ឃាត់ខ្លួនក្រុមអ្នកនាំចូល និងលក់ចែកចាយខោទឹកនោមម៉ាក «Unidry» ក្លែងក្លាយ
Connect with us
Helistar Cambodia - Helicopter Charter Services

ព័ត៌មានជាតិ

ឃាត់ខ្លួនក្រុមអ្នកនាំចូល និងលក់ចែកចាយខោទឹកនោមម៉ាក «Unidry» ក្លែងក្លាយ

បានផុស

នៅ

នគរបាលនៃគណៈកម្មការប្រយុទ្ធប្រឆាំងផលិតផលក្លែងក្លាយ នៃក្រសួងមហាផ្ទៃ នៅថ្ងៃទី០៦ ខែឧសភា ឆ្នាំ២០២១​នេះ បានឃាត់ខ្លួនជនសង្ស័យចំនួន២នាក់ ពាក់ព័ន្ធបទល្មើសនាំចូល និងលក់ចែកចាយផលិតផលខោទឹកនោមម៉ាក «Unidry» ក្លែងក្លាយ ដែលបណ្ដាលឲ្យមានគ្រោះថ្នាក់ដល់ទារកដែលប្រើប្រាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចដែលចុះប្រតិបត្តិការបានបញ្ជាក់ថា ជនសង្ស័យដែលត្រូវឃាត់ខ្លួន ទី១ឈ្មោះ ឆ ឡៃហ៊ុយ ភេទប្រុស ជាម្ចាស់ទីតាំងស្តុក និងលក់ចែកចាយផលិតផលខោទឹកនោមម៉ាក «Unidry» ក្លែងក្លាយ រស់នៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ទី២ ឈ្មោះ ទិត្យ ពីរ៉េវ ភេទប្រុស រស់នៅភូមិវាល ឃុំសាន់គរ ស្រុកកំពង់ស្វាយ ខេត្តកំពង់ធំ គឺជាអ្នកនាំចូលផលិតផលខោទឹកនោមម៉ាក «Unidry» ក្លែងក្លាយមកពីប្រទេសចិន និងលក់បន្ដឲ្យឈ្មោះ ឆ ឡៃហ៊ុយ។

បច្ចុប្បន្ន សមត្ថកិច្ចកំពុងឃាត់ខ្លួនជនសង្ស័យទាំង២នាក់ខាងលើនៅក្រសួងមហាផ្ទៃ ដើម្បីសាកសួរ និងកសាងសំណុំរឿងបញ្ជូនទៅតុលាការ ចាត់ការតាមផ្លូបច្បាប់។

កម្លាំងជំនាញនៃគណៈកម្មការប្រយុទ្ធប្រឆាំងផលិតផលក្លែងក្លាយ ក្រសួងមហាផ្ទៃ ក្រោមការដឹកនាំ និងសម្របសម្រួល​ពីលោក សាយ ណូរ៉ា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានចុះបង្ក្រាបកន្លែងស្តុកទុកខោទឹក​នោមម៉ាក «Unidry» ក្លែងក្លាយ នៅចំណុចផ្ទះរបស់ជនសង្ស័យឈ្មោះ ឆ ឡៃហ៊ុយ ស្ថិតនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

នៅក្នុងប្រតិបត្តិការនោះ សមត្ថកិច្ចបានរកឃើញ និងរឹបអូសខោទឹកនោមម៉ាក «Unidry» ក្លែងក្លាយនេះចំនួន៥៧៩ កេស។ នៅចំពោះមុខសមត្ថកិច្ចជំនាញ ជនសង្ស័យឈ្មោះ ឆ ឡៃហ៊ុយ ជាអ្នកស្តុក និងចែកចាយផលិតផល ខោទឹក​នោម​ម៉ាក «Unidry» ក្លែងក្លាយ បានសារភាពថា ក្រៅពីផ្ទះដែលខ្លួនកំពុងរស់នៅនេះ ខ្លួនបានស្តុកឥវ៉ាន់ខាងលើ នៅផ្ទះលេខ៤១E0 ផ្លូវ១៩៨ សង្កាត់បឹងព្រលិត ខណ្ឌ៧មករា រាជធានីភ្នំពេញផងដែរ។ ជនសង្ស័យឈ្មោះ ឆ ឡៃហ៊ុយ បានបន្ដថា ខ្លួនបានផ្សំគំនិតទិញទំនិញនេះ ពីជនសង្ស័យឈ្មោះ ទិត្យ ពីរ៉េវ ។

ក្នុងការបង្ក្រាបផលិតផលក្លែងក្លាយនេះ ក្រុមហ៊ុន វិន ស៊ុន (ខេមបូឌា) ខូ អិលធីឌី ដែលជាម្ចាស់ម៉ាក Unidry ស្របច្បាប់ បានស្នើឲ្យតុលាការចាត់វិធានការច្បាប់លើក្រុមជនសង្ស័យឲ្យបានម៉ឺងម៉ាត់បំផុត ព្រោះពួកគេបានធ្វើឲ្យប៉ះពាល់យ៉ាងធ្ងន់ធ្ងរដល់កេរ្តិ៍ឈ្មោះក្រុមហ៊ុន និងជាពិសេសបង្កជាហានិភ័យដល់អ្នកប្រើប្រាស់ថែមទៀតផង។

លោក ហេង សុផារិទ្ធ មេធាវីតំណាងឲ្យក្រុមហ៊ុនម្ចាស់សិទ្ធិ ក៏កំពុងត្រៀមរៀបចំសំណុំឯកសារដាក់ទៅអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៃក្រសួងពាណិជ្ជកិម្ម ដើម្បីឲ្យសាធារណៈ​ជនដែលបានប្រើប្រាស់ផលិតផលក្លែងក្លាយសម្រាប់កូនៗ ដោយមិនដឹងខ្លួន និងធ្វើកូនៗរបស់លោកអ្នកទទួលរងផល​ប៉ះ​ពាល់នោះ សាធារណៈជនអាចដាក់ពាក្យបណ្តឹងដើម្បីទាមទារសំណងពីក្រុមជនសង្ស័យ ឲ្យសមស្របតាមច្បាប់ស្តីពីការការពារអ្នកប្រើប្រាស់ឆ្នាំ២០១៩។

ក្រុមហ៊ុន វិន ស៊ុន ដែលជាម្ចាស់កម្មសិទ្ធិបញ្ញាផលិតផលខោទឹកនោមម៉ាក «Unidry» សូមអំពាវនាវដល់អតិថិជនទាំងអស់ សូមមេត្តាពិនិត្យឲ្យបានច្បាស់លាស់មុននឹងទិញផលិតផលខាងលើនេះ ដើម្បីចៀសផុតពីផលិតផលក្លែងក្លាយ ដែលអាចបង្កផលប៉ះពាល់ដល់សុខភាពកូនរបស់លោកអ្នក៕

អត្ថបទ ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍២៥ នាទី មុន

រថយន្ត​ដឹក​ដី​បើក​បញ្ច្រាស​ផ្លូវ ត្រូវ​បុរស​ម្នាក់​ជិះ​ម៉ូតូ​ប៉ះ​ដៃចង្កូត ខ្ទាត​ទៅ​បុក​រថយន្ត​ស្ទូច​ចត​ស្ងៀម​បណ្ដាល​ឲ្យ​បោក​ក្បាល​ស្លាប់​ភ្លាមៗ​

កូវីដ-១៩២៩ នាទី មុន

ខេត្តរតនគិរី រកឃើញ​ក្មេងប្រុស​/​ស្រី​ចំនួន៤​នាក់ ឆ្លង​ជំងឺ​កូ​វីដ​១៩ បន្ទាប់ពី​ធ្វើតេស្ត​សំណាក​លើក​ទី​២

ព័ត៌មានជាតិ៥៤ នាទី មុន

សមត្ថកិច្ច​ចំរុះ​ចុះ​បង្ក្រាប​ស្រា​យីហោ​តាំង​គួ​យ​ចំនួន​ជាង​២៧.០០០​ដប​ដែល​បង្ក​ឲ្យ​អ្នក​ផឹក​៧​នាក់​ស្លាប់​និង​ពុល​រាប់​សិប​នាក់​ទៀត

ព័ត៌មានជាតិ២ ម៉ោង មុន

ក្រសួង​អប់រំ​ប្រកាស​ប្រឡង​ឌី​ប្លូ​ម​ នៅ​ថ្ងៃទី​១៥​ វិច្ឆិកា​ និង​ប្រឡង​បាក់​ឌុប​នៅ​ថ្ងៃទី​៦​ធ្នូ​ខាងមុខ

កូវីដ-១៩២ ម៉ោង មុន

ម្តាយ​ស្លាប់​កូនចៅ​ឲ្យ​គ្រូពេទ្យ​មក​ពិនិត្យ​សំណាក ​ស្រាប់តែ​មាន​វិជ្ជ​មាន​កូ​វីដ​ពាក់​ព័ន្ធ​កូន​ម្នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services