ព័ត៌មានជាតិ
សពកូវីដនៅក្រុងញូវយ៉កកំពុងរក្សាទុកក្នុងកុងតឺន័រទឹកកកមួយឆ្នាំហើយ
សាកសពនៃជនរងគ្រោះដោយកូវីដ-១៩នៅទីក្រុងញូវយ៉ក សហរដ្ឋអាមេរិកនៅតែកំពុងរក្សាទុកនៅក្នុងកុងតឺន័រទឹកកកដែលបានយកធ្វើជាកន្លែងរក្សាទុកកំឡុងពេលអាមេរិកផ្ទុះជំងឺនេះអាក្រក់ខ្លាំងបំផុតរយៈពេលមួយឆ្នាំមុន។ នេះបើតាមការិយាល័យត្រួតពិនិត្យវេជ្ជសាស្ត្រ។
ទីតាំងរក្សាទុកសាកសពបណ្តោះអាសន្នរយៈពេលយូរនៅឯស្ថានីយ៍សមុទ្រខាងត្បូង South Brooklyn ដែលកំពុងរក្សាសាកសពចំនួន ៧៥០នាក់ ប៉ុន្តែមិនមែនសុទ្ធតែស្លាប់ដោយកូវីដ-១៩ទាំងអស់នោះទេ ដោយមានខ្លះគាំងបេះដូងជាដើម។
យោងតាមមជ្ឈមណ្ឌលគ្រប់គ្រង និងការពារជំងឺឆ្លងអាមេរិក បានឲ្យដឹងថា កាលពីដើមខែមេសា ឆ្នាំ២០២០ ការស្លាប់ដោយកូវីដ-១៩ត្រូវបានរាយការណ៍ជាង៨០០នាក់ត្រឹមតែមួយថ្ងៃនៅទីក្រុងញូវយ៉ក។ កំឡុងសប្តាហ៍ នៃថ្ងៃទី៥ ខែមេសា ជាមធ្យមមានអ្នកស្លាប់៥៦៦នាក់ប្រចាំថ្ងៃ។
អ្នកនាំពាក្យការិយាល័យត្រួតពិនិត្យវេជ្ជសាស្ត្រ លោក Mark Desire បាននិយាយថា ៖«ការរក្សាទុកកយូរនោះបានធ្វើឡើងនៅពេលការផ្ទុះកូវីដ-១៩ខ្ពស់បំផុត ដើម្បីធានាថា ក្រុមគ្រួសារអាចដាក់សពមនុស្សជាទីស្រឡាញ់របស់ពួកគាត់នៅកន្លែងល្អនៅពេលវេលាសមរម្យ»។
ចុងខែមីនា ឆ្នាំ២០២០ កុងតឹន័រទឹកកកទាំងនោះក៏ត្រូវបានប្រើជាកន្លែងដាក់សពនៅខាងក្រៅមន្ទីរពេទ្យដែរកំឡុងពេលផ្ទុះកូវីដខ្លាំងដែលមានមនុស្សស្លាប់ច្រើន។
មុនព្រឹត្តិការណ៍កូវីដ-១៩នេះ ក្រុងញូវយ៉កក៏បានចាត់វិធានការបែបនេះ បន្ទាប់ពីការវាយប្រហារភេរវកម្មថ្ងៃទី១១ ខែកញ្ញា ឆ្នាំ២០០១ នៅពេលដែលការិយាល័យត្រួតពិនិត្យវេជ្ជសាស្ត្របានកំណត់អត្តសញ្ញាណផ្នែករាងកាយសាកសពចំនួន២៧៥៣នាក់ដែលត្រូវបានសម្លាប់នៅអគារពាណិជ្ជកម្មពិភពលោក។
លោក Desire បាននិយាយថា ការិយាល័យត្រួតពិនិត្យវេជ្ជសាស្ត្របានកំពុងជួយក្រុមគ្រួសារដើម្បីរៀបចំទុកដាក់សពនៅទីកកន្លែងណាស័ក្តិសម។
«ដោយភាពរំជើបរំជួល និងអាណិតអាសូរ យើងបន្តធ្វើការជាមួយគ្រួសាររបស់សពនីមួយៗដោយផ្អែកលើករណីមួយៗកំឡុងពេលការកាន់ទុក្ខរបស់ពួកគាត់»។ លោក Desire បានបញ្ជាក់។
ការិយាល័យត្រួតពិនិត្យវេជ្ជសាស្ត្របានទិញកុងតឺន័រទឹកកកបន្ថែម ហើយទីភ្នាក់ងារគ្រប់គ្រងគ្រាអាសន្នសហព័ន្ធបានផ្តល់កុងតឺន័រទឹកកកដល់ទីក្រុងញូវយ៉កចំនួន៨០គ្រឿងកាលពីឆ្នាំមុន៕
ប្រែសម្រួល៖ វីរបុត្រ
ប្រភព៖ CNN
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត