគ្រោះថ្នាក់របស់ជំងឺថ្លើមប្រភេទ បេ សេ និងការវិវត្តន៍ទៅជំងឺក្រិនថ្លើម ឬដល់អាយុជីវិត