ព័ត៌មានជាតិ
កម្ពុជារីករាយសហការជាមួយភាគីអាមេរិក ក្នុងការលើកកម្ពស់លក្ខខណ្ឌការងារនិងលុបបំបាត់ការប្រើប្រាស់ពលកម្មកុមារ
ភ្នំពេញ ៖ លោក ហេង សួរ រដ្ឋលេខាធិការ នៃក្រសួងការងារ និងបណ្តុះបណ្តាលវិជ្ជាជីវៈបានលើកឡើងថា កម្ពុជាស្វាគមន៍ចំពោះកិច្ចសហការជាមួយតំណាងពាណិជ្ជកម្មរបស់សហរដ្ឋអាមេរិក (USTR) ក្នុងក្របខ័ណ្ឌវិនិយោគនិងពាណិជ្ជកម្មរវាងកម្ពុជា និងសហរដ្ឋអាមេរិក (TIFA)ក្នុងការចូលរួមលើកកម្ពស់លក្ខខណ្ឌការងារ និងលុបបំបាត់ការប្រើប្រាស់ពលកម្មកុមារនៅក្នុងប្រទេសកម្ពុជា។
ការលើកឡើងរបស់លោកហេង សួរ នេះបានធ្វើឡើងនៅក្នុងឱកាសដែលលោកបានដឹកនាំប្រតិភូចូលរួមកិច្ចប្រជុំជាមួយតំណាងពាណិជ្ជកម្មរបស់សហរដ្ឋអាមេរិក (USTR) ដោយមានការចូលរួមពីតំណាងក្រសួងពាណិជ្ជកម្ម តាមរយៈប្រព័ន្ធវីដេអូ (Virtual Meeting) ។
នៅក្នុងកិច្ចប្រជុំនេះ លោកបានលើកទ្បើងអំពីគោលបំណងនៃការធ្វើវិសោធនកម្មច្បាប់ស្តីពីសហជីព ក្នុងការចូលរួមលើកកម្ពស់ការអនុវត្តសេរីភាពអង្គការវិជ្ជាជីវៈ តាមរយៈការផ្តល់លក្ខខណ្ឌកាន់តែងាយស្រួលដល់បងប្អូនកម្មករនិយោជិតក្នុងការបង្កើតនិងចុះបញ្ជីសហជីព និងការចូលរួមសកម្មភាពសហជីពដើម្បីដោះស្រាយវិវាទការងាររួម។
លោករដ្ឋលេខាធិការបានបញ្ជាក់ជូនដំណាង USTR និងបានលើកទឹកចិត្តឱ្យភាគីពាក់ព័ន្ធដាក់ពាក្យបណ្តឹងមកក្រសួងការងារ និងបណ្តុះបណ្តាលវិជ្ជាជីវៈ ក្នុងករណីដែលមានការរើសអើងសហជីព ដើម្បីក្រសួងអាចដោះស្រាយបានទាន់ពេលវេលា។
លោកក៏បានបង្ហាញអំពីវឌ្ឍនភាពការងារនានា ពាក់ព័ន្ធនឹងការចុះបញ្ជីអង្គការវិជ្ជាជីវៈ ការដោះស្រាយវិវាទការងារដោយក្រុមប្រឹក្សាអាជ្ញាកណ្តាល ការចុះធ្វើអធិការកិច្ចការងារក្នុងអំឡុងពេលនៃការរីករាលដាលនៃជំងឺកូវីដ-១៩ និងកិច្ចសហការជាមួយគម្រោងរោងចក្រកាន់តែប្រសើរនៅកម្ពុជា (ILO-BFC) ក្នុងការពង្រីកវិសាលភាពអនុវត្តចំពោះរោងចក្រផ្នែកផលិតផលិតផលធ្វើដំណើរនិងកាបូបផងដែរ។
លោកហេង សួរ បានបន្តទៀតថា ការលុបបំបាត់ពលកម្មកុមារនៅតែជាអាទិភាពរបស់រាជរដ្ឋាភិបាលកម្ពុជាដែលក្នុងនោះ ក្រសួងការងារបាននឹងកំពុងបន្តចុះធ្វើអធិការកិច្ចនិងយុទ្ធនាការផ្សព្វផ្សាយដើម្បីទប់ស្កាត់ការប្រើប្រាស់ពលកម្មកុមារ លើកកម្ពស់ការយល់ដឹងអំពីហានិភ័យនៃគ្រោះថ្នាក់នៅពេលកុមារចូលក្នុងកន្លែងការងារ និងពង្រឹងការអនុវត្តច្បាប់ឱ្យកាន់តែមានប្រសិទ្ធភាព។
លោកហេង សួរ ក្នុងនាមក្រសួងការងារ និងបណ្តុះបណ្តាលវិជ្ជាជីវៈ សូមថ្លែងអំណរគុណ និងវាយតម្លៃខ្ពស់ចំពោះកិច្ចសហការជាមួយតំណាងពាណិជ្ជកម្មរបស់សហរដ្ឋអាមេរិក (USTR) ក្នុងក្របខ័ណ្ឌវិនិយោគនិងពាណិជ្ជកម្មរវាងកម្ពុជា និងសហរដ្ឋអាមេរិក (TIFA) ដោយសហការជាមួយដៃគូពាក់ព័ន្ធក្នុងការចូលរួមលើកកម្ពស់លក្ខខណ្ឌការងារ និងលុបបំបាត់ការប្រើប្រាស់ពលកម្មកុមារនៅក្នុងព្រះរាជាណាចក្រកម្ពុជា៕
ដោយ ៖ សំអឿន
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)